في رمشه عيناك دواء (2)

الجزء الثامن عشر

تخيلوا معي انه يروى عن قصه في رمشه عيناك دواء 2
الجزء الثامن عشر :-
سحبت يدها من رأسه بسرعه وقالت : لا صدق فيك شيء الله لايبلانا
صرخ أسير بصوت مبحوح وقال : اي فيني فيني جمر بقلبي .. انتي الظاهر مالك رقيب ولا حسيب بحياتك
رنيم بصدمه : خير وش مسويه أنا
أسير : لا ابد بس طالعه بشعرك وبفستانك الضيق ذا قدام برق تخيلي ؟ بس ذا الي مسويته
رنيم ناظرت على نفسها واردفت بصوت شبه عالي تدافع على نفسها : طيب أنا اساساً مو محجبه وماانتبهت للبسي اساساً كنت مخروشه من صوته يخويف كيف عايشين معه
قبض على يده ووقف بغضب قرب من الجدار وضربه بكل قوه .. لف على رنيم وقال : رنيم اقصري الشر
رنيم : مو على كيفك تتحكم فيا
قرب منها وصرخ : إلا دامك على ذمتي اي غلط تسوينه أنا المسؤول عنه ..
رنيم جلست رنيم على الأرض وصارت تبكي بصمت .. ناظر فيها بطرف عين لكن فز من شافها تبكي .. قرب منها وهو يقول بلهفه وفزع : رنيم رنيم أنا آسف أنا اسف ليت لساني انقـ/ـطع قبل لااصرخ عليك
ابتسم من سمع ردها بين بكاءها وهي تقول : بسم الله عليك لاتدعي على نفسك
مسح دموعها وقال وهو يمد يده لها : قومي معي حرم الأسير ماتنزل منها دمعه وحده

~ عند برق ~
دخل برق غرفته ولقى روضا ماسكة ظهرها من قوه الألم .. فز وركض لها : بسم الله لأيكون تولدين
روضا صرخت فجأه وهي تمسك بطنها : ولدك مابطل ترفيس من امس الله يعين شكله مابيرحمني
ضحك برق وهو يقول : اهم شي انك ماتولدين الحين .. وراك لسه انتي بالسابع
روضا : ساعدني انزل تحت وحشوني
برق بجديه : الدكتور شقال ؟
روضا : طفشت طول الوقت بالغرفه مااسوي شي
ضحك برق : وان طلبنا منك شي تقولين تعبت ماابغا اسوي شي صدق انه مايعجبكم العجب
روضا : برق مو ناقصتك تكفي نزلني وحشوني أحسهم حتى نسوا ملامحي
برق : مو لذي الدرجه عاد
روضا : الشغل شصار عليه ؟
برق ضحك : أبشرك صرت مدير أعمال وشرطي ذا كله عشان بصير أب
روضا : ابشر القادم أجمل بنطلع عيونك حق الألم الي جالسه احس فيه الان .. ثم مسكت بطنها وقالت : صح يروح مامي ؟
برق قلّدها : صح يايروح مامي ؟
ضحكت روضا وقالت : اطلع برا أنا مو ناقصه ألم
برق : ماني طالع بنام تعبااان
روضا : طيب شرايك تنزلني
برق بحده : رجعنا ل الطير يلي
روضا تأفأفت بطفش : افف خلاص خلاص ماابغا شي

~ عند رعد ~
خرج من غرفته وكان يقفلها بالمفتاح وفجأه بدون اي مقدمات وقفت وراه أريانا وقالت : رعد
لف لها بصدمه وهي رجعت ورا بإحراج وقالت : ممكن نتكلم ؟ أو أقول لك أنا مو قادره أتكلم خذ هذي الورقه وأفتحها متى مافضيت بس وقتها إذا كنت موافق على المكتوب تعال وقول لي وإذا رافض احم أنسى كل الي قراته وانا اسفه مقدما وبالمعنى لاتواجهني بالرفض وانا بفهم .. أخذت نفس بقوه بعد كلامها وكأنها كانت تتكلم بصعوبه وقالت : اخخ الحمدلله خلصت من الهم الي صار له فتره شاغل دماغي
كانت ماده له الورقه وهو كان مصدوم ثم اخد منها الورقه وكان بيشوف وش مكتوب فيها ، لكن صرخت آريانا وقالت : لا لاا
عقد حواجبه وقال : أنا فاضي الان بقرأها
أريانا : لوحدك لاحد يدري ، لحظه .. جريت أريانا لغرفتها ودخلت وقبل تقفل الباب قالت : يمديك تقرأها الان ، سكرت الباب بإحراج وجلست تعض أظافرها لحد ماكسرتهم ولمن انتبهت انه أظافرها تكسروا جلست تبكي
عند رعد .. دخل غرفته بسرعه وجلس على سريره فتح الورقه بسرعه ولهفه .. رمش عينه أكثر من مره يوم لقى مكتوب ( احبك ) .. ضحك بصدمه وقال : والله بديت تتوهم
يارعد حالتك صارت مثيره للشفقه .. ورجع ناظر بالورقه واتأكد انه مكتوب فعلا كلمه احبك
رعد ضحك بقوه : طلعت اشجع منك يالغـ/ـبي
كانت واقفه عند الباب من سمعت ضحكته وتوقعتها استخفاف بالكلام الي كاتبته وقالت تحت انفاسها : غبيـ/ـه غبيـ/ـه وش بيقول الحين شلون بقابل وجهه .. فجأه صرخت من فتح الباب وسحبها للداخل وقال لها ..‼️

~ عند روفان وضيم ~
ضيم كان نايم وفجأه صرخت روفان : الحقني الحقني ضيم الطلـ/ـق جاني بمو/ت
فز ضيم ومسح على وجهه وقال : رجعنا للطير يلي
روفان مسكت ضيم من تيشيرته وقالت بصراخ : وديني المستشفى بمو/ت الله يأخذ عدوينك

~ عند برق وروضا ~
كان برق نايم وفجأه صرخت روضا : الحقني الحقني برق الطلـ/ـق جاني بمو/ت
فز برق ومسح على وجهه وقال : توي قبل لا انام كنتي تتألمين الصبح يصير خير
روضا بتهديد : إذا ماقمت وديتي المستشفى بولد عليكم هنا اخلص بمو/ت
برق فز : والله شكلك صادقه

~ بعد كم ساعه بالمستشفى ~
كان برق يضحك وأسد ماسك الضحكه بالقوه ووريف عيونها تدمع من خوفها يوم شافت روضا وامها يصارخون من الأ/لم
برق بضحك وصدمه : أمي وزوجتي ولدوا مع بعض يضحك الوضع الصراحه
أسد : برق أختك شبلاها تبكي
قرب اريان من وريف وقال لها : روحي أنا ليه تبكي
دفنت رأسها في صدره وهي تبكي : خايفه خايفه لان بيجي يوم واكون مثل وضعهم
مسح على ظهرها وقال بمزح : حلو يعني في نيه انك تصيرين ام وريف ببكاء : بعد الي شفته لا والف لا
اريان بهدوء : ليه كذا ذي نعمه من ربي محد يقول كذا استغفري يقلبي
استغفرت وريف ببكاء ..

قراءه ممتعه للجميع .. الأحداث الجايه واضح بتكون 🔥🔥 واهم شي النجمه وتعليقاتكم الحلوه مثلكم .. وانشروا روايتي لكل الي تحبونهم 💗