*ميلان *
قبل عقد خالي نرجع شويه للماضي
قبل لا اريان يخطب ياقوت امي تمرضت مرض كُلش صعب حته علاج ماكو اله
جنت اني صف سادس امي دخلت مستشفى ويه دخلت امي المستشفى صادفت امتحانات نص السنه ما كدرت ادرس لان ما عندي احد بس اني واختي واخويه وابويه دخل ويه امي ضليت بس اني واختي الصغيره واخويه عمي جاب ياقوت تضل يمي لان ماكو احد كُله داخله ويه امي اني صرت مابين الدراسه والبيت واخوتي ابويه كام وين ما يطلع ياخذ يقين ويا واني اضل اشتغل بل بيت وما اعرف اطبخ غير البتيته ياقوت هم ماتعرف تطبخ خلصته عليهم بتيته حته ملو من البتيته كامو ياكلون من بره اجت عمتي الوسطانيه على الاساس تضل يمي وتساعدني بشغل البيت هيه ما شالله عده 8جهال ماخليت وحده تدنه لطبخ ولا حته التنضيف صار البيت كله عليِّ وعلى ياقوت اساساً اجت حته تتونس شغل البيت كله بس عليَّ وعلى ياقوت
اجت عمتي اصغيره حته يرحن لزياره وقبل لا تطلع عمتي اجتني
"اروح واجي الكه البيت نضيف"
اني استهضمت كلتله
ميلان: اني اذا اريد انضف ولو واحد بل ميه
انضف لان بيتي امي امنتني عليَّ مو الج ولا لختج
عافتني وطلعت هيه واختهه كمت اكنس بل بيت مستهضمه اجت على بالي اغنيه
"تلملمن شو بس عليِّ تلملمن"
"وتلملمن كُلهن عليِّ تلملمن"
"وهمومي ويلي وهمومي ما يتوصفن "
"وتلملمن شو بس عليِّ تلملمن "
"وهمومي ما يتوصفن"
"ما يهيدن بيَّ يوم"
"لا بكعده ولا بنوم"
استهضمت ويه الاغنيه دموعي تنزل بس رغم هاذ اني صابره واحمد ربي لان هاذ امتحان يختبر صبر
قبل فتره طلعت النتائج وطلعت مكمله بثنين ما اهتميت لان اني اصلاً ما درست علي شنو اهتم
بليل اجني عماتي من شافن البيت نضيف ما حجن
اجه عمي الصغير من عرف بيَّ مكمله بثنين
كلي
:-حته لو نجحتي او رسبتي انتِ ماراح تكملين تكعدين وتسكتين وحالج حال بنات عمج تكمشين مكناسه وتكنسين
ميلان: ليش يابه اني لو طالعه من هاي الازمه تلكاني رسبت
وبعدي اهلي الي يحاسبوني همه عايشن
اهلي لو ميتين الكم الحق تحاسبوني
:-وليش احنه مو اهلج
ميلان: اني ماكلت انتُ مو اهلي بس همه عايشين همه الي يردوني اكمل ولا ابطل ومو اني الي راح اثيدبتلك الايام تثبت ونشوف من الصح ومنو الغلط ومنو راح ينفع منو
عافني وطلع
بليل كله نامت اني ضليت كاعده افكر
اكول حته لو همه عمامي مالهم الحق يحاجوني هيج همه يعرفون شنو الي اني ماره بي ليش يعاملوني هيج مالهم حق همه صح عائله معقده بس مو بكيفهم بيطلوني
طلعت امي من المستشفى وكلت اله الي صار وصدفه عمامي جانو كلهم ملتيمن يمنه
كالت الهم امي
:-اسمعو بتي محد يدخل بيه ماداني اني عايشه وابوه عايش محد اله الحق يحاسبه انتُ اهله على عيني وعلى راسي بس بنتي شوكت ما مشت بطريق غلط الكم الحق تحاسبوه اني بتي اعرفه شنو وشوكت ما صرفتو عليَّ الكم الحق تحجون
كمز عمي الصغير
:-بس احنه ماعدنه بنات يكملن دراسه
:- جاي اكلك شوكت ما صرفت انتَ عليَّ الك الحق تبطله
بتي ماتترك المدرسه مادام اني اشم الهوه
محد حجه كله سكتت
من طلعت امي من المستشفى علمتي اطبخ اول طبخه طبخته مركت عدس
ياقوت: حطيتي ملح لو لا
ميلان: لا ما حطيت عوفي اني احط
اجيت احط ملح جبت خاشوكه مال اكل واشيل بيه واحط لحد ما انتبهت عليَّ ياقوت كفختني على راسي
ياقوت: طاح حضج سويتيه مالحه منو ياكله هسه
ميلان: عزه شلت الجدر حطيته على السنكي
ياقوت: شجاي تسوي
ميلان: اريد اغسله حته يروح الملح
ياقوت: ضربته اي مو هوه تمن رجعي بمكانه وراح اسوي بتيته خاف محد ياكله
بعدين تعلمت وكمت اطبخ اكلات دسمه
بعد مرور سنه امي تحسنت حالته وهسه نرجع لعرس اريان وياقوت
ــــــــــــــــــــــــــــــــــــــــــــــــــ
بل بارت الجاي اسولف على عرس اريان وياقوت واكلكم شنو الي صار قبل عرس ياقوت لهنا ونكتفي كافي لان تعبت👍🙄
