ဝတီတစ်ယောက် စားဖိုဆောင်ကိုပြန်ရောက်တော့ ညရောက်ဖို့သာလျှင်စိတ်စောနေမိသည်။ ဒေဝီသခင်မအတွက် နေ့လည်စာနဲ့ ညနေစာကိုတော့ ဒီနေ့တာဝန်ကျဖြစ်တဲ့ မယ်ယုတစ်ယောက်သာလျှင်သွားပို့လေသည်။ ဝတီကတော့လိုက်မသွားတော့ပါ။ အဘယ်ကြောင့်ဆိုသော် မိမိသည်ဒေဝီသခင်မ၏ နန်းဆောင်တည်နေရာကိုသိရှိပြီးမဟုတ်ပါလား။ ထို့ကြောင့် စားဖိုဆောင်မှာပင်ဝိုင်းကူလုပ်ပေးရင်း ဒေဝီသခင်မအကြောင်းကိုသာလျှင်တစေ့တစောင်းမေးမြန်းကြည့်လိုက်၏။
"မမငွေ ကိုအကျွန်ုပ်သိချင်တာတစ်ခုမေးစရာရှိတယ်။ အပမ်းမကြီးဘူးဆိုလျှင်ပြောပြပါလား"
ဝတီ့ရဲ့စကားကြောင့် ကြက်သွန်ဖြူနွှာနေသော မယ်ငွေက ဝတီကိုတစ်ချက်ကြည့်လိုက်ကာစကားဆိုလိုက်၏။
"အသင်သိချင်တာရှိရင်မေးပါလေ။ အကျွန်ုပ်သိသမျှဖြေကြားပေးပါမယ်"
မယ်ငွေ၏စကားအဆုံး၌ဝတီလည်း တုံ့ဆိုင်းမနေဘဲ ဒေဝီသခင်မအကြောင်းကိုမေးလိုက်လေ၏။
"မမငွေ ဒေဝီသခင်မကိုမြင်ဖူးလား။ ဒေဝီသခင်မ ကဘယ်လိုပုံစံရှိပါသလည်း"
ဝတီ့ရဲ့စကားကြောင့် မယ်ငွေသာမက စားဖိုဆောင်တွင် အလုပ်လုပ်နေသူအပေါင်းတို့ ခေတ္တခဏလုပ်လက်စအလုပ်တွေအကုန်ရပ်တန့်သွားလေသည်။ ပြီး ဝတီ့ကိုမျက်လုံးပြူကာဝိုင်းကြည့်နေကြ၏။ ဝတီလည်း ထိုသူများ၏ အပြုအမူကြောင့် ကြောင်အမ်းအမ်းပင်ဖြစ်သွားလေသည်။ ခဏကြာတော့ မယ်ငွေက ဝတီ့အနားကပ်ကာလေသံတိုးတိုးဖြင့်စကားဆိုလိုက်၏။
"အမလေး အသစ်ကလေးရယ်။ ဒေဝီသခင်မအကြောင်းကိုစကားတောင်မဟပါနှင့်။ ဒေဝဘုရင်သိရင်အသင်မလွယ်ဘူးနော်။ ဒေဝဘုရင်က ဒေဝီသခင်မကိုဘယ်သူမှအမြင်ခံတာမဟုတ်ဘူး။ အကျွန်ုပ်ဒီမှာအလုပ်လုပ်နေတာ နှစ်နဲ့ချီနေပြီ။ တစ်ခါမှ ဒေဝီသခင်မရဲ့ ပုံပန်းသဏ္ဍန်ကိုမမြင်ဖူးဘူး။ သူ့ကိုအလုပ်အကျွေးပြုနေတဲ့အခြွေအရံတွေတောင် သူ့အကြောင်းကိုပါးစပ်ဟတာမဟုတ်ဘူး။ အဲ့ဒါကြောင့် အသစ်ကလေးမသိချင်ပါနဲ့။ ကိုယ့်အလုပ်ကိုဘဲလုပ်ပါ"
မယ်ငွေကထိုသို့ဆိုလိုက်ပြီး သူ့အလုပ်သူဆက်လုပ်နေလေသည်။ ဝတီတစ်ယောက်မှာလည်း မယ်ငွေရဲ့စကားကိုကြားပြီး ခေါင်းထဲတွင်အတွေးတို့ကတစ်ရိပ်ရိပ်ပေါ်လာလေသည်။ ဘာလည်းဟ။ သူတို့တွေလည်း ဒေဝီသခင်မကိုတစ်ခါမျှမမြင်ဖူးကြဘူးဆိုပါလား။ ငါ တွေ့ချင်စမ်းပါဘိ ဒင်းကို။ ဒေဝီသခင်မလို အဘွားကြီးကို ဒေဝဘုရင်က ဘာလို့အဲ့လောက်တောင်လူမြင်မခံရတာလည်း။ စိတ်ဝင်စားဖို့တော့ကောင်းနေပြီ။ ဘာဘဲဖြစ်ဖြစ်။ ဒီညတော့ ဒေဝီသခင်နန်းဆောင်ကိုမရရအောင်သွားမှနဲ့တူတယ်။ ဝတီတစ်ယောက်ထိုကဲ့သို့တွေးပြီး တစ်ချက်ပြုံးလိုက်လေ၏။
YOU ARE READING
ဒေဝီသခင်မ
Historyczneလူတစ်ယောက်ရဲ့ အတိတ်နဲ့လာမယ့်တစ်နှစ်တာအတွင်းဖြစ်ပေါ်လာမယ့် အနာဂတ် သို့မဟုတ် ယခုလက်ရှိပစ္စုပ္ပန်ကာလကိုကြိုတင်သိမြင်နိုင်စွမ်းရှိသော၊ စစ်ပွဲများ၏ အနိုင်အရှုံးကိုကြိုတင်ဟောကိန်းထုတ်နိုင်စွမ်းရှိသော နတ်ဆရာမလေး နန်းဒေဝီနွယ်။ ရဲစွမ်းသတ္တိသာမက လက်ရုံးရည်၊နှ...
