.
يـاروحي
الأيـده بجـمر مـو مثـل أيـده بمـاي
مـليت مـن الحچـي،
الـذيب غـط الغـنم والـراعي يعـزف نـاي
بفـنجانـي تـقرأ قـرت
ضيـم ومـآسي وتـعب
گـتلها هـذا المُـضى
گـالتلي هـذا الجـاي
وصـحراء تـگضي البـقى
بـس الـرمل والشـمس
ماتـلگه بيـها فـياي
گـتلها هـذا الـبشر
بـصرخـة بـتديت العـمر
وصـرخـات مـِن يـنتهي
ومـحد يـروح ويـاي
ويـن الخـلـل بـزمن ؟
مـدري الخلـل بـالبشر
مـحد يـفسر هـاي!
الكَـبر خـياله الضـوه
مـاشوفه نـفس الحـجم
غيـري الـيشوفه هـواي
بـس يلـردت تبـتعد
لا عنـدي حيـل الصبـه
وطيـحتك مـو بهـداي
بـدوي
أعلـى بـيت الشعر للبيع ما ينكتب
طبق الأصل حبي الك
مابدله بدنياي
وأخر كلامي الك
ويه الحار حار أنگلب
ويه البارد أبرد بعد
طبعي القديم أنتهى
قررت أصيرن ماي
الشـاعِـر : سمير صبيح 🖋️
الله يرحمه
