بنت عمتي

البارت الثامن

بنت عمتي
البارت الثامن
#جمانه السعيدي

ثائر...كمت من مكاني  حسيت الدنيا تفتر بيه
عدلت وكفتي وطلعت
مرام...ما كلتي شنو رائيك
ثائر...بعدين

امشي بس بدون وعي   حسيت البيت خنكني
فتحت باب الشارع وطلعت   الساعه ١٢ بليل
مرام...ووين يمعود    ووين رايح
ثائر...مارديت عليها   

اختنكت احس  النفس ضاع    
مرام تحب واحد غيري
امشي واعيد هاي الجمله   اريد عقلي يستوعب
مرام تحب واحد غيري
مرام تحب واحد غيري
مرام تحب واحد غيري

ليش   ليش   اني بشنو قصرت وياها

كمت احجي وياا نفسي بصوت عالي     اريد اسمع
الكلام والجواب حتى احدد الخطء وين
اريد اعرف الغلط وين
اني بيش غلطت  
احبها من زمان   بس جانت طفله  وتدرس
ماردت اشغلها عن دراستها
وماردت اخون الامانه    عمو سلطان كان يثق بيه
وماامني على مرام   وعلى بيتا
شلون  تكون اكو علاقه بيتي  وبينها
هذا رد الجميل    لا نسان الي احتواني  وسكني بيته
وحافظ عليه    اكثر من اهلي
اني  اشغل بنته  بأمور الحب
واخليها تلتهي عن دراستها
جمانه السعيدي
هل جزاء الإحسان إلا الإحسان

معقول اجازي الرجل الطيب بلخيانه
كنت منتضر تخلص السادس  واطلب ايدها من ابوها
بس الموت كان عندا رائ ثاني
رائي اكبر من خططي وطموحاتي

مات الرجل الطيب   بلوقت الي اني كنت محدد بي
اخطب مرام
مومعقول هي حزينه واني  اطلب ايدها

اكيد راح تكول ثائر يريد الثمن    يريد ثمن تحمل المسؤليه
كنت محتاج وقت
ردتها تعدي ازمتها بعد وفاة ابوها
وردت اشتغل  واكون نفسي  
حتى اكبر بعينها

اثاري الماي يجري من تحت رجليه واني ماادري
مرام تحب وداخله بعلاقه
واني مطمن على الاخر

اخ ااااخ   ااااخ     استغفر الله
هسه منو السبب    اني   لان صنت العشره  واحترمت حزنها
لو هي   الي استعجلت
هي شلون تكول علي خوش ولد
هي يمتى عرفته  حتى اتاكدت هو خوش ولد

اني شنو موقفي افاتحها بحبي  لو اسكت
شلون افتحها   شكول   عوفي حبيبج وتعاي حبيني
اني احبج  من زمان  بس كنت منتضر الفرصه المناسبه

امشي بلشوارع مثل المجنون
امشي واحجي وياا نفسي
مجاي اكدر استوعب   كلام مرام    
مرام الي عافت الناس كلها واجت تاخذ رائي بموضوع حبها الجديد
اني لازم اعرف منو     هاي امانه عندي
مستحيل اقبل اي احد ياخذها مني

بعد مشي ساعتين تعبت كلش  رجعت للبيت لكيتهم نايمين
دخلت غرفتي ونمت
لان  تعبت من المشي والتفكير  

ثاني يوم ماكعدت اله عمتي تكعدني
عمتي...شو نايم  اليوم  ما طلعت للشغل
ثائر...تعبان
عمتي...شبيك تعبان   شنو يوجعك
ثائر...كلبي يوجعني كلبي 
عمتي...يمه اسم الله   شو اكعد      عمتي خافت لان عمو سلطان كال كلبي يوجعني وما لحكنا علي
ثائر...لا تخافين مابيه شي