بنت عمتي

البارت التاسع

بنت عمتي
البارت التاسع
#جمانه السعيدي
@الجميع

ثائر....اسمع كلام مرام   ينزل على كلبي مثل السجاجين
بعد كل ذاك التعب  مرام تطردني من بيتهم
ليش  لان تحب واحد غيري
اني كمت مااعجبها

فتحت الباب وطلعت
امشي بسرعه  احس جسمي اشتعل نار  من كد القهر
اريد ابتعد  شكد مااكدر
مااريد اسمع صوت مرام وهي تهيني  وتغلط عليه
اريد ابتعد    قبل لا اسمع اشياء تخليني اكرها
مااريد اكرها   
مرام تختلف   ومكانها بكلبي مختلف

بقيت امشي امشي وماعرف وين اروح بهليل
رن تليفوني
عمتي تتصل    قفلت التليفون    مااريد اي مبررات
ماريدها تجذب عليه
اني سمعت كل كلام مرام عليه  
خسرت كلشي   خسرت كل تعبي وتضحياتي
  ليش   لان احترمت العشره   لان صنت الملح والزاد
كان لازم اكون حقير  واستغل كل الفرص

حتى لا اضيع مني مرام
شكد ندمان    لان سكتت     
الضاهر الحب مو احترام     الحب استغلال فرص

تعبت من المشي  كعدت على الرصيف
ووين اروح     هو اني ضايع من جنت زغير
هسه اريد وطن
الوطن محتاج عائله   واني ماعندي عائله

قررت ارجع المكان شغلي اخلص هاي اليله شلون مجان
جمانه السعيدي
دخلت   كعدت راسي يوجعني   يمكن ضغطي صعد
اكيد ضغطي يصعد    اذا المصايب نازله ترف على راسي

تمددت   بس ماكدرت انام   شكد قريت قراءن   
وجه الصبح يله غفيت

وعيت على صوت  حجي وناس تمشي بلشارع
فتحت عيوني الساعه تسعه الصبح
كمت غسلت وجهي   
خليت الغلايه على الكهرباء اريد اشرب جاي
راسي عبالك طبل يدك بي
مسطور   حيل     اخذت حبايه بندول  
شربت جاي    بقيت قافل  الباب وكاعد جوا
كل عمري اعرف طريقي زين
بس اليوم احس  نفسي تايه   ومااندل الطريق

طلعت التليفون  شفت تاريخ اليوم    
اتصلت على المؤجر الي بيتي   
ثائر...السلام عليكم
.. عليكم السلام
ثائر... اريد احجي حجايه  بس مو تزعل  مني
...لا كول
ثائر.. بعد شهرين ويخلص  عقد الاجار    اذا ماتصير زحمه
تكدر تفرغ البيت
....شلون افرغ البيت   بعدلي شهرين    ووين الكه بيت
ثائر...انت ابدي دور بيت   واني ارجعلك اجار ٣ اشهر
مو شهرين
...مااكدر  
ثائر....بس عندي ضرف
...انت دور بيت واجر   اني وين الكه بيت  بعدين الأسعار صعدت  واني من زمان بهذا البيت تعودت على المنطقه

ثائر... زين خلي بالك اني مراح اجدد العقد   اريد البيت
من هاي اللحظه شوفلك مكان
...ليش هيج  
ثائر....اريد البيت عندي ضرف صعب

قفلت التليفون وهو بقى يدردم  ماعاجبه الوضع
جمانه السعيدي
ثائر....اريد ابدي من جديد   هلمره ابدي وحدي  مااريد اي احد يمن عليه  
فتحت المحل  وسميت بسم الله