سلام عليكم ....قصتي تبداء سنه2011/8/31حبيت اكتب قصتي بيدي واوصللكم كلشي عشته
جان عمري 5سنوات ونص تقريبا بس اذكر كلشي عشته بذيج ليله الي مراحت عن بالي ولا يوم
قبل لعيد بيوم لعصر ماما كاعده تسوي كليجه واني كاعده يمها وأخواني لثنين انور وهدى واني كاعده متربعه وباوع على ماما وعلى كل حركه سويها بالكليجه حته اتعلم فاتحه شعرها الي اني اموت عليه وتضحك وتسولف ويه اخويه لزغير تناغيله عمره 3اشهر واجه بابا شافها وباسها من راسها وهيه رفعت راسه وكالتله الله يساعدك ابو علي
ضحك وكعد ياكل من لكيجه لمستويه
بعدها صار دنيه لمغرب وماما تفرش بره نام ع جربايهه
سميره:هباوي تعاي نجيب لفراش
هبه:اي اجيت اجيت
رحت وراها للغرفه ونطتني لمخاد وشالت دوشك جبير وطلعت طلعت وراها وباوع على رجليها ورنت حجلها وهيه تمشي جنت اباوع على كل تفاصيلها
خلت دوشك على جربايه واخذت لمخاد مني وخلتهن وراحت جابت فراش النه فرشته وتعشينه وفرحانه باجر عيد وبملابسي جديده جنه نام من وقت فه تعشينه وبابا نام وماما تلولي الأخويه حته ينام شويه ونام وهيه هم نامت اني اباوع من جوه لبطانيه ما كدرت انام ابد ماعرف من فرحت لعيد مدري ماعرف جان حساس غريب مامفتهمته مدري رب لعالمين ميريدني انام حته اشوف ذيج شوفه
شويه واجه علي ابن ابويه طبعا ابويه مزوج ثنين وكف يم راس بابا ويهس براسه
علي :يابه يابهه
قيس:ها علي
علي:يأبه اريد لسلاح اريد اروح على زرع
قيس :بويه باجر عيد عوف زرع ع صبح
علي:يأبه مو نعسان اريد لسلاح
كام بابا نطا لسلاح ورجع نام ذاك على ساس راح لزرع
وره وقت طويل واني كاعده اباوع على نجوم جان شكلها حلو سمعت صوت مشي غطيت راسي خفت كلها جانت نايمه واسمع ذاك صوت الي رن أذاني رن رفعت لبطانيه عن راسي شوي واني جسمي يرجف بشكل مو طبيعي وباوع هاذه هوه هاذه علي اي علي علي شايل لسلاح بيده موجه على بابا وماما فزت تعيط وضرب بابا طلقه ثانيه وماما فرفحت من لعياط ورجع وجه لسلاح خلا بكصتها من صدمه ما حجت ولا كلمه عم صمت حجت
سميره :لا علي لا ولك علي لا جهالي ولك مالي ذنب علي ليش ليش ابوك ليش هيج سويت ولك شنو ذنبنه
تحجي وصوتها يرجف حجه هوه
علي:كل لمصايب منج كلها
سميره:ولك دفعوك علينه ولك علي بعدك بهاذه عمرك شسويت ولك قيس قيس فدوه اروحلك اكعد لا لا قيسسسس
من صاحت بصوت عالي قيس ضربها ودمها صار يتطافر عليه وضربها طلقه ثانيه وراح يركض
شويه ورفعت لبطانيه وكمت اباوع على ماما رحت يمها وجها كله احمر اديه ترجف ما اعرف شنو الي دا يصير
هبه:ماما كعدي
رحت على جههه ثانيه يم بابا وجهه كله دم امسح بوجهه اديهه ترجف أصيح بس اريد يكعدون ماكو اجني بنات ابويه يعيطن يعني معقوله ما سمعن صوت اله هسه يله أجن
يعيطن فوك روسهم واني ولا احد هتملي اديه كلها دم لما كلها لتمت على اهلي ودخلوا اخويه واختي جوه الي جانو مفرفحين من لبجي من صوت لعالي اني كعدت جوه جربايه بالكاع ضامه نفسي وارجف ايلى أن اجه خالي الي اسمه جاسم يصيح بأسمي
جاسم:هبه هبه وينج يابعد خالج
هبه:هنا اني
دنك رأسه شافني جوه جربايه عيوني حمر وجهه غركان دموع
جاسم :تعاي يابعد روحه لخالج تعاي
بيجت واني ارجف بصوت عالي حضني حضن كلش قوي وهوه يبجي وياي ويكول
جاسم:شبيج يابعد روحي كولي ليش تبجين
هبه:خالو ويه بابا وماما
جاسم:هسه يجون يروحي هسه ترحين على بيبي
هبه :لا لا اريد ماما وينها بابا وينه ليوم عيد هسه يجي نشوفه بابا كالي
جذبه الي جانو يقنعوني بيها انو انام من وكت لعيد راح يجي من صبح حته نكعد نشوفه
جاسم:هسه اني وياج نشوفه
فرفحت بجي راح على لغرفه شال هدى بيده بقه انور صاح لخالتي الي تملخ بنفسها وتعيط واني ساده أذاني
جاسم:رسميه كافي ولج جهال مشوفيهن شلون خايفين انور بأمانتج
طلعنه شايل هدى بيده واني نزلني امشي ولازم ايدي
تعبانه ونعسانهه لأن منايمه ومنا لمنظر الي بالي ما جاي افتهمه وبابا وماما وين راحو
نمشي نمشي بنص لبساتين ايلى أن وصلنه لبيت بيبي وخالي شالني بحضنه دك لباب على غرفه خالي حيل صاح خالي
حميد :منووو
جاسم:انيي حميد
وصوته مخنوك
حميد:فوت فوت
فتح لباب خالي ودخل شايلنه وشكله تعبان واني اغفي على صدره
صاح خالي
حميد:جاسم خما اكو شي خوفتني
اسراء مرت خالي حميد
اسراء:جاسم شكو
وره شويه حجه
جاسم:حميد كوم وياي اسراء لبنات بأمانتج
كام خالي حميد لبس دشداشه وخالي خلانه يم اسراء على جربايه هدى نايمه واني اغفي لزمت ايد خالي
هبه:وين تريد تروح تعوفني
باسني من راسي
جاسم:شلون اعوف روحي اني شلون هسه اجي يعمري نامي
هديت أيده وحضنتني مرت خالي خلتني على لفراش وطلعت وراهم تركض
اسمع بس لعيطه مالتهه شويه واجتي تبجي عيونها حمر دم
جرتنه على حضنها وتبجي وتبوس بينه بعدها نمت ما ادري بشي
الي اكدر عليه كتبته ونشاءالله تعجبكم كتابتي لأن اني مو كاتبه فقط قررت اكتب قصتي
في أمان الله.
أنت تقرأ
ليل
General Fiction- لم أعش كل ما عشته وأعاني كل ما عانيته، لكي أموت الآن، واني اشاهد روحي تبتعد عني، وقلبي يرفض الجميع ويهجرني أيضًا. - وأعرف أننّي لولا تعلّقي بهذا الهدوء الغامر للَّيل، لكنت تخيلت عن كلّ شيءٍ غيرَ آسف، لأنّ الحياة برمتها، تزداد كآبة وصعوبة. - لم أعر...
