رواية يا ديرتي حنا لك وانتي لنا معشوقتن وعاشقين

البارت"24"

                  البارت "24"

::يوم جديد على ابطالنا::

على اساع وحده الظهر

::::بيت الشعر الي ماخدينه الشباب غرفه لهم::::

دخل عليهم ابو مشاري ابو فهد وابو ضاري وابو الوليد
ابو فهد:لا اله الا الله وش ذا الغرفه
ابو ضاري:شباب اليوم مئيسين منهم لا يعرفون الترتيب ولا يعتمد عليهم في الشغل
ابو الوليد:يااا شباااب قومو الصلاة فاتتكم قومو
ابو مشاري:انتم ليه ما صحيتو اخوانكم شوفو وقت الصلاه راح ولاهم مصلين
عزام:يبه والله صحيناهم ولا قامو
ماجد:تقطعت احبلانا الصوتيه ولا رضو يقومو
ابو ضاري:كان استخدمتو معهم طرق غير الصراخ عليهم
سيف:والله يا عمي استخدمنا جميع الطرق ولا نفعت
ابو مشاري وقف عند راس مشاري:مشاري ومشاري قم يااا ولددد
مشاري بعصبيه وهو مغمض عينه:وقسم بالله ان ما انطمت عني لافرشك بالارض
عزام وماجد وسيف يا دوب ماسكين ضكتهم
ابو مشاري بعصبيه:هيااا قم ورني كيف بتفرشيني بالارض يالي ما تستحي انا ابوك
مشاري فتح عينه انخرش وقف وقفه عسكريه:هاااه ابوي باس راسه السموح يا يبه فكرتك عزام
عزام ماجد سيف انفجرو ضحك:ههههههههههههه
ابو مشاري:اقول قم توضى وصل الظهر فاتتك الصلاه انت والي معك غركم هن النوم وتاركين صلاتكم
مشاري:على امرك يا يبه الحين اقوم
ابو الوليد راح للانوار وشغلها كلها ما بقو نور ما شغله حتى الشباك فتحها واشرقت شمس الظهر بوجيهم والمكيفات طفاهم
ابو فهد:يااااااا شبااااب قووومو تعوذو من ابليس وقومو لا تخلونه يتقلب عليكم بوسواسه
الشباب قامو منزعجين من نور الشمس
ابو ضاري:قومو لا اشوف وحدن نايم
ضاري:حنا باي وقت
عزام:اساع وحده الظهر
ضاري:يوووه ما صلينا الظهر راح علينا الوقت
ماجد:وحنا وش نقول لكم من اليوم
سيف:لنا ساعه نصحي فيكم ونقول الصلاه ادنن قومو بس بلا فايده
ابو مشاري وهو متجه للباب:حنا بنجلس في الصاله ننتظركم تطلعو من علينا وتروحو تصلو في المسجد ويا ويل الي ما اشوفه يمر بستثناء عزام وسيف وماجد
ابو الوليد:وبعد الصلاه ترتبون غرفتكم الزباله ذي لنا يومين نقول لكم رتبو ولا كأنا نتكلم
الشباب:ان شاء الله
طلعو الرجال من هنا والشباب يتسابقون على الحمام من هنا
سعود يتثاوب:يالليل التقيد حتى النوم ما يخلونا ننام
عساف:اقول قم بلا شكاوي ماهي بنافعتك لو انت مصلي كان شفعو لك
سطام:الحين ليه مركزين على ترتيب الغرفه قبل يومين رتبنا الغرفه ما ملاء عينهم الترتيب ذا؟
سند:والله انك صادق تعبنا وحنا نرتب واخرتها يقولون الغرفه ماهي مرتبه
اسامه:اسألك بالله انت مسمي هذا ترتيب مركمين الملابس فوق بعض وحاطينها بزاويه من الغرفه والدوليب ما تتقفل من كثر ما حشينها ملابس بدون ما نرتبها واصلا الدولاب ماهو دولاب ملابس بس حنا حولناه لدولاب ملابس والشنط الي كل وحده بزاويه هذا غير الزباله الي يقال لك كنسنها من نص الغرفه بس وتركنها والفرش الي نايمين عليها نصها بالارض مرتبه ونص مرميه بكل زاويه بدون ترتيب واخرتها تقول مرتبين الغرفه؟؟
عامر:والله هذا الي قدرنا عليه
ماهر:اضن كلنا ما نعرف نرتب
سطام:انا عن نفسي صراحه ما اعرف اخواتي هم الي يرتبون غرفتنا عادةً
الوليد:ولا انا اعرف
ثامر:انا زين اني اعرف اطلع لي ملابس نعمه من ربي باقي تبيني ارتب
مشاري الي كان عند المغسله:اقول لكم شرايكم نحاول بأخواتنا يرتبون لنا
فهد:من جدك انت كنهم بوافقون حتى في احلامي ما تجي
سند:نجرب محنا خصراني شي لعلهم يحنون علينا ويرتبون
ضاري:من الحين اقول لكم خطيبتي مارح اخليها ترتب لكم
مشاري:اقول اسكت تراها اختي قبل لا تصير خطيبتك وهي اكثر وحده تتقن شغلها لذالك بخليها ترتب لي
هايف:قل والله كيف بتقنعها ؟
ضاري:شوف ان هي رضت ترتب لك كان بها لكن انك تجبرها ترتب لا والله مارح اسمح لك
مشاري:انا اجبرها ماهي من شمي ترا
الوليد:اقول لك انت وهو انا بعد مستحيل اخلي خطيبتي تخدمكم بتخدمني انا بس
سعود ناظره:قول والله تحسبها بتقول لك ابشر صدقني بتهزئك بعد قالك بختدمني انا قال
الوليد ضحك:ههههه هو ما تدري يمكن ترضى
عبدالمجيد:ياخي يقال لك بتقدر تقنع البنات ولا نجبره يرتبون اقول لك لو نسويها كان خطيبات دولي (يأشر على الوليد وضاري )يمسحون فينا البلاط
مشاري:وانت الصادق
عزام:الحين خلوكم من ذا قومو طهرو وصلو لا يفصل عليكم ابوي
الشباب تذكرو وقامو يطهرون على السريع قبل يفصل عليهم ابو مشاري