"كل سرٍّ مخفي فيه شرارة قادرة على إشعال عالم بأكمله"
"بقلمي أنا "الرَميم"
••••••••••••••••••••
~فجأة صار صوت بكاء طفل بصوت عالي هز البيت هز وقاطع وجبة الفطور الممتعة معلن عن أستيقاظ صغير العائلة...
-روح:أهووو هذا التفل أبنتم دعد ماما لوحي لكذي
~راحت أم أيمن تركض لأخر العنقود أبنها الصغير "أدهم"...
-أيمن:وأنتي شبيچ متنرفز عيني
-روح:أهوووو هم لكه أثتت اثتوووووت
-أيسر:تؤ أيمن شبيك ويايه أثتووت كافي
-روح أمتلت عيونها بالدموع وصاحت بيهم بعصبيه:واللللله بث يدي باااابا ادوله واحلي يذلبكم ويتيح حذكم هم اني اعلمتم
-أيمن:والله خفنه لتگولين حبابة
-روح طلعت لسانها تعيب عليهن:ننننن حكيلين
~ظلوا يضحكون ويتقمصون شخصية روح وهي ولا على بالها گاعدة تتريگ أجت أم أيمن لازمه أيد أدهم چان مصحصح مغسل ومبدل...
-أدهم بصوته الطفولي وحماسه الصباحي:سباح الخيل
-روح:ثباح النول أحوية الحلو
-أيمن:باع اللواگه قبل شويه چنتي ضايجه لأن گعد
-أيسر:گوم نلم الحروف الي دتطشر من حلگهم
-أم أيمن ضحكت وگلتلهم:ولكم شوفوا أخوكم خطية سودة عليه چان حلمان لگيته فحطان بچي وعرگان
-أيسر:ها ولك دودي بيمن حلمان بس لا بروح حلمت وگعدت مخروع سودة عليه
-روح:أحتي عليه عاتي اني دا ادمهن ادمهن ومن يدي بابا أدوله
-أيسر جر روح عليه وباسها:ولچ أموووت عليج
-روح:لاااا وله منو لعد كبل شويه يكلد عليه ويذوجني
-أيسر:مو أني هذا أيمن يجبرني أني أحبچ
-روح:ولي ولي ما أحبت أني
-أيسر:دطيري هو منو يحبچ غير دا أضحك عليچ
-روح:أييي الجع لأثلك
~أبتسم أيسر وباوعلها بعيون تلمع وگلها بفخر...
-أيسر:تدرين أنتي أقوى بنيه شفتها بحياتي ومراح الگه أقوى منها
-روح بأبتسامة:تبعاً أني كوية
-أيمن:لأن أحنه سندچ تصيرين قوية
-روح:ممتن ثح
-أم أيمن:هسه تصالحتوا نگدر ناكل بسلام
-أيسر:ليش هو أكو مطي يزعل من هذا الجمال
-روح:أووووي أحبتم يله بوثوني
-أيسر:چنچ على بوسة مو تدللين
~أيسر جر روح وباسها بوسه قوية وعض خدودها...
-روح:أخخخخ علكليف هو هييت
-أيمن:أني هم أريد أبوس
-روح:يله بوث ثفتوا ثلون ما عدكم حيلي
-أيمن:راح تذلنه
-روح:بوووث وأنت ثاتت
-أدهم راح يمشي على كيفه وهو ماد أيده لروح:أني بوث بوث اني بوث
-روح مدت خدها لأدهم:بوثني يله
~خلت أدهم يبوسها وهي هم باسته وشبگته...
-روح:شوكت تكبل وتدوم تعلف تحچي عدل
-أيمن:دحچي عدل أنتي بالأول
-روح طلعت لسانها تعيب على أيمن وگلتله:يله ثثوي أتحملت أحوية التبير
~أثناء ما چانت روح تحچي ويه أخوانها ويضحكون ويتناگرون للحظة أم أيمن شردت بذكرياتها وعيونها تلمع ومثبتتهن على أولادها وضحكهم بس عقلها سافر بالذكريات للزمن الماضي تحديداً للأيام الأولى الي التقت بيها "بحسام" لأول مرة، تذكرت النظرة الأولى الي جمعتهم بأول لقاء وشلون چانت هاي اللحظة حاسمة بحياتها قاطع سلسلة أفكارها وذكرياتها صوت روح وهو تهزها...
-روح:ماما ماما
-أم أيمن بأبتسامة:روح ماما
-روح:تمليلي الكثه
-أيمن سأل بفضول:يا قصة
-روح:هاي كثة ماما تكلالياها الي خثيثاً أسمها "كثة الأميلة"
-أيمن:أووووبا وصل الدور لروح
-أيسر:لك هلاا هاي شنو أم أيمن ناويه تخلدين قصة الأميرة للتاريخ
-روح:ثنو تعلفوها
-أيسر:طبعاً نعرفها وبكل فخر
-أم أيمن:ولكم كافي تلهلجون
-أيسر:يله نسكت وسولفيلنه القصة
-أم أيمن بحماس:تدللون عيني يله نبدي بس ها روح بدون تدخلات جانبية لان أي سؤال ما أجاوب عليه بعدين كلشي يتوضح بالنهاية
-روح:تمام يله يله أبتي
أنت تقرأ
اللحظة الفاصلة
Romanceهكذا ستبدأ حكايتنا في عتمة تلك اللحظات الفاصلة ، حيث تختلط الخيانة بالوفاء ، والدموع بالأمل ، فكل شخصية تقف عند مفترق طرقها الخاص ، وفي كل خطوة تتخذها، تكتب سطراً جديداً في قدرها، وبينما تتحرك عقارب الساعة ببطء نحو المجهول ، لا شيء سيكون كما كان ،...
