ليليان : ششش اماما هدري بشويا (مدات ليها اية بشوية) هاكي راه مفيها والو نعسيها معاك ليوم راه دينا مريضة فيها الوجع غادي تنعس معايا
ليلى : اه الله اشافيها مسيكينة ياكي عندك الدوا ديال الوجع ولا نعطيه ليه ،
ليليان : لالا عندي تصبحي على خير ،مشات كتجري راجعة لبيتها لقات دينا باقا كيف هيا قرابات منها بعد ما سدات الباب: لالا نتي لي طحتي هاد المرة ماشي اعجاب هاد شي حاجة كتر
قربات منها اتكاتها فوق صدرها كتحرك ليها في شعرها بهدوء حتا سمعاتها نطقات
دينا : (عينيها فيهم بريق دموع) ولكين انا قلت مجرد اعجاب علاش اقولي فحال هاك اه بصاح منهار شفتو اهوا في قلبي منهار عتقني من ركان لي كان غادي اتعدا عليا اهوا في عقلي كنفكر فيه ملي كنشوفو (بدات كتبكي بجهد ) قلبي كيضرني اليليان عمري بغيت شي حد اول مرة نبغي شي واحد ااو اول واحد عرف هوا نتي علاش رفضني كون غير قالها لي بطريقة زوينة ميجرحنيش مدديرش ليا مقارنة بين شي حد (كتمسح عينيها) نستاهل انا لي حمارة باغية واحد ماشي من مستوى ديالي
ليليان (كتمسح عينيها من دموع بكمامها) غادي اجيب ليك الله حسن منو بألف درجة ان شاء الله (كنحاول ضحكها)
شوف لك الحنيكات حمرين او طبيعيين او ششفايف ياختي او شعر العوينااات مشاء الله فين غادي القا حسن منك الا غادي اجيب شي مونيكة ديال جوميا
دينا (ضحكات بخفوت او وقفات عنقاتها ) نتي ماشي صحبتي نتي هيا ختي لي معنديش
ليليان عنقاتها او وقفات متاجهة لدريسينج بعد ثواني خرجات هازة معاها ساشيات الاول عطاتها لينا لي مستغربة او تانية خدتها هيا
دينا : ديالاش هادشي
ليليان: شريت زوج قفاطن كيحمقو واحد ليا واحد ليك نلبسوهم غدا ان شاء الله مسحي دموعك باش ميورموش ليك عينيه امشي اقود غدا دجيبي سيييدو
دينا:( ضحكات اوقفات جبدات تليفونها لي كان كيصوني)
ــــــــــــــــــــــ بعد 10 دقائق
ليليان : كتقيس قفطانها بلون السود ،دويتي معا خوك على غدا
دينا :(كتقيس قفطانها من لفوق بلون بيج ) اه قلتها ليه قاليا سيري راني مأمن عليك (هزات عينيها في ليليان او نطقات مبعد ماحطات داكشي في ساشيات ) زوينين هاد القفاطن المهم (سكتات شويا) عفاك اليليان هادشي ابقا بيناتنا
ليليان :( دخلات لدريسينج حطات فيه ساشيات او تخشات حداها في السرير ) لا احبيبتي هاد سر بيني او بينك حتا ماما قلت ليها نتي مريضة داكشي علاش جبت حداها اية
دينا :(قربات ليها باستها في خدها اتكات بلاصتها) تصبحي على خير ازينة
ليليان : تكات بلاصتها : اونتي من اهل الخير احاولي تنسايه ربي كيفما حطو لك في قلبك غادي اخرجو ان شاء الله راه غير اعجاب شويا الوقت او غادي تنساي
دينا :(حركات راسها او غمضات عينيها ) ان شاء الله ياربي
أنت تقرأ
قلــب يعشـق فـي صــمت ✨🔞
Romanceالقصة تدور حول شخص يعيش مشاعر عميقة تجاه شخص آخر، لكن هذه المشاعر ليست متبادلة. يعيش هذا الشخص في حالة من التوتر والقلق، حيث يحاول إخفاء مشاعره وهو يتأمل الشخص الذي يعجبه من بعيد. يتخيل لحظات تجمعهما، لكنه يدرك أن الواقع مختلف تمامًا. مع مرور الوقت،...
