(6 .1) မင်းလုပ်ရဲတယ်ပေါ့လေ
ထိုမိန်းကလေးတွေက ကိုယ်နဲ့ ကပ်လျက်သားရှိနေတဲ့ အတွင်းဝတ်တစ်စုံကိုသာ ၀တ်ဆင်ထားခဲ့ကြတယ်။ ရေစက်လေးတွေ လေထဲမှာ ပြန့်ကျဲနေခဲ့ပြီး ချိုသာလွန်းတဲ့ ရယ်မောသံတွေကတော့ လေဟာနယ်ထဲမှာ ပဲ့တင်ထပ်နေခဲ့တယ်။
အရှေ့မှ လျှောက်သွားခဲ့ကြတဲ့ လူငယ်သုံးယောက်ကတော့ အနေရခက်ပြီး ရှက်ရွံ့ သွားခဲ့ကြလေတယ်။
ဘယ်သူတစ်ဦးကမှတော့ ဆန့်ကျင်ဘက်လိင်တွေရှေ့မှာ ကိုယ့်ကိုယ်ကို အရူးမလုပ်ချင်ကြဘူး။ ကုဝမ်ချန် ကိုယ့်ကိုယ်ကို မတ်မတ်ရပ်ဖို့ ကြိုးစားလိုက်တယ်။ ဒါပေမဲ့ သူ ဘယ်လောက်ပဲ အားစိုက်ထည့်ပါစေ လီကျိုးရှင်းက သူ့ရဲ့ခါးကို ခိုင်မြဲစွာ ဖိကိုင်ထားနေတုန်းပဲ။
ဒီဆုပ်ကိုင်ထားမှုက ခိုင်မာပြီး အားပြည့်သန်မာနေခဲ့ကာ အခုလိုမျိုး တင်းတင်းကြပ်ကြပ် ဆုပ်ကိုင်ခံထားရတဲ့ ခံစားချက်က သူ့ရဲ့လည်ပင်းနောက်ဘက်ကို စပ်ဖြင်းဖြင်း ခဲစားသွားရစေတယ်။
“ငါ အခု အဆင်ပြေနေပါပြီ”
သူ အားယူပြီး ပြောလိုက်တယ်။
"ငါအခု လုံလောက်အောင် အနားယူပြီးသွားပြီ”
“ကောင်းပြီ”
လီကျိုးရှင်းက ပြောဆိုရလွယ်ကူစွာနဲ့ သူ့ကိုလွှတ်ပေးလာခဲ့တယ်။
ဒီအခိုက်အတန့်မှာ မိန်းကလေးတွေကလည်း သူတို့ကိုလှမ်းတွေ့သွားခဲ့ပြီ။
ထိတ်လန့်အံ့သြစွာ အော်ဟစ်သံတွေက သာယာအေးချမ်းနေတဲ့ လေထုကို ဖြတ်တောက်ပစ်လိုက်တယ်။ မိန်းကလေးတွေက ကိုယ့်ကိုယ်ကိုယ် ရေအောက်ထဲမှာ နှစ်မြှပ်ထားခဲ့ကြပြီး သူတို့ရဲ့ ရှက်ရွံ့စွာနီမြန်းနေတဲ့ မျက်နှာတွေကိုပဲ ချန်လှစ်ထားခဲ့ကာ ကျူးကျော်သူတွေကို ရှက်ရွံ့တဲ့အရိပ်အယောင်တွေနဲ့ ကြည့်နေခဲ့ကြတယ်။
"မင်းတို့တွေက ဘယ်သူတွေလဲ"
လင်းနျဥ်ရဲ့ အမူအရာက အရင်အတိုင်း အေးစက်နေဆဲဖြစ်ပြီး သူက လီကျိုးရှင်းတို့အနီးကို ခြေလှမ်းပြန်ဆုတ်လိုက်ကာ ဒီလိုအနေရခက်စေတဲ့ စကားဝိုင်းကို တာဝန်ယူဖြေရှင်းရန်အတွက် ရှီနန်နဲ့ ကျိယွီတို့ကို ချန်ထားခဲ့လေတယ်။
YOU ARE READING
အစစ်အမှန်ကုန်းတစ်ယောက် စာအုပ်ထဲကိုကူးပြောင်းပြီးနောက် အဖြာင့်ယောင်ဆောင်နေရလေရဲ့
Fantasia_MC Gong _falls in love first _brotherhood _comedy _friendship _manly gay couple _military _powercouple _secret crush _straightuke _transmigration
