« قصر ابو وافي »
دخل ابو وافي للقصر و سمع صوتها بالمجلس العائلي و توجه لها و شافها على جوالها ، تنحنح على شان تنتبه له و التفتت للصوت وشافت ابوها و فزت و توجهت له و ضمته و نطق : بابا اخيرا جيت
ابو وافي : كيفك يابوي انتي
انسام : بخير دامك حولي و حوالي
حررته من حضنها و توجهوا يجلسون على المجلس
ابو وافي ما قدر يتكلم بالموضوع مباشره حب يمهد
ونطق : ما سألتيني عن وافي
ابتسمت و نطقت : بابا وافي جاني بالحلم
ابو وافي بصدمه : حلمتي بوافي صدق ؟
انسام : ايه بابا حلمت فيه انه يبي يسافر وقال لي انسام ياروح اخوك الاختبارات مي بعيده شدي حيلك و جيبي الاول على دفعتك انا كم يوم وراجع
وسكتت شوي و كملت : اخباره الحين
ابو وافي حضنها و حب راسها و مسح على شعرها
ونطق : انسام بقول لك وش صار له بس لا تبكين
انسام بخوف : بابا لا توترني تكلم
ابو وافي : انسام اخوك وافي دخل بغيبوبه بسبب الاصابه ولا يدرون متى يصحى منها لكنه بخير
انسام : بابا خوفتني اخرتها كذا دامه بخير الحمد لله غيبوبه مو اول واحد ولا احد واحد يدخل غيبوبه ياكثرهم دخلوا بغيبوبه و الحمد لله الحين مابهم الا العافيه اهم شي اننا ندعي انه يقوم بالسلامة
ابو وافي : الله يحفظك يا بنتي كبرتي و قوى قلبك
انسام : بابا لاتقول كذا هذا الصح الي لازم نسويه
ابو وافي : اهم شي يابنتي خالتك ام فهد وعيالها لا يدرون باللي صار لوافي ما نبيهم يجون من حايل خايفين عليه مابه شي الحمدلله كم يوم و يقوم
انسام : ابشر يبه ماطلبت شي ماراح يدرون
حب راسها و طلع من عندها توجه للمجلس الكبير
وصل للمجلس و دخل و الابتسامه شاقه وجهه من كلام بنته ، كان خايف يصير عكس اللي صار
الجد ابو حمد : عسى ورا هالابتسامة شي زين
ابو وافي : اي والله يبه كلام يفرح القلب
الجد ابو حمد : علمنا وش يفرحك نبي نفرح معك
وبدا يعلمهم كلام بنته اللي قالته له
ابو هادي : ماشاء الله كبرت و قوى قلبها
وكملوا سوالف و و جلستهم و العصر جميعهم زارو وافي و معهم انسام و هي و ابوها و اخوانها اول من دخلوا عنده ، من دخلوا شافت الأجهزة محاوطته من كل مكان ، توجهت له مباشره و حبت راسه بعمق
ونطقت : الله يقومك بالسلامة يا اخوي وترجع لنا بالسلامة لكن لا تطول علينا يا عيون اختك ترا انا و بابا و يزيد و غانم و جدي ننتضرك تقوم بالسلامة
« حائل ، قصر ابو فهد »
جالسين ابو فهد و ام فهد و عيالهم بجلستهم العاديه كل عصر ويسولفون ومن بين سوالفهم
ام فهد : بخاطري اروح لعيال اختي اشتقت لهم
عتيق : ابشري يمه ماطلبتي شي جهزي الشنطه بس
ابو فهد : وانت مطفوق على بالك الشغله خذن جيتك
عتيق : هذي الشيخه ام فهد من يرد له طلب
غيم : هيه بروح معكم
فهد : الا بسالك يا غيم الاختبارات متى
غيم : يووه لا تجيب طاريهم بعد اسبوع العملي و اللي بعده اسبوعين نهائي مو وقتهم صراحه
ابو فهد : خلاص ننتضر غيوم تخلص اختباراته و نروح
غيم بدلع : بابا عندي طلب تكفا لا تردن
حازم : فعلت نمط الدلع اقص يدي اذ رفض ابوي
ابو فهد : سمي يا شيخته امري وش تطلبين
حازم : قلت لكم والله ما يرده ولا يرفض له طلب
عتيق : يحق له شيخه ابوها
غيم بغرور : اي نعم يحق لي انا بنت ابوي بنته انا شيخة الشيخات نرد المنايا ما نهاب لو السعاير حامية
ضحكوا جميعهم على تقليدها لأم صايل
ابو فهد : سمي يا غيم وش طلبك ؟
غيم : بابا نبي نجلس الاجازه كله بالجوف نروح من اخر يوم اختبارات ونرجع يوم الجمعة بالليل على شان نرتاح يوم السبت و الاحد يمكن اغيب و الاثنين اداوم
ابو فهد : سمي يا شيخة ابوها ما طلبتي شي
انسام بحماس : الله بابا صدق موافق ؟
حازم : فعلتي نمط الدلع و ما تبينه يوافق ؟
انسام : انت اسكت انا بنته و دلعوته و وحيدته و شيخته و اميرته عندك اعتراض يا الصعلوك ؟
عطاه نظره و سكت حازم يعرفه اذ تدخل ما يسلم
أنت تقرأ
في مبسمك يضيع كياني وثقلي وأصير كأني طير بين اياديك
Aksi.. لا استبيح النقل او الاقتباس .. .. التنزيل كل خميس .. الانستا : 1w_x88
