بسم الله الرحمن الرحيم
البارت : الثاني والثلاثون
بقلمي : حب موروث
لا تنسون التصويت والتعليقات حتى نستمر..
ـــــــــــــــــــــــــــــــــــــــــــــــــــــــــــــــــــــــــــ
ريماس : اشرلي راهب شكو ردت احجي واكو شي منعني محجيت شي وصعدت بالسياره وصلنا خالي للبيت وراهب ماعرف وين راح .
نغم : ارتاحي ولتتحركين اني راح ادز على جيرانه تساعدني بالتنظيف.
ريماس : طلعت واني تمددت بسريري طلعت الورقه مال راهب جان رقم جديد دخلته بمبايلي واتصلت عليه .. الو راهب .
راهب : عيونه بابا ريماس حبيبي لتضوجين الاطفال تتعوض اهم شي انتِ زينه .
ريماس : نصدمت شلون عرف واني ردت احجي ويا علمود هذا الموضوع .. جنت خايفه اكولك والله راهب ماعرف شلون صار هيج ..
راهب : ييي ابويه يي ادري كله بيد ربج لتنقهرين اعوضج .
ريماس : هههه راهب .
راهب : والله بابا الله كريم .
ريماس : صددك راهب اريد اكولك شي .
راهب : اسمع حبيبي.
ريماس : شفت المريه الانطتني الجگليته بالمستشفى لابسه لابكوت تباوع عليه .
راهب : هاااا شوكتتتت ليش محجيتييي .
ريماس : خفت من صوته وحجيت بصوت يرجف .. م ما دري
راهب : شردت هسه الله يعلممم وين راحتتت هل گ...
ريماس : راهب والله خفت مكدرت احجي .
راهب : هاي هي ميخالف بابا لتشيلين هم تنلزم وين تروح قابل .
ريماس : راهب لتضوج مني والله تعبانه .
راهب : مضايج يلا عندي شغل اتصل بيج بعدين .
ريماس : عرفته ضاج سد الاتصال واني خليت راسي على المخده ونمت .
كعدت على إثر واحد يهز بجتفي ..
نغم : كومي ريماس تعشي .
ريماس : فتحت عيوني لكيت ماما واكفه كدامي وعيونها حمر طلعت من شافتني كعدت تحركت بصعوبه جسمي مكسر والجو بارد ثلج طلعت وكعدت كدام الصوبه اجتي امي خلت الصينيه كدامي رادت تروح لزمت أيدها ... وين ماما شبيج ؟
نغم : اني تعشيت اروح ادرس ادهم اكلي أنتِ .
ريماس : وخرت أيدها وراحت اكلت هواي لان جنت جوعانه شلت الصينيه وغسلت المواعين وكمت اريد اخذ مبايلي ملگيته رحت لماما دكيت الباب .
