date - 30th, October <the day before Halloween>
သစ်ရွက်ခြောက်များကတစ်စထက်တစ်စကြွေကျလာလေပြီ။ ဆောင်းဦး၏အငွေ့အသက်များကလည်း နေရာတိုင်းလိုလိုမှာပြန့်နှံ့နေ၏။ အောက်တိုဘာ 30 ရက်နေ့တွင်လူအတော်များများအလုပ်ရှုပ်နေကြလေသည်။
မနက်ဖြန်မှာ Halloween နေ့ပင်။
ပါတီပွဲအတွက်အဝတ်အစားများ၊ Decoration များကြောင့်သူများတွေအလုပ်ရှုပ်နေသော်လည်း Jeon Yura ကအခြားသောအကြောင်းတစ်ခုကြောင့်အလုပ်ရှုပ်နေခြင်းပင်။
သူအိမ်ကနေဘယ်သူမှမသိအောင်ထွက်သွားဖို့ကိုဘယ်လိုလုပ်ရမည်လဲ?
"Taehyung ဆီမှာ Halloween မှာဝတ်ဖို့အင်္ကျီသွားယူမယ်ဆိုပြီးထွက်သွားလို့ရတာပဲ"
ဆုံးဖြတ်ချက်ချပြီးသည်နှင့် Jeon Yura ကားကိုယူကာ Kim Taehyung အိမ်ဆီကိုထွက်လာခဲ့သည်။ အိမ်ရှေ့မှလူခေါ်ဘဲလ်ကိုတီးပြီးသည်နှင့် အိမ်တံခါးဝမှာပွင့်လာခဲ့သည်။
ခပ်ပွပွဆံပင်ကိုလက်နဲ့ထပ်ထိုးဖွနေသော Kim Taehyung ကသူမကို ပျင်းရိသောမျက်လုံးများဖြင့်ကြည့်သည်။
"Yura? ဘာလာလုပ်တာလဲ...နင် ပွဲပြင်ဖို့မသွားဘူးလား?"
"ငါ...costume လာယူတာလေ Taehyung ရဲ့...အိမ်ထဲခဏဝင်လို့ရလာ?"
"ဘာလုပ်ဖို့လဲ?"
Jeon Yura အံကိုကြိတ်မိသည်။ နည်းနည်းလေးတောင်ဟန်ဆောင်ပြီးသူ့ကိုကြင်နာမပြနိုင်ဘူးပဲ Kim Taehyung က။
"ငါ့အင်္ကျီယူမလို့လေ..မကြာပါဘူး ခဏပဲပြီးရင် ပြန်မှာ"
ပြောလိုက်ချင်သည်။ ငါထွက်သွားတော့မှာမို့လို့ ငါနဲ့တူတူလိုက်ပေးပါလားဆိုပြီး Jeon Yura ပြောလိုက်ချင်မိသည်။ အဖြေကိုသိနေရင်တောင်မှ Jeon Yura အရဲစွန့်ကြည့်ချင်သည်။
"ငါထည့်ပေးထားတာမို့လို့ ငါယူပေးမယ်။ ခဏစောင့်နေ"
ပြောပြီးသည်နှင့် အပေါ်ထပ်ကိုတက်သွားသော Kim Taehyung ၏နောက်ကျောကိုကြည့်ရင်း Jeon Yuraသက်ပြင်းချမိသည်။ နှစ်ခါမရှိနိုင်တဲ့အခွင့်အရေးပဲမလား...သူပြောပြမှဖြစ်မယ်။
YOU ARE READING
† 𝔞𝔯𝔱𝔢𝔪 𝔞𝔩𝔦𝔮𝔲𝔢𝔪 𝔬𝔠𝔠𝔦𝔡𝔢𝔯𝔢 †
Fiksi Penggemarတတိယနှစ်ကျောင်းသူတစ်ယောက်ရဲ့ပျောက်ဆုံးမှုကဒီအတိုင်းသမားရိုးကျမဟုတ်တဲ့အခါ.... Halloween Special for loves ♡
