صباحا في الكوزينة لابسة كسوة طويلة بلون زرق افلار سود حداها سيهام كتقاد البغرير المسمن فوق الطابلة في صالة لي عامرة بلحلوى الفاكية اأتاء او الحليب القهوة لي زلايف فيهم زيت ازبدة البلدية العسل الحر اسمن البيض مسلوق
دخل عليهم ادم لابس سروال جينز كحل اتيشيرت بيض ، شاف في ساعة ديالو انطق بصوت رجولي قاصح ، هاهما وصلو (شاف فيهم) هاني خارج عندهم (خرج )
دينا : (شافت في سيهام بتوتر ) واش اكون زعما داكشي لي قلت لك داكشي علاش جات معاه خالتي سمية
سيهام :(ضحكات اجراتها غادين لصالة ) تي زيدي راه انا مقلت والو لخوك ليمشي فهد اقوليهم راه قالها ليك
في صالة جالسة سمية لابسة كسيوة فسود سامبل افلار قصير مبينة شعرها من القدام طالون بيض كضور في عويناتها حداها فهد لابس سروال جينز كحل اتيشيرت بيض فوقو جاكيت كوير كيحرك رجليه بتوتر هز عينيه ابتاسم بلي بان ليه ادم داخل عندهم هوا اسيهام فقط
فهد وقف سلم على ادم عناق رجولي لي داز سلم على على سيهام بيد ، جلسو كيفطرو بهدوء كيهدرو حتا نطقات سمية مبتاسمة موجه هدرتها لسيهام ، فين هيا دينا ابنتي عيطي عليها
ادم : سيري عيطي عليها اسيهام ، وقفات سيهام عيطات عليها لي دخلات اصلا كانت كتصنت حدا الباب
دينا : سلام عليكم (دازت سلمات على سمية) كيف دايرة اخالتو
سمية: بخير الحبيبة ديالي انتي
دينا :بخير اخالتو كيف دايرين البنات كاملين
سمية: حمد لله ازينة تاعي
دينا : حمد لله (هزات عويناتها في فهد لقاتو كيشوف فيها دازت عندو مطات ليه ايديها لي غير شدهم بين يديه الضخمة المعرقة بانت يديها صغيورين ارطيبين) سلام لباس عليك
فهد :(كيتحسس صبيعاتها الصغار مع صبعانو يهدوء ) بخير اونتي (غمزها)
دينا:(حنيكاتها حمارو بلمساتو خافت ارد ليها البال خوها اهيا تجر يديها بزربة نطقات ) حمد لله داكشي لي بغيت ليك (اتقدمات جلسات حدا سيهام لي حابسة الضحكة
فهد :(حك لحيتو برزانة اشاف في سمية اطلع حجبانو بزوج كإشارة باش تبدا تهدر )
سمية : حمم (موجه هدرتها لٱدم نطقات بجدية ) ليوم جيت مع ولد ختي لي هوا في مرتبة ولادي باش نهدرو في دينا على قبل فهد (شافت في دينا لي مهبطة راسها كتفرك في صبعانها بتوتر ) الا قبلتي بينا ابنتي (رجعات شافت في ادم ) ان شاء الله الا وافقات دينا ديك الساعة نحدو نهار لخطوبة
ادم :(بجدية ) اهاه مقلتو عيب (شاف في دينا) القرار كيرجع ليها ماشي ليا ولكين لحد علمي نتي خالتو ماشي الام ديالو(شاف في فهد) كاين شي موشيكل بيناتكم
قبل ميهدر فهد سبقاتو سمية ، لالا حمد لله مكاين حتا شي موشكيل اولدي غير ختي مريضة اكلفاتني نجي بلاصتها (محاولة تبدل الموضوع) ولا انا مكنشرفش فيكم اولدي
ادم :(مبتاسم) بلعكس نتي فوق راسي اخالتي مشفنا منكم غير الخير
أنت تقرأ
قلــب يعشـق فـي صــمت ✨🔞
Romanceالقصة تدور حول شخص يعيش مشاعر عميقة تجاه شخص آخر، لكن هذه المشاعر ليست متبادلة. يعيش هذا الشخص في حالة من التوتر والقلق، حيث يحاول إخفاء مشاعره وهو يتأمل الشخص الذي يعجبه من بعيد. يتخيل لحظات تجمعهما، لكنه يدرك أن الواقع مختلف تمامًا. مع مرور الوقت،...
