اخترتك من الناس للقلب خلّه 🌷

البارت ١٢

الحمدلله

نوف : شف فهد يعني ما عندي مشاعر محدده عرفت بس متقبله وضعك وما تدري يمكن بعدين احبك
فهد : تكفين نوف والله احبك لا تكسريني
نوف : والله ادري شوف بعد فتره انا بقول لك مشاعري اتجاهك
فهد : تمام
نوف : شرايك بالقهوه ؟
فهد : تجننين دامها من يدك صح اني مو من محبين القهوه بس حبيتها من بعدك
استحت نوف وقالت : مشكور
فهد : اي وش تبيني احط
نوف : مدري احس براحتك
فهد : احسك نعسانه تبين تنامين ؟
نوف : صراحه اي بخلص قهوه وبقوم انام
فهد : تمام اجل نخلص ونقوم ننام
خلصوا قهوه وجلسوا يسولفون وبعدها نطقت نوف : يالله فهد تبي شي الساعه ٣ ابي انام
فهد : لا سلامتك واقري أذكارك قبل لا تنامين واي صح استني الاذان صلي ونامي
نوف : ابشر
وقامت نوف ل غرفتها وعند فهد الي كان يهوجس وخايف من رد نوف وعند نوف الي كانت جالسه تفكر ب فراشها وهي ما تنكر ان فيه شوي مشاعر له تكونت من طيبته لها وحنيته لها وبعدها صلوا الفجر وقروا أذكارهم وناموا
وانتهى يوم ابطالنا

ثاني يوم الصبح :
ام فهد : قوموووا ي بنات نبي نفطر ونروح نتمشى
ريم : يمه بس شوي
ام فهد : اقول لك قومي بسرعه يالله يبنات قوموا
قاموا البنات وراحو يتجهزون و يلبسون وبعد ما خلصوا راحو يساعدون امهاتهم ب الفطور
ام عبدالعزيز : بنات كالعاده عارفين نقسم الشغل تمام ؟
الكل : تمام
وبدت ام عبدالعزيز تقسم الاشغال على البنات : العنود سوي البيض و شكشوكه نوف الشاي حقك حلو سوي شاي نعناع وعند الجوهره طلعي الصحون و رند حطي الاجبان والاشياء الي بالثلاجه وريم سوي فول وعدس ساره صخني الخبز وحطيه
وبدت كل وحده تسوي الشغل الي عليها وبعد ما خلص خذوه ل المجلس وجلسوا ياكلون
ابو فهد : الشكشوكه لذيذذذذذه من سواه ؟
ام عبدالعزيز : بنتك العنود
ابو فهد : والله طلعت بنتي تعرف تطبخ
العنود : افا يبه نسيت من كان يسوي لك اكل قبل
ابو فهد : لا والله يبنتي ما نسيت
الجد : الشاي مضبوط من سواه
فهد : اي والله الذ شاي ذقته
نوف : انا سويته جدي
ابو محمد : ماشاء الله وطلعتي تعرفين تسوين شاي ليه ما قلتي لنا
نوف : مدري
لطيفه : ماشاء الله اليوم الفطور على مستوى افطروا افطروا ورانا اشغال نسويها
ابو عبدالعزيز : وش من اشغاله
لطيفه : بنطلع نستانس احنا والبنات نتمشى

الجد : طيب يالله اطلعوا وبعد ما تخلصون عشان نرجع البيت
فجر : لا يجدي احس بدري مره
الجد : لا والله يبنتي من زمان ما رحنا
فجر : خلاص تمام
وكملوا اكل وهم يسولفون وبعد ما خلصوا نطقت العمه لطيفه : يعيال من يودينا ولا تروحون كلكم
عبدالعزيز : صراحه انا طفشان ودي اطلع
محمد : حتى انا
سيف : اجل نطلع كلنا
لطيفه : خلاص تمام من يودينا احنا الحريم ؟
فهد : عمه انا بوديكم
ام عبدالعزيز : عمي انتو بتقعدون هنا ؟
الجد : اي بنقعد هنا نحتريكم لين ما تجون انا والعيال
ام عبدالعزيز : تمام تبون شي نجيب لكم معنا ؟
الجد : لا تسلمين
لطيفه : اجل يالله يالبنات تجهزوا اركبوا ب سياره فهد
نوف : تمام انا جاهزه بروح البس عبايتي
وراحو البنات يتجهزون وعند نوف الي كثرت ميكب شوي ولبست عبايتها الورديه وطلعت ركبت السياره
فهد : ماشاء الله ذي عبايه ولا فستان ؟
نوف بضحكه : لا لا ذي عبايه
فهد : اهاا اي وش ردك
نوف : واي فهد قلت متى ما عرفت مشاعري صح قلت لك عشان محد يلعب على الثاني
فهد : اهخ ي نوف والله اني استنى ذا اليوم على احر من الجمر
نوف : بيجي قريب ان شاء الله
فهد : يارب الرد الي ابيه
نوف : ابتسمت
وبعدها ركبوا البنات والعمه لطيفه قدام وعند العيال الي كانو ب سياره عبدالعزيز
فهد : شرايكم بحط لكم اغنيه على ذوقي
العنود : يالله ورنا ذوقك
وحط فهد اغنيه عبادي " للمحبه حدود وحبي لك سماء "

والله احبك واتمناك وابيييك
وتدري انك نقطه الضعف فيني
ابيع لأجلك باقي الناس واشريك
وتصير وحدك بين رمشي وعيني
....................
من وين ما لدّن عيوني ألاقيك
حتى وانا في عز نومي تجيني
مالك شبيه في عيوني يوازيك
وانت الوحيد الي سكن في حنيني

وجلس فهد يغني وهو بكل كلمه يقصد نوف والبنات يغنون معه الا نوف كانت داريه انه يقصدها ف كانت بس تصور وعند فهد الي كان يطالع لها من مرايه السياره

لطيفه : اوف اوف ي فهد عليك صوت
العنود : صدددقق ما عرفتك طلع عندك ذوق وصوتك حلو
ساره ك حط لنا بعد ذوقك حلو
فهد : تبون محمد عبده ؟
ريم : ايي احبه والله صدق طلع عندك ذوق عبالي العيال بس يحبون شيلات
ضحك فهد ونطق : اجل تحسبون الاغاني بس لكم يالله بحط اغنيه ل محمد
وحط فهد اغنيه توصيني على الكتمان وجلس يغني بصوت عالي و مندمج مع الكلمات

تقولي ودنا صافي وتحسب حبنا خافي
ترا راعي الهوا مفضووووح
صحيح النظره ما تكفي
من الآلام ما تشفي
صحيح النظره ما تكفي
من الآلام ما تكفي
ولاكن عذرنا الحاضر
نراعي الوقت والخاطر

فهد : اف تعبت من عندها مويه
الجوهره : محد يلومك من كثر ما تصارخ
فجر : انا ما احتاج مول احتاج دكتور يفحص لي اذني
فهد : اقول اسكتي اسكتي
لطيفه : شتبون منه خلوه يخلص وبعدها بيصير استجواب
فهد : ها ايش ما سمعت
لطيفه : استجواب اس تج واب
فهد : ااا طيب طيب
لطيفه : ههههههههههههه نكشفك على حقيقتك
فهد : اي حقيقه ما عندي حقيقه
لطيفه : طيب طيب
فهد : يالله انزلوا وصلنا
وتقابلوا العيال والبنات والعمه عند البوابه وطبعا بحكم ان البنات كانوا ساكنين في المدينه ف ما كانو يتغطون
وعند فهد الي شاف نوف حاطه الطرحه على كتفها وبكامل زينتها طالعه اشر لها انها تتحجب وهي سوت نفسها ما تشوف وقالت : اف الله يعين من الحين بدا يغار اجل كيف بعدين
فهد : يعني السالفه كذا انا اوريك
راح فهد عند نوف وقال : انا وش قلت لك وش اشرت
نوف ب استغباء : ها وش قلت ما انتبهت
فهد : اها اجل كذا لا بس قلت لك تحجبي
نوف : طيب ابوي ما خلاني اتحجب من انت ؟
فهد : من انا ؟
نوف : اي
فهد : انا اقول احسن لك تتحجبين
نوف : اف طيب وحطت نوف الطرحه على شعرها بدون لا تلفها
فهد : وجع ذي ما تفهم
سيف : وين ودكم تتقهون قبل لا نتمشى
محمد : عاد يقولون هنا فيه العاب حلوه
خالد : اي خل نتقهوى ونروح نلعب
نوف : خل نروح ستاربكس
ريم : اي اي
فهد : خلاص تم يالله مشينا ل ستاربكس
وراحو كلهم ستاربكس وبدوا يقولون طلباتهم وجلسو على طاوله فاضيه يسولفون ويخططون وش يسوون اليوم
عمر : خلاص شرايكم نسوي زي ما قال محمد نروح نلعب ب الالعاب وبعدين اي وحده تبي تشتري اشياء نخلص ونروح كلنا
لطيفه : اي لان فيه اشياء ناقصتني
نوف : اي والله ذكرتوني بقول ل بابا يحول لي فيه سواره ب كارتير مره خاطري فيها
فهد :كارتير مره وحده
لطيفه :غالي والطلب رخيص عليها تستاهل بنت اخوي
فهد :اي ما قلنا شي
نوف :اسكتوا بدق عليه
ودقت نوف على ابوها وحول لها المبلغ وراحو وبعدها وصلت لهم القهوه وجلسو يتقهوون و يسولفون