مهاب. اموت انا
دينا واعيد السنه
مهاب. بيصقف العب دي بتقول افهات
دينا. مش بقولك دماغي حلوه
و هتعجبك
ايتن. يلا ي دينا روحي شوفي شغلك
دينا. عنيا ي ابلتي
ودخلت دينا المطبخ وسابتهم
ايتن. مالك
مهاب. متخانق معاهم في البيت هقعد عندك هنا كام يوم
ايتن. طيب بس لي اتخانقت
مهاب. عايزاني انزل المحل مع معتز انا ع اخر الزمن اشتغل في محل عطاره وبينفخ دخان السجاره انا برينس ي بنتي ليا في الدلع وبس ما المرمطه دي مش بتاعتي
سرين. بتضحك. ي مدلع انت اكيد هتحضر الحفله
مهاب. طبعا مش فيها مززز
ايتن. انت مش ناوي تتلم
مهاب. لا ما اقدرش اعيش من غير الحلويات دي
وكانت دينا واقفه في المطبخ ماسكه طاسه وبترقص بيها وبتغني لما نقول درباله يبقي هتشتغل الحاله فرحه الدلوعه
دينا. بتتمايل يمين وشمال والنبي انا قمر في الرقص ي سلام لو اخد فرصتي واطلع اهزز هلم كده ولا احتاح لمرات ابويا العقربه اللي عايزه تجوزني الواد سيد ويقتل طموحي
مهاب. بيضحك وانتي اي طموحك
دينا. بخضه. ي لهووي ي ميهو خضتني وقعت قلبي في رجليا طيب ادي اي صوت وبعدين انت هنا من امتي
مهاب. بيضحك. من ساعه فرحه الدلوعه
دينا. ي لهوي ياني ي كسوفي انت شوفتني وانا بهز
مهاب. بيضحك. ايوه بس عارفه ي بت ي دينا يجي منك
دينا. والنبي ي ميهو يعني حلمي هيتحقق ويقولوا. الراقصه تينا اهي
مهاب. ايوه بس لي حرف ال ت داخل معاكي في الكلام
دينا. دي لغه ابقي اعلمهالك انا شاطره فيها
مهاب. لا لا شكر ا خلي كل واحد في لغته
وفي الوقت دا كانت نجلاء بتكلم محسن طليقها
نجلاء. بعصبيه. شوفت اخر دلعك في ي محسن بقي شخص عديم المسؤليه عايز يقعد وكل حاجه تيجي له ع الجاهز بقي نسخه منك الله لا يسامحك ابدا زي ما بوظته انا اطلقت عشان احافظ عليهم وما يطلعوش زيك وبرضو طلع زيك
محسن. انتي للدرجه دي شايفاني وحش
نحلاء. انت نقطه سوده في حياتي ي محسن
