بنت عمتي

البارت الاول

قصه جديده حصريا  قصص جمانة

قصة حقيقيه
بنت عمتي
البارت الاول
جمانه السعيدي

اني ثائر   الولد الوحيد بعائلتي
العائله الاصليه تتكون من ابوي وعمتي فقط
ابوي ازوج  امي وهو عمرا ٣٢  سنه
ابوي مسؤل  بقسم  الرعايه الاجتماعيه
اتعرف على امي بلصدفه  
امي موضفه بدائرة  الري  

اما شلون التقو امي وابوي   بيوم  بيبي اتأخر راتبه  راتب الرعايه  الاجتماعيه
بسبب اكو غلط  جاي بمعاملتها
امي اخذتها تصحح   المعامله
 
معاملت بيبي صاير بيها غلط وكطعو راتبها
امي اخذت اجازه وراحت وياها حتى تصحح هذا الغلط
لان خوالي  مشغولين  وما يكدرون يعوفون شغلهم

بابا يكول اول ماوكعت عيني عليه  حسيت اني اعرفها من زمان    او يمكن ملتقي بيها بمكان
اكو تجاذب بينا اني وياها

من بابا شاف امي الاول مره   كدرت تجذب نضره
كانت مميزه بلنسبه اله
بيبي تعبانه  وامي حايره بيها
تعاطف وياها
وساعدها  هواي حتى تصحح المعامله ويرجع راتب بيبي
وبحركه ذكيه اخذ رقم التليفون
مو حتى يكمل المعامله حتى يتواصل وياها
لان السناره غمزت على كولت المصريين

امي هنا كان عمرها ٢٧ سنه
منا بدت العلاقه بينهم   امي كلش حلوه  ولبقه  وشخصيه
بحيث اذا تحجي وياا اي احد
راسا تعجبه شخصيتها ويتعلق بيها
مثقفه وتعبانه على نفسها

التواصل كان عن طريق التليفون الارضي   قبل الفون
واول واحد اتصل بابا
واستغل شغلة المعامله حتى يتعرف عليها اكثر
امي كانت ذكيه وفاهمه هاي الحركه
وبابا كان عاجبها مثل ماهي عاجبته
جمانه السعيدي
بعد علاقه دامت اكثر من أربع اشهر
اتفقو على الزواج   
بابا راح اتقدم الماما  وخطبها    
عمتي شيماء كان عمرها بهاي الفتره   ٣٠ سنه   ومامزوجه

عمتي خريجة اعداديه   وشكله كلش عادي
ماجتها فرصة زواج  زينه
وهي هم شويه خجوله مو اجتماعيه كلش
فقيره   من اهل الله     ومطيعه بشكل مو معقول
عمتي كانت اكثر من سعيده  اخوها الوحيد راح يزوج
يعني البيت راح يكون بي حس
بعد ماكانت تخلص النهار وحدها
راح اصير عدها اخت بلبيت
المهم ابوي اخذ ناس من الأقارب  واصدقائه  وراح تقدم الامي    
بعد اتفاق بينهم    تم كلشي على خير
ازوجو سنة التسيعين   
لان امي موضفه وابوي موضف    
حالة عمتي ما تحسنت بعد الزواج  بلعكس 
زادت المسوليه عليها اكثر
امي من اجت للبيت    ضافت   مسؤليتها  على مسؤلية البيت
الصراحه امي كانت تستغل عمتي    وتخلي كل الشغل عليه
كانت حجتها اني موضفه ومالحك
بس الحقيقه امي كانت تعرف عمتي طيبه
وتحب ابوي وماتريده يزعل منها   وتخاف تصير مشاكل وتفترق عن اخوها الوحيد 
   كانت تخلص كل الشغل
طبخ تنضيف   وخبز   كل الشغل عليها
امي تلكه كلشي حاضر كدامها
وصل بيهاوالحال  اجمع الجراجف من غرفتها
وتنطيهن العمتي تغسلهن  
دائما الناس تستغل الإنسان الطيب
بعدها بسنه ونص  اجيت  اني للدنيا    كانت الفرحه بلبيت
ماتنوصف   اول حفيد بلعائله
البيت راح يصير بي حس
اكثر وحده كانت فرحانه  بو لادتي عمتي شيماء
كانت طايره   ما مصدكه نفسها
صار عدها ابن اخو
جمانه السعيدي
امي استغلت الفرصه    استغلت تعلق عمتي بيه
كانت تخلص النهار بلدوام  لو نايمه
واني عمتي حايره بيه
بس وقت الرضاعه   امي ترضعني      
هااا ترضعني بس من ترجع من الدوام      الصبح عمتي تحير بيه   ترضعني ممه  منا لمن تجي امي