السلام عليكم يا سكاكر
النهارده يوم الخميس ومع النصيحه
والله عندي نصيحتين بس اقول الاهم الاول وهي النصب!
ايوه النصب مش السرقه بس ولسه حاصله معايا بس الحمدلله مفيش خساير
اسمع يا عزيزي اوعا في يوم يكلمك حد يقولك شارك معايا في كتابة رواية ولا هات روايتك انشرها ولا احنا دار نشر ولا انا مذيع وعاوزك تكتب فقرات ولا هنشرلك اعمالك كل الكلام ده بنسبة ٩٩٪ مش حقيقي ونصب وبيكون شخص منتحل شخصية عشان يس رق تعبك وينسبه لنفسك.
خليك عارف ان عمر ما دار نشر هتكلمك من نفسها حتى لو جديده هتعمل لنفسها اعلان عشان تتشهر مش هتدخل للناس على الخاص ولا حد يقولك شارك غالبًا هياخد تعبك ويكتب عليه اسمه ويسجله في وزارة الثقافة واثبت بقى انك كتبت الكلام ده.
الفرصه حلوة مفيش كلام بس بالمنطق حاليًا انا وانت مش معروفين ليه حد يكلمنا دلوقتي الا اذا كان بيضحك علينا!
طيب حد هيقولي افرضي يا شاذلوكا مكنش كد اب هقولك ماشي بس لازم يبقى في ضمانات ليك زي تعرف الجهه اللي بتتعامل معاها وتسال عليها وتشوف ترخصها واسم الشخص وهل فعلاً الدار او البرنامج ده موجود ولا لا.
واخر حاجه متشتعجلش على فرصتك بس اتقل شوية
بس كده وكانت معكم شاذلوكا
أنت تقرأ
واتباديات
Non-Fictionواتباديات حيث كل ما هو غريب وعجيب في مجتمع الواتباد البرتقالي. فقط اقرأ وقرر.
