ဒေဝီသခင်မ

အခန်း (၁၂)

သို့ဖြင့် ဒေဝဘုရင်တစ်ယောက် မိမိသိမ်းပိုက်ထားသော ဒီပရတနာတိုင်းပြည်တွင်ခန့်အပ်ထားသည့်နယ်စားက ပုန်ကန်ထကြွနေသဖြင့် သွားရောက်နှိမ်နင်းရန် စစ်သည်အင်အားများစွာဖြင့် စစ်ချီထွက်လေသည်။ ဒေဝဘုရင်စစ်ချီထွက်သည့်အကြောင်းကို ရှင့်ဘုရင်စားဖိုဆောင်တွင် အလုပ်လုပ်နေသော ဝတီလည်းသိလေသည်။ ဝတီမှာလည်း သခင်မဆီသို့မသွားဖြစ်ပါ။ အဘယ်ကြောင့်ဆိုသော် တစ်စုံတစ်ယောက်က ရိပ်မိမှာဆိုးသည့်အတွက်ကြောင့်ဖြစ်သည်။ ယခု ဒေဝဘုရင်က သူ့ကိုပုန်ကန်တဲ့နယ်စားကိုသွားပြီးနှိမ်နင်းနေတာဘဲ။ ဒါဆို...အလင်္ကါရူပတိုင်းပြည်ကိုဘယ်အချိန်မှများတိုက်လေမလည်း။ ဒေဝီသခင်မသိလောက်မယ်ထင်တယ်။ ဒါဆို ငါ ဒေဝီသခင်မဆီကိုသွားဖို့သင့်မယ်နဲ့တူတယ်။ သို့သော် သခင်မပြောသောစကားအချို့ကိုလည်းပြန်ကြား​ယောင်လာ၏။

"အကျွန်ုပ်နဲ့ဝေးဝေးမှာနေပေးပါ" ဆိုသောစကား။ ဒါကဘာကိုပြောတာလည်း..။ ငါ့ သခင်မရဲ့လက်မောင်းကိုကိုင်လိုက်တာနဲ့ သခင်မက ငါ့ကိုဒီစကားမျိုးပြောတယ်။ ဒါဆို သခင်မက ငါ့အနာဂတ်ကိုမြင်လိုက်ရလို့လား..။ ဘာလည်း...။ တစ်ခုခုဘဲ.... ။ ဝတီတစ်ယောက် အတွေးပေါင်းမြောက်မြားစွာနဲ့ ခေါင်းကိုခါရမ်းလိုက်လေသည်။ သခင်မနဲ့ဝေးဝေးမှာနေဖို့ဘယ်လိုလုပ်ဖြစ်နိုင်မှာလည်း....။ အကျွန်ုပ်မဏိရူပဝတီ သခင်မကိုစွဲလမ်းနေမိပြီလေ...။ သခင်မနဲ့ပတ်သတ်မိလို့ သေမယ်ဆိုရင်တောင် အကျွန်ုပ်သေဝံ့ပါတယ်...။ အကျွန်ုပ်လေ သခင်မကိုတော့တစ်ယောက် တည်းပစ်မထားနိုင်ပါဘူး...။ မြတ်နိုးရတဲ့.. သခင်မလေးရယ်..။ ဝတီတစ်ယောက် သခင်မရဲ့အကြောင်းကိုတွေးမိတိုင်း ရင်ထဲဝယ်တဆစ်ဆစ်နာကျင်လာ၏။ ပြီး သခင်မရဲ့နန်းဆန်ကာလှပလွန်းသောမျက်နှာလေးကိုသာလျှင်မြင်ယောင်လာမိ၏။ သခင်မနဲ့မတွေ့ဖြစ်တာ ဒီနေ့နဲ့ဆို သုံးရက်တောင်ရှိပြီပေါ့။ လွမ်းမိပါတယ်...သခင်မရယ်။

ထိုသုံးရက်အတောအတွင်း ဒေဝီသခင်မသည်လည်း မဏိရူပဝတီဟုခေါ်တွင်သော ထိုမိန်းကလေးကို လွမ်းဆွတ်တမ်းတမိလေသည်။ အကျွန်ုပ် အသင့်ကိုလွမ်းမိပါ၏ မဏိရူပဝတီ..။ အသင် နေရောကောင်းပါရဲ့လား..။ အကျွန်ုပ်အသင့်ကိုစိတ်ပူရပါ၏။ ဒေဝဘုရင်က အလင်္ကါရူပတိုင်းပြည်ကိုသိမ်းပိုက်ပြီးရင် အကျွန်ုပ်ကိုမိဖုရားခေါင်အဖြစ်တင်မြှောက်တော့မှာ။ အကျွန်ုပ်ဘယ်လိုလုပ်ရမလည်း။ အကျွန်ုပ် အသင့်ကိုတွေ့ချင်ပါဘိ...မဏိရူပဝတီ။ ထိုကဲဲ့သို့ သခင်မရဲ့စိတ်တွေသည်လည်း မဏိရူပဝတီဟုခေါ်တွင်သော ထိုမိန်းကလေးကိုသာလျှင် အချိန်ပြည့် အောက်မေ့နေမိသည်။