بسم الله الرحمن الرحيم
البارت : الثلاثون
بقلمي : حب موروث
لا تنسون التصويت والتعليقات حتى نستمر...
ـــــــــــــــــــــــــــــــــــــــــــــــــــــــــــــــــــــــــــــــ
ريماس : التفتنا وجان يطلع دائب بحركه سريعه نزلني راهب وركض ورا .
دائب : والله ماعيدهااا يابااااا الحگنييييي ...
راهب : اليوم موتك على ايديييي .
ريماس : طلعت وراهم وراهب لازم دائب ومخلي جوا ايده يخنگ بي ودائب خربان ضحك .
راهب عوفه حباب ههههه .
راهب : هاي لخاطرها راح اعوفك امشيييي يلاااا للبيت .
دائب : اخخخ يابا رحمه الله والديج ريماس جان رحت بيها .
ريماس : هو بسببك ردت اتخربط بس يلا هل مره سماح هز راسه بأمتنان ورجع للبيت .
راهب : بابا بيج شي حتى هسه اموته والله.
ريماس : شويه بطني وجعتني .
راهب : امشي ارجعج گلبي تعبتي هواي اليوم .
ريماس : صعدنا بالسياره ورجعني للبيت دخلت الغرفه وجنت مرتاحه نوعا ما تمددت على السرير وغغيت ومكعدت الا على صوت ..
نغم : كومييي كومي ابن عمتج المسودن هنااا ولج .
ريماس : فتحت عيوني ثواني حسيت نفسي فاقده الذاكره غمضت وفتحت أكثر من مره بعدها استوعبت ...حسااام هناااا !!!!
نغم : يييي روحي شوفي شيريد وحسابج بعدين ست .
ريماس : اثاوبت وطلعت اله بدون ما اغسل حتى گلبي نغزني الله يمشيها على خير دخلت الاستقبال جان كاعد مباشره وكف على حيله ورفع حاجبه وكال بدون مقدمات ..
حسام : بدلي بسرعه يلاااا اريد اخذج لمكان .
ريماس : شنووو شكو من الصبح وين ؟
حسام : يااا صبح هذاااا شوفييي الساعه .
ريماس : باوعت على الساعه نصدمت لكيتها ب ٥ المغرب .. هااا مادري جنت نايمه شتريد منييي ؟
حسام : بدلي انتضرج بالسياره بعدين تعرفين .
ريماس : لحيت عليه أكثر من مره بس مجاوب استسلمت ورحت غيرت ملابسي وجان تلزمني امي قبل ما اطلع .
نغم : هاااا خير وين ماخذها ؟
حسام : لتدخلين أنتِ بنت خالي وأخذها وين ما اريد خليج بعيده عنها .
