| أفـاطٓـم |
."""""""""""""""""""""""""""""""""""""""".
2024 .. 2 / 3 .. البدايه في شهر رمضان ..
كل انسان إله قصه تعبته بحياته ، يمكن ميحب
يحجي بيها ويمكن يحب يحجي بيها لأكن لابُد
إله قصه متعبه وقصه صعبه يمكن غيره يلومه
أو ميحس بي مثل ما أني صار وياي
محد يعيش واقعك ومحد يكدر يحس بيك
ولا تصير بنضرهم مثير للشفقه لأن محد راح يحس
بلي أنت الجاي تحس بي مجرد يشوفوك
" مُثير للشفقه"
وهاذ واقع البشر أول شي يشوفوك حبيتهم
بعدين يبدون ياخذون طاقتك كلها ويكلولك
" انت متغير"
بس ماراح يحسون بيك ولا راح يفهموك
لأن انت الي معودهم أنو ياذوك وناطيهم فرصه
يمكن أنت بنضرهم شخص فاشل وماعندك
شخصيه بس لأن أنت شخص طيب وحساس
بس ال انسان يمُر بهواي تجارب بحياته
ومو شرط أنو تشوف شخص غيرك يحب
شخص ثاني أكثر منك هل شي جداً طبيعي
أنا وحده من الناس جنت هيج بس اتغيرت
لأن صدكوني يمكن هوه أحسن منك أو
هوه هيج وهيج فا هل شي جداً جداً طبيعي
بل نسبه الي أني ومو قصه قناعه لا ..
بس عامل بل مثل ، وأنا وداعت عيون امي
اتغيرت لأن شفت مابيهم فايده ومو سند إلي
يمكن ال انسان يمر بفتره صعبة وميلكه
أحد يمه غير شخص واحد وهل شخص
يصير كل حياته يمكن اكون فاشله بل تعبير
أو ماراح تفهمون عليه شي بس أنا هاي مشاعري
مااعرف شلون اوصلها الكم بس مجرد جاي اكتب
جاي اكتب كلشي أنا جاي احس بي حته لو
محد فاهم بس أنا المهم دااحجي الشي البداخلي
عشت هواي أمور صعبه ومنها قوتني ومنها
اذتني ومنها خذلتني بس صدكوني محد يستاهل
تسوي شي علموده الي يتخله عني!
اتخله عنه العمر كله وبوجهٓ مااباوع لأن عافني
لو شكد بيه اغلاط يتحملني لو صدك يحبني
بس مو هوه يريد اتحمله وهوه ميتحملني
هاي اسمها انانيه وقله شخصيه منه
بس أنا اهم من أي شخص ، أنا مهمه
أنا الشي الي يريحني هوه من احد يحجي
شي ميعجبني وشي غلط مني منا وجاي صرت
أكله " صح " لأن بس مااريد اتناقش وياهم ..
هل شي جداً يزعجني ويتعبني
محد يستاهل اتعب علموده غير
" ذيب " هوه الشخص الصح الوحيد
هوه ال اختيار الصح هوه اهلي كلهم
أنا مااخلي يغار من أحد اخلي الناس
هيه تغار منه لأن هوه يستاهل ويستاهل
شكو شي زين يستاهل ايشي بي خير
يمكن ارجع بعد فتره وأنا ويا مزوجين
واشوفه كلشي جاي اكتبه فا مااعرف الدنيه
وين راح تاخذني وماعرف شلون راح اتحمل
كل هل تعب ولمصاعُب بس الخاطره كلشي
يهون اتحمل ويا لو آخر يوم بحياتي
هوه الي يستاهل يمكن أنا آكون ضعيفه
بس يمه اقوئٓ حته هوه ياخذ القوه مني !
لازم يحس اكو أحد يمه ماعرف بس أنا
أحبه حيل ماعرف بس احبه بدون سبب
الله زرع حبه بكلبي وخلاني أحبه أكثر من روحي
وخلاني افضله عله أي أحد وخلاني احبه بشكل
مو طبيعي وخلاني اتعذب لو عافني وحدي
وهل شي يتعب لأن لو اجه يوم وتخله عني
" فا هاي نهايتي بهل دنيه"
إلي يريد يكتلني يهددني ب ذيب
هوه نقطه ضعفي كلها يمه!
ماعرف بس اكو هواي اشياء " راح تعرفوها"
