جاهلٍ بالحُّب

( البارت السابع )

بْسـم آلُلُہ آلُرحٍـمـنْ آلُرحٍـيَم 🤎.
•
•
— غرفة نجود —
دخلو عليها وراحت امها لها بسرعه وخوف وحذر: صابتس شي؟؟؟ سوا لتس شي؟؟؟
نجود بصدمه وتعب: منهو يمه؟
ام راكان: ولد عبدالله!!
نجود: هاه؟ ومن ذا
ام راكان: باسل باسل!!! سوا شي؟؟؟
نجود انصدمت تهز رأسها ب لا
الجد راشد: الله يهداتس وش بيسوي فيها؟؟ .. جاتس شي يابوي؟
نجود: شوي ، رجولي تعورني
الجد راشد: الحمدلله على السلامه وماتشوفين شر يابوي أنا بروح أشوف ولد عبدالله واجي ابو راكان: اجل بجي معك .. ياايمان
ام راكان بعصبيه: وش مقعدتس مع الولد!! ورا ماطلعتي اول ماصرخ جدتس؟!
نجود: بس يمه ..
ام راكان: لا اسمع لتس حس! بتفشليني انتي بتفشليني؟؟؟
نجود: افشل بوش؟يمه ماصار شي يايمه
سفهتها امها ودخلو خواتها الثنتين عليها .،
— الانتظار —
طلع الجد راشد مع ولده ابو راكان " تركي " متجهين للريسبشن يسألون عن غرفة باسل
بينما البقيه واقفين بقلة حيله يشوفون
ابو وافي: بدال وقفتنا هنا سرينا للحلال بنبات هناك
ابو جاسر: يالله اجل .. قسمو عماركم
ليان: بس ياعمي خالتي ام راكان وبناتها؟
ام جاسر: وانتي وش عليتس فيهم؟؟ بنتهم بالمستشفى وبيجلسون عندها !
ليان: بس.. همست جود تنطق: ماعليك يدبرون انفسهم ومشو وطلعو من المستشفى متجهين لشعيب الجد راشد ،
— العنايه المركزه —
وصلو ومن مشو لرقم الغرفه انصدمو بالأجهزه الموجوده عليه وكيف حالته حاله مسك القزاز الجد راشد بخوف: ياويلي ياعبدالله ياويلي وش إنهم حاطين به!
ابو راكان: لاحول ولا قوة إلا بالله الجد راشد وهو يشد يده بخوف وبدء يرغي تحت صدمة ولده من شده على ثوبه ينطق: راح الولد ابك راح ولد اخوي راح!!
ابو راكان بخوف: العن الشيطان يايبه بيطلع ان شاءالله بيطلع !
مارد أبوه يكمل يبكي شايف حال باسل وولده اللي يهديه ويطمنه ويقول: خلاص بنروح الحين ونسال وش فيه اهدى يايبه تكفى اهدى وطلع الدكتور وخفو بمشيهم يسألون الدكتور عن حالته
الدكتور: حاليا هو دخل بغيبوبه مو عارفين مدتها
انصدمو اثنينهم يناظرون بعض بخوف !!
ابو راكان: طيب نقدر ندخل؟؟
الدكتور بحذر: لا ! ممنوع منعًا باتًا يدخل احد ! تقدرون تشوفون من القزاز .. غيره لا رجاءً
وراح الدكتور وزفر ابو راكان ينطق: وش بنقول لعبدالله يابوي؟
الجد راشد: لاتعلمه! تفهم؟؟ لا تعلمه !!
ابو راكان: وولده؟؟؟ بيفقده!! اكيد يدوره الحين !! وياسر اكيد بيعلم يايبه!
الجد راشد: ماهو معلم! أنا حذرته حذر شديد ماينطق بحرف! زفر ابو راكان بتوتر يناظر باسل ويناظر أبوه خايف ومايدري وشلون يتصرف
ابو راكان: اجل سرينا نرجع نطلع نجود ونروح
الجد راشد: ماني تارك حفيدي! وولد اخوي ! انت تدري وعارف ان باسل مثل ولدي وحفيدي وابوه حسبة اخوي ! ابو راكان: بس يايبه ان جلست وش بتسوي؟ وتعب عليك نرجع لحلالنا ويروح واحد من الشباب يجلس عنده ويشوف وش يبي
سمع كلامه أبوه وراحو سجلو نجود وتوجهو لشعيبهم
— حارة بيت الجد راشد —
الكل عرف بسالفة الحريق اللي صار لكن محد يدري وين راحو حتى ياسر ماهوب موجود!!! .
يصحى ابو باسل من نومه ويستغرب بالأصوات العاليه
وكأن فيه شوشره توضى وصلى فرضه ونزل يطلع وانصدم صدمة عمره من شاف المنظر ! البيت محترق تمامًا !! والناس متجمعين اللي يستغفر واللي منصدم واللي يسأل واللي واللي ..
شاف واحد وسأله: شسالفه؟؟؟ الرجال: بيت ابو كايد انحرق! وماندري مابه احد لا من أهله ولا شي البيت فاضي ! شكل الحريق صار امس والظاهر كلهم بالمستشفى
بلع الصدمه الكبيره وتوسعت عيونه وثقلت رجوله لكن استوعب ان عياله كانو هناك وراح يدخل بيته يدورهم واللي ماتوقعه أنهم ماكانو موجودين ولا لهم اثر تماما!
أبو باسل: ياحسرتي على عيالي!! يالله انك تنجيهم يالله انك تحفظهم وترجعهم لي سالمين طلع من بيته يدورهم بكل مكان زي المجنون !!
— شعيب الجد راشد —
الصباح الحريم يسوون الفطور والبنات يفرشون السفره ويرتبونها .
أبو جاسر: زهب الفطور ولا باقي؟؟
أمل: جهز جهز بس اصبرو ننكب
امجد: يبببه يايبببه
أبو جاسر: هههههااااه ؟؟؟؟
امجد: اجيب الحطب؟؟؟؟؟ أبو جاسر بعصبيه: يعني وش تجيب؟؟ إيه وش أنا قايلٍ لك !
امجد: ان شاءالله
ليان اللي راحت وشافت سعد يلعب ويدوس وقالت: سعد ياسعد وجاء
ليان: وين ياسر؟ سعد: نايم
ليان: للحين! سعد: إيه ، أقومه؟
ليان: خلك .. بروح أنا أقومه هو بخيمة الحريم صح؟
سعد: إيه وراحت ليان تدخل وتشوفه نايم تبتسم تقومه بهدوء: ياسر ياسر
ياسر بنعاس: همممم ابتسمت ليان: قوم الفطور زهب
ياسر فز يقوم: هاه؟ أنا وين؟؟! امي وينها لجين وين
ليان انصدمت تمسكه تهديه تنطق: اهدى اهدى بسم الله عليك وش بلاك؟ قم توضى وصل وتعال عشان تفطر
ياسر: باسل موجود؟ ابتسمت ليان تكتم ضيقها: لاتخاف على باسل جلس معه كِنان وان شاءالله انه بخير
ياسر قام ونفض فراشه وتوضى يصلي وراح مع الرجاجيل بينما ليان رجعت للحريم تساندهم وتساعدهم ....