حبيت نظرتك ..

وقتك حلو ..!

دخلت شما وهي بكامل اناقتها...سيف يطالعها ويبتسم ...
قعدت حذال امها....
ام سيف:شحالج شما؟..
شما:بخير...
ام سيف:طبعن تعرفون ليش يايين نحن...!..
ام شما:هيه نعم..والبنت موافقه..
سيف:وان شاءالله عقب شوي بنروح نملج فالمحكمه والحفله عقب صلاة العشا..
ام شما وأم سيف:ان شاءالله ..
سيف:بالنسبه للمهر..
قاطعته شما:لا مايحتاي...
ام سيف:براحتج يا بنتي..
سيف:بوصل امي البيت وبرجع اخذج انتي وعموه وبنروح المحكمه...
طبعن سيف ودا أمه وعقب خذ شما وملجوا فالمحكمه...وتيسرت امورهم واحمد ماله حس ابد...ركبوا الزينه وكل شي والحفله..بعد دقايق...
7:30م
منيره:ماشاءالله عليج تجننين فديتج...
شما مستحية:ثانكسس💕...
كانت لابسه فستان بيج منفوش عليه دانتيل من تحت و كرستالات فوق..الطرحه كلها دانتيل وفصوص صغيره تلمع...مكياجها هادي...ايلاينر مرسومه عينها كامله..اي شدو بني فاتح وشوية لمعه وروج عنابي..وبلاشر خفيف ..
هيون طبعن كانت محد...طالعه ويا وليد ومحد يدري...
ميروه تتصور "سيلفي"...:فديتني..
منيره:خلاص بسج..بتحسدين عمرج عقب..
ميروه:جب..
شما مرتبكه:الساعه كم؟..
منيره:الساعه7:40م..
شما:واخوج متى قال بيدخل؟..
منيره:الساعه تسع ونص..
شما مرتبكه حييل...
الساعه8:00م
منيره ومريوم:يلا شموه انزلي...
شما بخوف:اخااف انزلوا وياي انتوا..
منيره ومريوم:اووك
وابتدا الشعر ...
اذبحتني يا ملا شما .............لي عليها زايد اهيامي

هي يالي بالحسن تسما ...........بالجمال وحسنها السامي

الشعر اسود وملتما .................كا سواد الليل الدامي

لو نظرها الخوي نعمة ........شاف نورة عقب الظلامي

ما بها قسوة ولا ظلما .........حسنها اهدي لها وسامي

يا عرب في ذمتية ذمة ........سهمها في لجة اعضامي

ما قدرت اقاوم الهجمة .........يوم صار الضرب قدامي

حل عقبة جيشها شما ..........في حشاية صاير ازحامي

هو علاج السم بالسما .....ولا موتك .... لانة الزامي

ذيك شما يا عرب شما .........يشهد اللة مثلها اعدامي

كنها جوهر على القمة .........لي وصلها عيد وصامي

كل يالي شا فها سمى .........ومن حلاها عض لبهامي

لانها فاقت على الامة ........ولا تلوموني في كلامي

شاعر واقول بالحكمة ............كل زين مدحة الزامي
طلعت شما ...كانت حييل جميله ..وانيقه...
ابتدت الموسيقى ونزلت شما ...ورراها منيره ومريوم...
مشت بكل ثقه وبكل ارتباك...وصلت للكوشه البسيطه...وقعدت....
ثواني واعلنوا ان المعرس بيدش...
شما خافت حييل...
يالله عسى بالتهاني لك والتباريك = هي شرف لك وأنت ترفع شرفها

مدري أهني ألأهل وألا أهنيك = كل المراجل صبتها في هدفها

ودخل سيف...
اول مادخل سيف شما حست ان قلبها وياه وماتسمع شي غير دقات قلبه وقلبها وصوت ضحكته ...متوجه لها..
أويلي يا ويلي يا ويلي يا ويلي...

أويلي يا ويلي يا ويلي يا ويلي...

هلا بريحة هلي هلا باللي إلي...

هلا بتالي العمر هلا هلا بالأولي...

تمنيتك وجيت فيك أحلامي لقيت...

خطيت أو ما خطيت ولا تزعل علي...

تغيب ويختفون جميع اللي يجون...

عليك إنت عيون تشافي المبتلي...

ويلي يا ويلي يا ويلي يا ويلي...

أويلي يا ويلي يا ويلي يا ويلي...

أحبك موت أنا وأفارق كل عنا...

معاك ألقى الهنا وأضل ن معتلي...

تمنيتك وجيت فيك أحلامي لقيت...

خطيت أو ما خطيت ولا تزعل علي...

أنا أموت أحتويك تيجي قلبي ويجيك...

أنا أموتن عليك وأبي تموتن علي....

أويلي يا ويلي يا ويلي يا ويلي...

أويلي يا ويلي....
.....،،،،،
وصل حقها ..وقفت...سلم عليها وباس راسها...تحس انها ماتسمع شي غير انفاسه...
سيف:مبروك عليج انا..
شما باسته ع خده:و..و ...و...م..م..مبـرررو...
"وطاحت"..."اغمى عليها"....سيف يزاعق....:شماااا..حبيبييي...شفيييج....
هي تسمعه بس مب قادره تفتح عينها...
شما :سيييف ...لا تخليني سيييف...
"محد يسمعها"...
شما:ليييششش ماتسمعوووني انا هنيييه...سيف حبيبي لا تخليني...لا تخليني...
سيف:شمااا!...شما..!!
شما:سيف حياااتي لا تخليينيي!...
شمااا..شماااا!!شمااا..!شماااااااا!....
شما فتحت عينها بسسرعه:سيييف!!!
هيون تطالعها:....😐
شما:هيون !!!؟...
هيون:بسم الله عليج شفيج؟!..اي سيف بعد يلا نشي صار لي ساعه اوعيج...
شما غمضت عينها بقوه:يعني كان حلم..لييش صحيت منه ليييششش!!..
هيون ابتسمت:استغفري ربج..وروحي تجهزي يلا احمد ياي ...
شما:هيوون انتي مب زعلانه مني صح!!
هيون:لا حبيبتي ليش ازعل؟!...
شما نشت من مكانها :الحمدلله...
وراحت تاخذ لها شاور...ولبست جلابية بسيطه..تچحلت عالخفيف..حطت قلوس...ولبست شيلة بيت ونزلت تحت...
هيون تلعب بفونها:اطلعي ..تراه برع يترياج...
شما :اوكي...
وطلعت له...
يتبع>>>>>....