السلام عليكم حبايب قلب شاذلوكا ومع #النصيحه
المره دي النصيحة مش للكاتب ولا للقارئ بل بالاخص للمنظرين
مين دول الاول؟
دول تنطبق عليهم مقولة ميعجبهوش العجب ولا الصيام في رجب.
لو كتبت حاجه تحفه ومتكامله هيخترع اخطاء مش موجوده ويقولك اصل كتاب النحو الفلاني قال مينفعش تحط مع الفعل المضارع مش عارف نعت وكلام حتى اكبر النقاد ودور النشر مش بتهتم بيه ولا يعتبر عائق للعمل وجماله ولو كلمته وقولتله انت بضرني هيقولك انت مش واثق في نفسك
العالم دي يا اما عندها عقدة نقص ومش عاوزه حد يبقى احسن منها، يا اما لقت البوست والعمل معروف فحبت تاخد اللقطه وتتشهر بانها ابو الاسود الدؤلي مؤسس علم النحو اللي مفيش منها اتنين، يا اما ده حد غيور عاوز يبين ان العمل تافه.
طيب ليه بجد يعني تخيل كم الذنوب اللي واخدها بكسر خواطر الناس _ كلامي على الكُتاب الحقيقين مش البير سلم _ اللي بيحققوا حلمهم براحه وفرحنين وهو بيكبر واحده واحده قدام عينيهم.
انت متخيل ان في ناس بسبب تنظيرك ممكن تبطل عشان حاجه مفيش غيرك شايفها.
انت متخيل كم الحقد والكره اللي بقى اتجاهك عشان بس تاخد اللقطه.
وليه اغلبكم بجد فظ في طريقة كلامه يعني ربنا قال ولو كنت فظًا غليظ القلب لانفضوا من حولك.
طيب لو اتعرضت لموقف زي ده تعمل ايه؟
١- دافع عن نفسك عشان لو سكت يبقى هو كده نجح في اثبات انك ضعيف.
٢- اعمل بلوك بجد لان النوعيه دي مينفغش تاخد قيمه وسعر.
٣- تمالك اعصابك وانت بترد ورد باحترام عشان ميمسكش عليك غلط.
وبجد ربنا يهديهم ويبعدهم عننا.
وبس كده كانت معكم شاذلوكا
أنت تقرأ
واتباديات
Non-Fictionواتباديات حيث كل ما هو غريب وعجيب في مجتمع الواتباد البرتقالي. فقط اقرأ وقرر.
