ريماس : طلعت اركض من البيت وصلت للشارع انتضر سياره تاخذني للمكان ماكو إيست وبقيت امشي وامشي لحد ما وصلت لمنطقه بيها بيوت قليله سمعت صوت ورايه التفتت ماكو احد ..
حسام : هنااا تعالي .
ريماس : رفعت راسي جان واكف بالبلكونه باحد البيوت بعدها دخل سميت باسم الله ودخلت للبيت جانت الاضويه كلها مفتوحه نزل من الدرج وصار مقابيلي .. شلون كدرت تطلع ؟
حسام : مو موضوعنا هذا تردين كلشي ينتهي وتستلمين النشره ؟
ريماس : طلع بيده جكاره ورثها وصفن بوجهي .. شنوو المقابل اكيد مراح تسوي شي زين انت .
حسام : اممم .
ريماس : اشر بجكارته عليه اني حسيت نار اشتعلت بي .. حسام حرام عليك اني بنت خالك تسوي هيج وتفضحني .
حسام : مردت تنفضحين بس بسبب راهب صار هيج اني جنت متفق وياهم حتى اسلمهم الفلوس وقبل ما اسلمها هو تصرف ومكدرت انطيهم عبالهم خدعتهم ونشروا.
ريماس : حرگ گلبي زين وهو يحجي برود .. حسام انهي كلشي ترا تعبت والله
شفته هز راسه وماعرف شكتب بالمبايل وشمره وكف على حيله وكال .
حسام : انتهى خلص .
ريماس : وروح ابوك ؟
حسام : يييي وراح يخلص كلشي .
ريماس : صار يتقدم بأتجاهي رجعت ليورا وخليت ايدي كدامه .. حسام ارجع اكعد لمكانك .. رجع على إثر اتصال .
حسام : سمعي ..
ـــ انتهى الفيديو نمسح من كل الاجهزه ونشرنه بوست على انو هو تركيب .
ريماس : حسيت براحه شويه بس بعدني خايفه منه ومن راهب شراح يسوي بي اليوم .
حسام : هاي هي انتهى شغلك .. وهسه بدأ شغلي اني .
ريماس : ركضت اطلع من البيت بس هو كدر يلزمني حسيت على وصله صارت على حلگي وخشمي بقيت ارافس بيده ..
حسام : تنفسييييي .
ريماس : بقيت خانگه نفسي الا أن استسلمت وحسيت عيوني تنسد وحدها واطرافي خدرت وفقدت الوعي..
(ريام )
وصلنا للمكان اني وهيام ودائب بعدنا بدايه الفرع وجان دائب يوكف .. ها وصلنا ننزل .
دائب : الباب مفتوح لحضه اتصل براهب .
هيام : يمعودين خلي ننزل بعدين اتصل امشوا .
ريام : ركن السياره مقابيل البيت دخلنا جان ماكو اي صوت فجأه سمعنا صوت مبايل .
دائب : هذا مبايله هنااا يمعوده شوفي ريماس خاف بالحمام .
