بنت عمتي

البارت الحادي عشر

بنت عمتي
البارت الحادي عشر 
جمانه السعيدي

ثائر...ثاني يوم انتضرت مرام تطلع للدوام ورحت بيت عمتي اربد اجيب ملابسي وغراضي من بيتها

بس شافتني عمتي  حضنتني وكامت تبجي
عمتي....هله بوليدي  
ثائر...ليش تبجين  اني مابيه شي   تمام كدامج
عمتي...همزين اجيت  اني نضفت غرفتك وغيرت الجرجف
هسه اخضرلك ريوك  بسرعه

ثائر...اريد ملابسي وغراضي  اني بعد ماارجع هنا
بلغت المؤجر يطلع من البيت
عمتي..... وتعوفنا
ثائر....اني بعد صرت جبير واكدر اعتمد على نفسي
اريد استقل واعيش وحدي 
وبيتي وكلبي مفتوحات اللج
عمتي....شلون تعوفني   اهييي اهييي

ثائر....مسحت دموعها       منو كالج اني راح اعوفج
كل يوم اجي اشوفج  واطمن عليج
وكل مصرف البيت عليه   كلشي لا تشتربن
واي شي تحتاجينه بس اتصلي عليه    راح تلكيني كبالج

بس اريد اوصيج ديري بالج على مرام
هذا  عمار واحد استغلالي   وجاي يضحك عليه
هي ما تقبل تسمع كلامي بلكت تسمع كلامج

بلنسبه اليه   اني سويت العليه وزياده   بعد مااكدر ادخل اكثر  لان مرام جاي تقلل من احترامي
جمانه السعيدي
بستها براسها وطلعت   بقت عينها عليه وتبجي
الصراحه اني كوه لازم دمعتي
مايهون عليه اعوف عمتي   لان اني احبها  ومتعلق بيها
وصعب اعوفها وهي بهذا العمر
اكيد محتاجتني قريب عليه   بس الضروف حكمت بعد
واني مابيدي شي
امشي وامسح بدموعي   
مايهون عليه فراك عمتي

بقيت بلفندق  اربع اشهر  المؤجر مايقبل يطلع  وكل يوم اني وياا عركه    اني مااقبل اجدد العقد ويااا وهو مايقبل يطلع
الحد مااشتكيت علي  يله طلع
اربع اشهر واني ساكن بلفندق
بس طول هاي الفتره ما نسيت عمتي
كل يوم ادزلها مسواك   وكل اسبوع اروح اشوفها  عشر
دقايق    اطلع من ببتها
اتأكد مرام ماموجوده   يله اروح
وماعندي اي معلومات عن مرام  
جمانه السعيدي
استلمت البيت  لكيته صاير يلعب النفس
الحيطان كلها وصخ   البيبان كلها  ما تنقفل   

جبت واحد صباغ صبغ البيت كله    وجبت قفاله جدد للبيبات
وصبغة الأبواب   من جديد
غيرت كم  نقطة كهرباء عطلانه
اشتريت ستائر جديده      وتخم جديد

جبت واحد صمملي كاونتر   واشتريت طباخ وثلاجه ومجمده بلقسط

اشتريت غرفه نوم تركيه   بلقسط  بس كلش حلوه
البيت صار يخبل    والكعده بي ترد الروح
من استلمته شبه خرابه

بعد ما خلصت كلشي رحت الامي    اريد ابر   بيها     بعد كبرت كافي    ايجوز اذا شافتني  وأكف وياها   تتغير وتستقر

دكيت الباب صاحت منو
ثائر....اني
فتحت الباب  شافتني     سكتت
ثائر.. دخلت للبيت شلونج يمه
امي...شذكرك بيه اليوم  
ثائر....اني رجعت البيت ابوي    تعاي وياي
امي....شعجب   اذكرت عندك ام
ثائر....اريد ننجمع اني وياج من جديد    اني مالي غيرج وانتي مالج غيري
امي...واذا ما اجيت وياك
ثائر....اني هلمره اريدج تجين   كافي غربه    انتي عايشه غرببه  واني عايش غربب
تعاي اني اريد  اعيش وياج   العمر يركض ركض
واني ما شبعت من حضنج
امي...انت متغير
ثائر...هلكد ما لطمتني الدنيا  وعشت غريب وبدون عائله
يمه اني محتاجج    محتاج احس اني عندي عائله