حرك راسو بموافق او بتاسم ملي شاف ليليان طارت على ختو بلفرحة
ياااس ياااس المهم طلعي جيبي حوايجك تمشي معانا دابا نيت قاطعها ادم : (برفض) لا حتا لغدا ملي نبغي نوصل سيهام لي دارهم نجيبها عندكم ، جات تكلم ليليان مي سبقاتها دينا لي ضغطات على ايديها او قربات لخوها مبتاسمة
دينا : وخا اخويا ان شاء الله (قربات ليليان باستها في خدها او ودعاتها اطلعات لبيتها
اما ادام ودع سيف اوصاه على ختو حتاش هوا مغاديش اكون هنا هاد المدة عندو خدمة في مدينة أخرة تقدمات سيهام سلمات على ليليان او قالت ليها تسلم على سمية او البنات او طلعات في لوطو معا عمها او غادرو المكان
دخلات سيهام لبيتها دوشات او وجدات العشا او ادم گالس حداها هاز جود كيلعب معاه قربات لعند ادم قبلاتو في شفايفو اتكلمات مبتاسمة ،دخل لصالة نحط العشاء انمشي نعيط على دينا
حرك راسو بموافق او طلعات دقات عليها او دخلات لقاتها كتقاد حوايجها في واحد البليزة صغيرة دخلات كلست فوق سرير او هيا كتحك في عنقها
سيهام (كتهدر بجدية ) نسولك ادينا او جاوبيني بلا كدوب
هزات فيها دينا حجبانها : اشنو كاين مالك
سيهام : هادي غير يوماين باش عرفتي سيف (مفخبارهاش نهار سخفات او خداها لدارهم ) اش داك الشوفات كديري فيه زگاي معايا شويا راه عارفة خوك كيف داير الا كان كيعجبك متعيقيش ليك الدرجة
دينا :(كدور عينيها) اويليييي منيتك اختي لالا مكيعجبنيش شوفي كيف داير كنبان قدامو فحال النملة او اصلا كبير عليا اش هاد الباطل اسيهام
سيهام (صغرت فيها عينيها بشك اوقفات خارجة ) انا غير وصيتك هبطي تعشاي
دينا حركات راسها برفض ،لا غير تعشاو مبغيتوش تصبحي على خير
سيهام : شافت فيها او رجعات باستها, او نتي من اهل الخير احبيبتي
بعد مرور نصف ساعة: ناعسة على كرشها كتفرج في تليفون حتا سمعات طقطقات على لباب اوقفات فتحات لقات خوها تقدم عندها او جلس فوق الفوتاي كيشوف فيها هيا لي باقية واقفة عليه
أدم : متأكدة بغيتي تمشي عندهم بنسبة ليا انا تايق فيك اختي عمركي تحشمي بيا او ناس الله اعمرها دار مغاديش نقوليك متقيش باسكو هوما تاقو فيا او رجعوني شريك معاهم في اكبر شريكة في كازة اقل من شهر باش عرفناهم
دينا ضحكات برقة اه عارفة اخويا انهم ناس ضريفين او حتا ليليان ضريفة غادي ندوز سيمانة زوينة ان شاء الله متخاف والو اخويا راني مربية على ايديك
تقدم عندها ادم باسها في راسها او قرب شد ليها ايديها حط فيها متين درهم , هادي باش الا خصاتك شي حاجة يالله تصبحي على خير ابنتي
دينا باستو في ايديه ، او نتا من اهل الخير اخويا ،غير شافت الباب تسد او هما اطيحو دموعها على خدودها متسابقين حتا تبعاتهم شهقات ، تقدمات لواحد السرجم فتحاتو اضربها نسيم بارد هزات عينيها حمرين في سماء او نطقات بنبرة منكسرة ، توحشتكم والله حتا توحشتكم اه ياسيدي ربي صبرني على فراقهم بقات مغمضة عينيها حتا حسات بقطرات المطر على وجها او رجعات سدات السرجم او دخلات لفراشها مغمضة عينيها محاولة انها تنعس
أنت تقرأ
قلــب يعشـق فـي صــمت ✨🔞
Romanceالقصة تدور حول شخص يعيش مشاعر عميقة تجاه شخص آخر، لكن هذه المشاعر ليست متبادلة. يعيش هذا الشخص في حالة من التوتر والقلق، حيث يحاول إخفاء مشاعره وهو يتأمل الشخص الذي يعجبه من بعيد. يتخيل لحظات تجمعهما، لكنه يدرك أن الواقع مختلف تمامًا. مع مرور الوقت،...
