في الكوزينة كيوجدو العشاء تكلمات عائشة (بأسف) حشومة عليكم نسيتوها البنت بوحدها مكتعرف حتا شي حد
ليلى : قوليها ليها هيا لي صحبتها اونساتها
ليليان : صافي لماما سكتي الله اسهل عليك لما سكتي راه الغلط ديالنا كاملين نسيناها
ليلى : (هازة حجبانها) هاي هاي على كاملين علاش شكون لي صحبتها انا ولا نتي (فاتتها خارجة كتهدر) صحبتك هاديك طلبي منها السماحة البنت راه ضريفة دغيا تسمح لك
دخلات سمية كتهدر , (عاقدة حجبانها ) صافي سكتونا (شافت في ليليان ) صوني ليها نتي عتادري منها , (دارت خارجة لصالة) زيدو حطو داك العشاء
ــــــــــــــــــــــ
داخل لدار فرحان كيصفر كيلعب بسوارت بيديه دخل لصالة لقا فيها ناصر كيلعب مع أية احداه يوسف كيتفرج في الكورة معاه ولادو زين ازياد
فهد :(مبتاسم ) سلام عليكم (سلم عليهم عناق رجولي)
يوسف :(هاز واحد الحاجب) اش كاين تما كتبان فرحان
فهد :( حنحن بخفوت) وياه اولد خالتي قرر نكمل ديني ان شاء الله
ناصر : (وقف عنقو كيضحك) مبروك عليك شكون هاد سعيدة الحظ
فهد : (بهدوء) دينا (هز عينيه فيهم لقاهم مصدومين ) مالكم اودي ، المهم لي عندو رقم ديال خوها اعطيه ليا بغيت نهدر معاه في هاد الموضوع ان شاء الله
يوسف : (فرحان ) ولله حتا ديك البنت بنت الناس غادي دجو مع بعضياتكم هدرتي معاها هيا بعدا شفتي رأي ديالها ؟
فهد :( حك ليحيتو بهدوء) صراحة غير شويا دابا باش قلتها ليها مجاوبنتيش بقات غير حالة فمها هههه
ناصر : ايه ماشي موشيكل شويا الوقت او تفهم البنت يالله عندها 18 عام او يتيمة تهلى فيها الا تجمعتو ان شاء الله ديرها في عينيك راه غير هيا لي عند خوها اهيا في مقام بنتي ليليان دابا
فهد : عارف راه منهار شافتها عيني او هيا في قلبي ابغيتها تكون زوجة ليا ام ولادي ان شاء الله
دخل ليث لي كان واقف حدا الباب مبتاسم , (ضربو في كتفو) الله الله على شاعر ديالنا اوا مبروك عليك
فهد :(فرحان ) الله ابارك فيهم واخا مزال مدرنا والو
ناصر : (شاف فيه بجدية ) فهد نقوليك شي هدرة نتمنى تفهمني
فهد :(حرك راسو بتفهم) عارف علامن غادي دوي ، الواليدة ياك بنسبة ليا عارف الواليدة حگارة ادينا ضريفة شفت تصرفهم النهار الاول
يوسف : ويلا مقبلاتش ليك خالتي
فهد : انا لي غادي نتزوج بيها ايوسف ماشي الواليدة حتا الا مبغاتش انا اصلا ممستقرش في المغرب طالع هاد الشهر لامريكا ان شاء الله الا تقادات الامور نديها معايا
أنت تقرأ
قلــب يعشـق فـي صــمت ✨🔞
Romanceالقصة تدور حول شخص يعيش مشاعر عميقة تجاه شخص آخر، لكن هذه المشاعر ليست متبادلة. يعيش هذا الشخص في حالة من التوتر والقلق، حيث يحاول إخفاء مشاعره وهو يتأمل الشخص الذي يعجبه من بعيد. يتخيل لحظات تجمعهما، لكنه يدرك أن الواقع مختلف تمامًا. مع مرور الوقت،...
