أرويني بدماء جحيمك [Quench me with the blood of your hell]

𝑃𝐴𝑅𝑇❀129

🩸أࢪوينـــــــي بدمــــ♡ـــاءِ جحيـــــــمكَ🩸

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

♡لَـوْ ذقـت يا غزالـي،ما ذُقْــتُ في هـواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀129

أليس بقات حاضياه كاتحاول تقرا شنو كي كتب لكن بحكم أنه كان جالس بعيد عليها ما قدراتش، فالتالي قررات تصبر شوية حتى يسالي و هو بنفسو غادي يعطيها ديك الورقة باش توصلها للمياء، أما هو خدا منو الموضوع 5 ثواني فقط و كان كتب جوابو، طوا الورقة على جوج و مدها للأليس لي خداتها من عندو راسمة على ثغرها ابتسامة...

{الحوار بالإيطالية}

أليس(بتساؤل): نقدر نحلها؟

ساجد(ببرود): واخا تحليها ما تفهميش شنو مكتوب...هادي اللولة...(عقد حواجبو ناطق بحدة) الثانية اش دخل كـ رك فالبلان بيني و بينها؟

أليس(حنحنات بتوتر): غير فضول و صافي...حيت هي وراتني شنو مكتوب فالورقة و عمدا كتبات بالايطالية...

ساجد(بنبرة قوية قال): علمتك ما تدوي مع حد عليا....باش عرفاتك كنتي عندي؟

أليس(وسعات عيونها): لا لا...ما قلتش ليها نتا فين.. كانحلف ليك ا دياڤولو...

ساجد(كشر ملامحو): كاتبوهلي عليا؟

أليس(سرطات ريقها و قالت): عرفاتني كنت عندك من الريحة ديالك

ساجد(سكت كي حقق فيها لمدة قبل ما يفك ملامحو و ينطق بأمر): ريحي هنا حتى يصباح الحال و رجعي فحالك

وقف و مشا خرج من الكوخ تحت انظارها و هي فرحانة بكلامو الاخير ليها، و من بعد ما بان ليها خرج حلات ديك الورقة باش تتأكد من انها ما غاديش تفهم المكتوب فالورقة كيف قال، و فعلا لقاتو كاتب جوابو بالداريجة المغربية...

خسرات سيفتها بإنزعاج و رجعات طواتها كاتفكر فشي حل باش تترجمها،حتى دازو دقائق من ورا دقائق عاد تم داخل ساجد هاز معاه ديك المعزة لي كان صيد و لي حيد ليها البطانة و غسلها من خلال مياه النهر، و غير شافتو أليس فكات ملامحها و رجعات بتاسمات ليه، حطات الورقة فصاكها و وقفات تبعاتو للكوزينة...

أليس: واش ديما كاتصيد؟

ساجد(حط المعزة فوق طبلة خشبية): همم...

أليس: مزيان نيت جيت فالوقت...فيا الجوع...

ساجد(شافيها): الأخت نباتية لا؟