دينا. ايوه والله عارف اللي يشوف بلوه غيره تهون عليه بلوته بس عارف ي ميهو انا ارتاحت للك
مهاب. بيضحك طيب كويس انا هديكي العنوان وروحى بس ماتفوليش انك تعرفيني
دينا. بتحط ايديها ع بوقها لا مش هقول
واداها مهاب العنوان واخدت دينا شنطت هدومها وراحت بيت مهاب وفتح لها معتز
دينا. بابتسامه مساء الخير ي استاذ
معتز. مساء النور مين حضرتك
دينا. بتاكل اللبانه انا تينا الشغاله الجديده اومال فين ابله نجلاء
معتز. بيبص لها من فوق لتحت انتي مين اللي قالك اننا محتاجين شغاله
دينا من مى... حطت ايديها ع بوقها اسكت يا لساني هتوديني في داهيه وبصت لمعتز شوفت الاعلان على النت هو النت بيخلي حاجه مانعرفهاش والنبي ي استاذ دا لو واحده اطلقت بيقول
معتز. طيب استني انادي ماما
ودخل معتز لنجلاء
معتز. انتي منزله اعلان ع النت انك عايزه شغاله
نجلاء. ايوه لي
معتز. بعصبيه لي ماشوفتيش مكتب يجيب للك بدال الاشكال اللي بره دي
نجلاء. اهدى بس مين بره
معتز. بنت غريبه كده اطلعي شوفيها
وطلعت نجلاء لدينا
دينا. اول ما شافتها بتخمس في وشها. الله اكبر عليكي خمس وخميسه عليكي قمر قمر ياابله نجلاء
نجلاء. بتبص لها باستفراب انتي مين عطاكي العنوان انا كاتبه رقم التليفون بس
دينا. افتكرت كلام مهاب ايوه ماانا كلمتك من يومين بس حصلت لي ظروف ي ابله وماعرفتش اجي والنبي سامحيني وشغليني معاك دا انا يتيمه اب وام وحالتي تصعب ع الكافر الا مرات ابويا والنبي ما عارفه اصنفها من انهي جنس بشر دي عايزه تجوزني لابن اختها سيد الفاشل الصايع العربجي يرضيكي يتعمل فية كده ي ابله
نجلاء. بتبص لها بس انا طالبه سن كبير لان عندي شباب
دينا زي اخواتي والله اتخزوق في عينه الاتنين لو بصيت لشاب فيهم
نجلاء بس....
دينا. والنبي ما تبسبسي يابله ووافقي تنستري دنيا واخره انا
محتاجه الشغل وماليش حد غير ربنا
نجلاء. بتتنهد. ونعم بالله
ودخلتها نجلاء وكان معتز سامع الكلام
