تخيلوا معي ان يروى عن قصه في رمشه عيناك دواء 2
الجزء السابع عشر :-
نزلت رنيم بعصبيه وصرخت : وين وريف
وريف غطت وجهها بالمخده وقالت : كان فوق صح ؟ شسوي انتي الي طلعتي قبل لااكمل كلامي واقولك انه بالطابق الثاني مو الأول
قربت رنيم منها وقالت : تعالي لي هنا بنتف شعرك صبر بس
صرخت وريف ونطت فوق الكنب وقالت : أسير اسيييييييير تعال شوف زوجتك المصفوفة ذي
رنيم رمت عليها قاروره المويه الي كانت فوق الطاولة وصرخت : انطميييييييي يالحيوا//نة
وريف كانت تصرخ : يمهه يمهه الحقوني .. رنيم كانت زي المجنو//نه تجري خلف وريف وهي تقول : ماني سايبتك انتي تدرين وش خليتيني أعيش فوق بغيت أمو//ت
قبل ثواني فوق عند اسير :-
كان جالس فوق السرير وحاط يدينه على رأسه فجأه فز من مكانه يوم سمع صراخ رنيم لكن ماكان قادر يميز وش قاعده تقول ..
حمرت عيونه من تذكر ان الرجال بالمجلس الي داخل القصر لان الجو حر برا ، نزل يجري على الدرج وانصدم من المنظر الي شافه كأنو البنات ماسكين رنيم الي كان شعرها منكوش ومكياجها حايص وهي حالفه ماتترك وريف بحالها وجالسه تصارخ والصاله كانت مقلوبه فوق تحت ..
صرخ بحده : رنيمممم
فزت من مكانها وقالت بصراخ : وراك داخل علينا كذا ..؟ البنات كاشفات شعورهم
كان أسير صاد وقال : رنيمممم صوتك صوتك الرجاجيل بالمجلس
رنيم حطت يدها بخصرها وقالت : ماني ساكته هااا وش بتسوي
قرب منها وشالها وطلع فيها بالدرج وهو يقول : شكلتس ماتعرفين منهو أسير أسر آل شادي ياحرمي العزيزة
كانت تصرخ : نزلني نزلني .. ثم تعالت صرخا// تها يوم سمعت البنات يضحكون ، بعكسه كان يضحك على شكلها ..
طلع لغرفته ونزلها قدام المرايه وقال : شرايك تشوفين شكلك في عروس ثاني يوم زواج لها تكون بهذا المنظر ؟
رنيم شافت شكلها وصرخت : يويلي .. ثم كملت بضحك : شبلاه الروج وصل لخدي ؟ لحظه المسكره وراها صارت بجبهتي ؟
جلس أسير على الأرض من قوه الضحك وكان فعلا اول مره يضحك كذا
عند البنات تحت :-
ميلا : شبلاه يضحك ذا ؟ يمه لأيكون سوا بالبنت شي .. الحقو أكيد صارت مصيبه ولا وش الي يخلي المعجزات تحصل واسير يضحك
كانوا البنات بيطلعون لفوق لكن نزلت لهم رنيم وهي تقول : وريف أبغا مزيل ميكب
نزل أسير وراها وقال : صدق انتي غريبه مو ذي الي قبل شوي كنتي شوي وتنتفي شعرها ؟ جايه تطلبين منها رغم وجود كل ذولي البنات
رنيم : أنت شعرفك بالحب تعالي ياوريفي
أسير : خلكم شاهدين محد بيجنني غيرها
ميلا : أنا ادري من صوت الضحك الي ماعمري سمعته منك عرفت انه نها/يتك على يدها
رنيم : بسم الله عليه
البنات : عشنا
رنيم بإحراج : مقصد بس ماابغا احد يكون نها/يته على يدي طبعا
زبط أسير شماغه وطلع من الصاله دخل لمجلس الرجال ..
برق : تعال تعال شصار معاك
البراء : لأيكون انطرد مثله
ناظر أسير في عياد بنص عين ثم قال : تقارنوني بذا ؟ يخوي أنا ولا على بالي رحت خذيت شور طلعت لقيت بنت معرفها بغرفتي
وسعت عيون إيان : مين ؟
أسير ضحك وقال : زوجتي العزيزه بس معرفتها .. يسعدلي وريف بس
أيان وسعت عيونه : بلاك ياولد العم ؟ خابرك ثقيل وبعدين وش جاب سيره حرمي الحين
أسير : زوجتي طلبت من زوجتك شاحن جوال وزوجتك قالت لها مكان غرفتكم لكن زوجتي متسرعه وطلعت قبل لازوجتك تقول لها انه غرفتكم بالطابق الثاني وبكذا هي دخلت غرفتي الي بالطابق الأول
برق : زوجتك وزوجتي يعم غثيتنا تكلم عدل بالأسماء
ناظره أسير : سيبني بحالي تراني مروق لاتخرب مودي لا ينقلب عليك
برق : تهدد ؟
أسير ناظره بنص عين وماتكلم
البراء : لوندري انه بنت بتسوي فيك كذا كان جبناها من اول .. على كذا هي صار/وخ
فز اسير من سمع كلمته وسحبه من ياقة ثوبه يوقفه ويلكمه لكمات ورا بعض وهو يردد أسوء الشتايم .. كان البراء يرد له اللكمات بكل براعه وليه لا وهم احفاد شادي ، تدخل برق وبعدهم على بعض وهو يقول : خلاص مافي اي احترام من متى نمد يدنا على بعض
صرخ أسير : ابعدد بكسر عضامه
برق سحب أسير الي صار ثوبه د/م أثر ضربه من البراء في انفه .. راح لقسم الحريم ونادا وريف ورنيم بصوت عالي : وريف تعالي بس تغطي معي اسير .. ثم كمل بنفس النبره : حرم اسير وين تجي
فزت رنيم من صوته الي كان شبه مرعب بالنسبه لها وقالت : تمام جايه
هدت أعصابه من سمع صوتها ولاحظ هالشي برق ثم قال : اعقل يالأسير اعقل
أسير : وخر مني لاأفصل عليك أشكال تسد النفس
جاوا وريف ورنيم ..
رنيم كانت مخروشه من شكل أسير وقالت بخوف : وش سويتوا فيه ؟
برق ضحك وقال : تضارب مع البراء ولد عمتنا عشانك
رنيم : عشاني !!
برق : خذيه شوي ويذ/بحني لأني تكلمت معك
رنيم مسكت يد أسير الي انتفض من مكانه لأنه كان شارد بعيونها ..
رنيم : وش فيك ؟ تعال قاعد تنز/ف
خذته رنيم لأحد المجالس الفاضيه وجابت الإسعافات الأوليه وبدأت تطهر الجروح الي كانت بوجهه وكتفه ويده
أسير بعد صمت : جهزي نفسك شهر بالكثير ويتم حفل زواجنا
وسعت عيونها وقالت بصدمه وهي تمسك رأسه بحركه عفويه :فيك شي ؟
أسير غمض عيونه وقال : صاروا ٣ أسابيع لاتقربي مني الأن أنا بأسوء حالاتي
أنت تقرأ
في رمشه عيناك دواء (2)
Любовные романыلقد عدت بعد إنتظار لأروي لكم قصه تتحدث عن بينما كان البطل مشهور والبطله طبيبه فماذا سيحدث عندما تكون البطله مديرة أعمال والبطل شرطي .. ؟ في رمشه عيناك دواء 2
