I'm a Chef in the Modern Era [Myanmar Translation]
Table of contents

    BINABASA MO ANG

    I'm a Chef in the Modern Era [Myanmar Translation]

    Fantasy

    Name 我在现代做厨子[美食] Wǒ zài xiàndài zuò cr húzi [měishí] Author(s) 桃子苏 (Táozi sū) Translator(s) Exiled Rebels Scanlations Chapter 125chapters(118chapters+7extras) Status in COO Completed Myanmar Translation start date 6.4.2020

    #chef #comedy #food #modern #shounenai #transmigration

    Chapter - 122

    493 61 4 
                                        
    
                                              
    Unicode 
    ၁၂၂။ အချပ်ပို(၄) 
    Sမြို့မှာ ရက်အတော်ကြာအောင်နေပြီးနောက်ရက်တွေမှာ အဲ့ညသန်းခေါင်ဖုန်းဆက်တာကလွဲပြီး ကျန်းချန်က ရှန်ယန့်ကိုဖုန်းထပ်မဆက်တော့။ အကြာကြီးစဉ်းစားပြီးနောက် ဒီအတိုင်းလေးကပဲကောင်းပါတယ်လို့ ရှန်ယန်ဆုံးဖြတ်လိုက်သည်။ သူတို့ အားလုံးပြောဆိုပြီးကြပြီဖြစ်ကာ သူလည်း အဲ့နှစ်တွေတုန်းကဖြစ်ခဲ့တာတွေကို လွှတ်မချဘဲမနေနိုင်စရာမရှိတော့။ 
    သူ ဒီအတွက် သိပ်မကျေနပ်ပေမယ့် ဒါကို အတိတ်တုန်းကနောင်တတွေလို့ပဲတွေးလိုက်ကာ တည့်တိုးရင်ဆိုင်ဖို့ကြိုးစားလိုက်သည်။ သူ့အတွင်းရေးမှူးကဖုန်းဆက်ကာ သူဖြေရှင်းရမယ့်ကိစ္စရှိတယ်လို့ပြောလာတဲ့အတွက် ရှန်ယန် Hမြို့ကိုပြန်သွားသည်အထိပင်၊ ချန်ဖန်းလည်း သူနဲ့အတူပြန်လိုက်လာသည်။ 
    နောက်ရက်မှာတော့ အချိန်အတော်ကြာပြီးနောက် ပထမဆုံးအကြိမ်အဖြစ် အလုပ်သွားဖို့ မနက်အစောကြီးနိုးလာခဲ့သည်။ ရုံးမှာတော့ နှစ်သစ်ကူးအငွေ့အသက်က အတော်လေးအားနည်းသော်ငြား မိန်းမပျိုလေးတွေကတော့ အိမ်ကနေ ဒေသထွက်ကုန်တွေယူလာကြပြီး ခါတိုင်းလိုပင်တက်ကြွလျက်ရှိနေကြ၏။ 
    ဒါရိုက်တာတစ်ယောက်အနေနဲ့ ရှန်ယန် လက်ဆောင်တွေအများကြီးရလိုက်သည်။ ရုံးမှာဆို သူက ခပ်တန်းတန်းသာရှိကာ ချဉ်းကပ်လို့မရနိုင်ဘဲ သူ့အပြုံးက အတော်လေးယဉ်ကျေးပြီး တကယ်မဟုတ်သော်ငြား သူက ချောမောကာ တစ်ကိုယ်တည်းဖြစ်ပြီး နှိမ့်ချတတ်သေးသည်။ ထို့အတွက် သူနဲ့ရင်းနှီးဖို့ကြိုးစားနေကြတဲ့မိန်းမပျိုလေးတွေအများကြီးရှိသည်။ 
    ကျန်းချန်နဲ့လမ်းခွဲပြီးနောက် ရှန်ယန်တစ်ယောက် ဘယ်သူ့အတွက်မှခံစားချက်မရှိခဲ့သလို ဘယ်သူနဲ့မှလည်းတွဲဖို့မကြိုးစားခဲ့ချေ။ သူတို့အသိုင်းအဝိုင်းမှာ ရှန်ညီအစ်ကိုက ပွေရှုပ်တာတွေမရှိတဲ့အကြောင်းလူသိများသည်။ ဒီအကြောင်းကို သူတို့အသိုင်းအဝိုင်းကလူအတော်များများသိကြပေမယ့် ညီအစ်ကိုနှစ်ယောက်က အပိုင်ဖမ်းဖို့ခက်ခဲလွန်းလှကာ အခုတော့ ဒုတိယသခင်လေးရှန်မှာ သက်ဆိုင်သူရှိနေပြီမို့ ရှန်ယန်တစိယောက်တည်းကျန်တော့ပေမယ့် သူနဲ့လိုက်ဖက်ညီသူ တစ်ယောက်မှမရှိပုံပေါ်သည်။ အများအမြင်မှာ သူက မြင့်မြတ်ကာထိတွေ့လို့မရတဲ့ပန်းတစ်ပွင့်ဖြတ်လာသည်။ ကြည့်ရုံသာကြည့်နိုင်ပြီး ထိကိုင်နိုင်မယ်လို့တွေးနေရင်တော့ အိပ်မက်,မက်နေခြင်းသာ။
    I'm a Chef in the Modern Era [Myanmar Translation]Tahanan ng mga kuwento. Tumuklas ngayon