فلتنحني لقلبي تذللا [ تتمة ]

‏‎‏‎‏‎‏‎‏𝑷𝑨𝑹𝑻★237

❥ ／فَلْتَــــنْــــحَـــنِي لِقَــلْـــبِــي تَــــذَلُلاَ／❥. 

الـــفــصــل الـثالـث و الاخــير : ^ أنـتِ بـدايـة روحـي ، و أنـتَ الـخـتـام ^.

بقلم ✎𝐖𝐢𝐣𝐨𝐮

<< أبـَليتَـني بِـالعِـشـق ثُـم تَـركتَـني و اَذقْـتَـني حُـلـوَ الـهَـوىٰ فَـقتَلتـني وهَـبْتـني قَـلبـاً يَـفِيـضُ تَـعاطُـفاً  ، يَـا خَـائِـنـاً بِـالـحُـبِ كَـيـف كَـسرْتَـني بِـرحيلِـك ، فَـهل مّـن عَـودةٍ ؟ فَـالـرُوح عَـلى مَـشـارِف اِخْـتتَامِـك >>

داز الـوقـت...

كان حفل النساء على مشارف انتهاء، كان خاصو يساليي باش يبدا تحضير لحفل الرجال ..

كانت واقفة هي ووياه عند بالباب كيودعو عيالات القبيلة لي كانو حاضرين ، كانت ابتسامة شاقة وجهها نصفين من بعد ما كل  امراة جات تخرج قبل ما تمشي كتعطيها شي بركة قليلة من الفلوس كزرور على عقيقتها ..

كانت فرحانة بطبية دوك الناس اكثر من ماديات ، بساطتهم كانت كتلف قلبها باحساس غريبب ، تلفتت ليه كيفاش واقف فجنبها وهو عاقد حواجبو بطريقة كانت كتبين مزاجه ..

خصوصا من بعد ما حاولت معاه انها تخليه يفضفض لها ولكن ظل يردد ان داكشي ما لايقش ليها تعرفو بتاتا ..ولكن مع ذالك كانت مقررة مغاديش تستسلم كانت كتسنى الفرصة غير يسالي هدشي وتبرك معاه وتعرف اش به ..

نزلت راسها كتشوف فديك الفلوس الكثيرة لي جمعت ولي اغلبها من فئة العشرين درهم ،دارت عند ادم واقفة قدامو  كتهز فالفلوس وكتعلق ليه فحوايجه تحت انظاره ليها ..

تأملها كيفاش معلية على صباع رجليها حابسة الضحكة بعضة على شفتيها ..دور يدو على خصرها معاونها توصل ليه وهو كينطق ..

آدم :" اش كتديري ؟."

هزت راسها فيه وهي مبتسمة :" كنعلق لراجلي حبيبي ، عندك شي مشكيل ".

حرك لها راسو برفض قبل ما يمد يدو مرجع ليها الشعر مورا وذنها وهي كنطق :" عجبك الحال هاد النهار ؟."

حظت عينيها فعينيه وهي كتنطق بحماسس:" بزافف كان أحسن نهار فحياتيي كلها".

بتسم لها بخفوت :" بصحتك هدشي لي كنت باغيي".

هدى:" الله يعطيك الصحة احبيبي، واش فيما غنولد ليك غتدير ليا سبوع بحال هذا ".

آدم :" غير زيدي ولدي غندير ليك ما كبر منو ".

بتسمت بخبث جارها من الكول ديالو :" وقول ليا كنبغيك خلاص "

هز حاجبو فيها :" كتقارني حياة كلها بكلمة تافهة  اش غادي تزيدك هاد الكلمة لا تقالت؟."

بزمت فمها فيه ناطقة امتعاض:" غتزيدني كلشيي، من ديما انا لي كنقولها ونتا لا  ، ونتا اش غادي يتزادك لا عودت ولدت".