بنت عمتي

البارت الثاني عشر

بنت عمتي
البارت الثاني عشر
#جمانه السعيدي

ثائر....٣ ايام واني ما طالع للشغل  
ضغطي يصعد وعيني توجعني    وكل الوقت نايم على المسكنات
احس نفسي مثل الميت 
ماعندي هدف اكوم واشتغل علموده 
تعبان وضايج ومحبط

قررت ارجع الشغلي   بلكت التهي شويه  ونفسيتي  تتحسن

رجعت الشغلي  وبديت احاول اتناسى  الي صار
بيوم الخميس  مرام نشرت حفلة المهر مالتها  هي وعمار
صورها بلبدله   صورهم وهم يركصون سوا
وهو يلبسها الذهب

هاي هي بعد صار امر حقيقي زواج  مرام
اختارت شريك حياتها وصممت علي
اكيد تحبه  لان   مجاي تشوف عيوبه   رغم احنا حذرناها
منه   بس بقت متمسكه بي

اكيد اني وياها ما مقسومين البعض  
لان كل الوقت اني كبالها وهي ما تشوفني

عشت اسوء ايام حياتي    مااكدر اضحك  ولا اتفاعل وياا الناس    حتى بشغلي  مالي واهس
دمرتني مرام      دمرت   حياتي
اليوم كوه يعدي عليه      لحظات بطيئه

الف مره ردت احضر صفحتها   بس مااكدر
بعدني احس بلمسؤليه اتجاها    اريد اطمن  عليها
مجاي اكدر اتخطاها    خايف عليها  
مجاي اكدر اثق بعمار ابد 

امي لان تشوفني ضايج ومريض   كل شويه تفتح وياي موضوع الزواج
امي...ليش ما تزوج   انت جبير   وعندك شغل وخريج
وهذا البيت شكبره فارغ
بس  تزوج تتحسن حالتك الصحيه
ثائر....مو   وكت هذا الحجي
امي...يمته وكته   انت مو زغير
ثائر...اني من اكون مستعد للزواج    اني اكلج اخطبيلي
امي...شنو مستعد    ترا هو البشر يحدد  يمتى يكون مستعد
اريد افرح بيك     اشوف اطفالك
ثائر...اذا تحبيني سدي هذا الموضوع   اني حاليا ما مفكر بلزواج ابد
جمانه السعيدي
بعد المهر بعشرين يوم     ازوجو   مرام وعمار
بيومها عمتي اتصلت بيا منهاره وتبجي    
تبجي على مرام     تكول اني ما مرتاحه الهاي الزواجه

مرام تغيرت   حتى معاملتها وياي موزينه

ثائر....تعاي اكعدي وياي    اخليج فوك راسي
عمتي...اني وامك ماتنوالم       ومااكدر اعوف مرام وحدها
ثائر...تردين اجي اخذج للزياره  تغيرين جو
عمتي...  خل يخلص العرس
ثائر...اجي هسه اخذج من البيت  إذا ضايجه
عمتي...اخذت علاج ضغط   بلكت اصير احسن
سديت التليفون
اتحسرت   استغفر الله واتوب اليه
هسه احير بنفسي لو بعمتي   ولله شده هاي

بيومها نشرت مرام صور عرسها   شلون فرحانه 
وما مصدكه نفسها   
نشرت صور الزفه     زفوهم للفندق      
بليل  رحت جبت عمتي  مااكدر اعوفها تبات بلبيت وحدها
بس شافتني دخلت عليها
كامت تبجي بصوت عالي   وكانما فاكده عزيز عليها
ثائر...لا تبجين حبيبتي  كومي  تعاي وياي
ابد مااعوفج اليله وحدج هنا
اخذتها  ورحت البيتنا    كعدن هي وامي يسولفن
من الصبح اخذتهن ثنبينهن   للزياره
اني هم محتاج اغير جو    احس نفسي مختنك   كلش
بقينا يومين ورجعنا
عمتي كالت رجعني البيتي كبل
اخذتها نزلتها بالباب وأخذت امي ورجعت البيتي