فلتنحني لقلبي تذللا [ تتمة ]

‎‏‎‏‎‏‎‏𝑷𝑨𝑹𝑻★230

❥ ／فَلْتَــــنْــــحَـــنِي لِقَــلْـــبِــي تَــــذَلُلاَ／❥.

الـــفــصــل الـثالـث و الاخــير : ^ أنـتِ بـدايـة روحـي ، و أنـتَ الـخـتـام ^.

بقلم ✎𝐖𝐢𝐣𝐨𝐮

<< أبـَليتَـني بِـالعِـشـق ثُـم تَـركتَـني و اَذقْـتَـني حُـلـوَ الـهَـوىٰ فَـقتَلتـني وهَـبْتـني قَـلبـاً يَـفِيـضُ تَـعاطُـفاً ، يَـا خَـائِـنـاً بِـالـحُـبِ كَـيـف كَـسرْتَـني بِـرحيلِـك ، فَـهل مّـن عَـودةٍ ؟ فَـالـرُوح عَـلى مَـشـارِف اِخْـتتَامِـك >>

نـــهـــار جــــديـــد ..

من بعد ديك كسرة القلب لي تعرضت لها هجر النعاس جفونها كانت كتسنى غير الصباح يطلع باش تنوض وتخرج من تما تناسي ما وقع وتلف ، خرجت بنوح ونجم لجردة بالبوسيط من بعد ما عطات للخدامات تعليمات ما يوجدو للفطور ..

كانت كتعرج برجلها وهي دافعة البوسيط تا كتوقف فارضها ملي تدفع الباب الكبير وبان موراه مصطفى لي كان ناطق بصراخ ..

مصطفى:" وا صباح الخير عليكم امالينن الخيمة ."

انفرجت اساريها ملي لمحاتو قدامها مرة اخرى من بعد هاد سنين كلها ، طلقت من البوسيط من بعد ما شيرت لوحدة من خدامات لي كانت كتقاد فجردة انها ترد لهن الباب ومشات لعندو وهي كتعرج ..

ميرفت(بلهفة) :" خويا مصطفى".

مصطفى ضيق عينيه فيها شحال وما جات فين توصل لعندو تا رجع وسعهم ناطق بعدم تصديق :" تي هذي الزعرة بنت عمي ".

ضحكت على اللقب لي رافقها طول فترة حياتها لي عاشتها معاه ،قربت لعندو معناقها مخليها كيضرب على ظهرها وهو كيسول على احوالها وعلى حياتها ..

مصطفى:" تي اش خبارك وكيداير مول الدار ، وغير مشيتي لتريكة القباج ونسيتي خيك ،يودي يودي".

فصلت العناق وهي كتبتسم على كلامه قبل ما تنطق :" والله اخويا وما تسلني حلوف الا ديما كنسول عليك ،وديما فبالي غير الدنيا ما ساعفتنيشش ".

مصطفى حرك لها راسو بموافقة وهو ماد يدو شاد ديالها كيطبطب عليها ناطق بتفهم :" الدنيا اخيتي ما تطلق ما تسيب ولايني غير ملي راك بخير هذاك هو الرباحح ، تي غير قولي ليا الناس تكبر والزعرة غادية وتصغار ..وباقا نتي هي نتي كي درتي لها ".

بتسمت له بحياء مرجعة شعرها مورا وذنها :" كتصبغ فيا ، اشمن صغرر باقيي تنتا ، قول ليا كيف دايرة حليمة والبنيات ".

مصطفى بتسم لها مدور يدو على كتافها زايد معها :" ونجمعو كلشي اخيتي ونقول لباس ، غير شوية وتشوفيهم عقبو لهنا ، تي خرجتي ضربتي شي دورة فالدوار".

ميرفت حركت راسها برفض :" والو جينا معطلين البارح ،باقا مامشيت شفت تا واحد ، قلت تاندير شي وقيتة ونهبط نطل عليهم".