بنت عمتي
البارت الرابع.
#جمانه السعيدي
ثائر... اول زواج امي كانت تجي وتسئل
كل فتره بعدين كامت تطمن عليه بلتليفون
كل اسبوع تتصل مره تطمن عليه
بس سؤالها عني احسه شي روتيني مجرد تخلص واجب
وكل كلامها طلع جذب
لا حاولت تاخذني اعيش وياها
ولا تجي تشوفني
ولا ادزلي مصرف
مجرد كل فتره ترفع التليفون شلونك هاي هي
حتى ما تسئلني على مستواي بلدراسه
عمتي قررت اتاجر البيت بمكان مافارغ الفلوس تخليهم بحسابي بلمصرف
رغم هي الها النص يعني الها نص الاجار لان البيت بيت ابوها
بس تكول اني عندي خير من الله
راتب سلطان كافي علينا وهاي الفلوس انت أولى بيها
خاف تحتاجهن بلدراسه
او تفتح مشروع
اني كلما استلم راتب ابوي اضمه يم عمتي واصرف منه
شويه شويه
مصرفي على الملابس والاحذيه والكتب
ومرات نطلع سفرات اني وجماعتي
اما الاكل والشرب من بيت عمتي شكد حاولت اساهم وياهم بلمصرف بس مايقبلون
يكولون انت مثل مرام انت ابنا عيب هذا الحجي
عمتي كلش امينه على فلوسي
وامينه على حياتي اكثر
السنه الي بعدها عمو سلطان نقلني للمدرسه الي يداوم بيها
مستواي بلمدرسه حيل اتحسن
لان عمو سلطان متابع وياي كل الدروس
اني كنت احس بلامان والمحبه بيت عمتي وهذا الشي حسن مستواي بلمدرسه حيل
مرام تعلقت بيا واني تعلقت بيها
ماتاكل اي شي اله ناكل اني وياها
مرات تنام بحضني اقصد من جان عمرها ٣ سنوات الفرق بينا اني وياها سبع سنوات
كلش احبها
حنينه عليه واني هم اموت عليها
بدت تكبر كدام عيني كلما تكبر تحلى اكثر
حلوه كلشي بيها حلو عبالك جكليته
علاقتنا بلبدايه أصدقاء اكثر من أصدقاء
كانت تأمني على اسرارها واذا صار وياها شي بلمدرسه
تاخذ رائي واذا يصعب عليه شي بلمدرسه
تسئلني تكول اني افهم عليك اكثر من بابا
حتلو اشترت ملابس تاخذ رائي
اذا كلت ذني الملابس مو حلوات ماتاخذهن
جمانه السعيدي
اما امي كانت توصلني اخبارها من عمتي
تكول مشاكل على طول هي وزوجها
وتراجع وماكو اطفال بس مامرتاحه وياا زوجها
كل يوم تلكفه وياا وحده شكل
تزعل بيت اهلها وبعدين ترجع بس بدون فايده
طبعا عمتي من تسمع خبر عن امي تجي تحجيلي بس اني مايهمني اسمع اخبارها هي اختارت هاي الحياة لازم تتحمل
نتيجة اختيارها
هي من كد المشاكل الي بحياتها
بدت تنسى عدها ولد وماتسئل عني
واذا احد من الأقارب سئلها عني تكول شعلي بيت عمته
وراتب ابو اله
ما ناقصه شي عبالها الاهتمام بس فلوس
ما تعرف الاهتمام عاطفه واني انحرمت من هاي العاطغه
بس عمتي وعمي سلطان ابد ما مقصرين وياي
أنت تقرأ
بنت عمتي
Ficción Generalاني ثائر الولد الوحيد بعائلتي العائله الاصليه تتكون من ابوي وعمتي فقط ابوي ازوج امي وهو عمرا ٣٢ سنه ابوي مسؤل بقسم الرعايه الاجتماعيه اتعرف على امي بلصدفه امي موضفه بدائرة الري
