طعنه في خاصره النسيان

البارت الواحد والاربعون

#طعنه في خاصره النسيان
الڪاتبه ـ شﻤس آلنآئلـي

والله حيره ..
تربي وادم تكبر بعينك ضفيره
وتالي تندم ..
من تطيح بضيج ماتندله غيره
هيه شمره والبشر كلمن ضميره ..

جمانه ـ من هذا اليوم وما نعرف شصار بـ ضفاف گعدنا الصبح البيت فارغ ومقفل حتى خاله ماڪوو الرعب والغموض ترس صدري أول مره أخاف هل الڪثر...انفتح الباب دخل فاضل وراه وديعه بس شگله ما يبشر بالخير خفت وگلبي قبضني

فاضل ـ بويه بس لو اعرف شعدهم رايحين المقبره بارحه دفنتوا عجلي جيبي جناسي مالتهم

جمانه ـ ليش شصاير فدوه طمنوني عليهم

فاضل ـ ليش شكو خويه ماگو شيء بس موقوفين غياث ما مأخذ گلشي وياه..

جمانه ـ هاا خوش لحظه اچيبهن ركضت أدور محفظته خررررررب وين راحت رحت علـئ رند يمج المحفظه مالت غياث.. رفعت رأسها حاضنتها شبيچ ولج هيج تحبي

رند ـ لأ  هو خلاها يمي اخذيها..

جمانه ـ نطيته إله راح گعدت تعبانه يم باب المطبخ وديعه كعدت بصفي

وديعه ـ شصاير بعدين چان ڪالوا نروحله علـئ أقل أروح وياهم مأخذ ضفاف ما تعرف الطين من العجين

جمانه ـ ما أدري ڪعدت الصبح ما لڪيت أحد هسه يجون هما مو

وديعه ـ أي طبعا بس يسون الگبر مالته بس قهرتني عمتي جان ڪالتلي شصار تموتن من الچنه إذا اخذتنها وياچن ...وبعدين ورند أمه راحت وياهم لو لأ

جمانه ـ لأ بالغرفه يم البنات

وديعه ـ شلون يصير خطيه مفروض هي تروح وتلمم تراب أبنها والله غياث ولا يصير ادامي

جمانه ـ سڪتت والگلام مثل الموس يذبح بس لا راحوا يذبحوها عزه العزاني بس هيأ لعب چهال وراها بناتها زوجها وعمي إذا يعرف يسويها نچف عليهم والقهر أمي شلون أخلي عيني بعينه أخ منج يمه شلج بهاي السوالف.. اووف غياث وين مأخذ عمرك الله لأ يوفقج ضفاف بهذلتي أحوالنا حال حال..

وديعه رفعت ردان ثوبها گامت تغسل مواعين وتنظف البيت وياها حنين تغسل وراها ورجاء راحت تسبح البنات وإني علـئ گعدتي بس دموعي تچري

وديعه ـ خايبه شمالچ تحرگي صاير شئ ما تڪوللي هاا ولچن ولچ حنونه صار شئ بارحه بليل هاي شبيها بس تبچي..

حنين ـ لأ ما صار شئ تبجي علـئ عقيل ليش فراگ طفل من البيت سهل صدك تحجين خيه..

جمانه ـ راحن وإني تذگرت عقيل سوده بوجهي يمه عيني عيونك الحلوات وضحكتگ سوده بوجهي سوده بوجهي كمت اضرب علـئ وجهي بقوه وابچي واجت رند شافتني كعدت تصرخ مثل الطفله وتشهك أخذتها بحضني وبچيت بقهر الله لأ ينطيچ ضفاف....

مر وقت البيت نظيف الجهال بالحديقة رند علـئ رجلي ما نشفت دمعتها دخلوا هو گوه يمشي باوع علـئ رند نزلت دموعه ويه نظرته إلها