روح تراني طايب النفس مابغاك حكم طغى ماعاد ينفع نظامه

البارت ٣٦

مرت ايام وشهور بدون اي احداث مهمه
علاقة ولاء ومعتصم باردة
رغد الي متجاهله صالح من اخر حديث بينهم توق ورعد عايشين حياتهم بدون اي مشاكل توليب واسر الي مهتم فيها وبحملها الي صار بالشهر السابع  ميس وفارس مافيه بينهم احداث او نقول انها تحاول ماتشوفه وكلامه يدور براسها
بس الماضي مخوفها
___
كانو ( توليب توق رغد ولاء ، فارس اسر رعد صالح معتصم )برا القاعه حقت المحكمه ينتظرون وقت الجلسه
ميس التوتر ماكلها وتلعب بأصابعها
وشاده على يدها
ناظرت يد رغد الي مسكتها تهديها
رغد : ميس لاتتوترين ادعي بس
هزت راسها ترجع تنزل نظرها تبدا تدعي
ان ولدها يبقى معها ومايعطونه عمه
ناظرت توليب ساعة يدها تنطق بهدوء : قومو ندخل وقفو ووقعت انظارهم على كسار الي تقدم مع سميه امه ميس ووراهم عساكر ماسكين مساعد
تقدمت سميه من ميس توقف قدامها
سميه بغضب : هذي اخرتك يا قليلة الخاتمه تشتكين على زوجك ظلم وتطلقين وفوق كذا مخليه حفيدي مع عشيقك
تفاجأت ميس من الكلام تناظر توليب الي رفعت اكتافها بعدم معرفه ترجع تناظر امها : وش تقولين انتي ؟ انا متربيه احسن تربيه ، تربيتك انا كيف تتهميني
سميه : ماجيت اتكلم الا وانا معي دليل ، بكل وقاحه جايبته معك هنا
اشرت على فارس الي مذهول من كلامها زيه زي الكل
فارس بغضب : ياخاله وش قاعدة تهبدين من عندك مابينا شي عيب عليك ذا الكلام
كسار : شفتو كيف يدافع عنها لو مابينكم شي كان سكتت ولاتكلمت
ميس : انت اخر من يتكلم سامع ، بعدين اي حق سمح لكم تجون بكل عين وقحه تطالبون بولدي ولدي انا اربيه بعيد عنكم يا المرضى النفسيين
ضرب العسكري الباب مرتين من شاف اصواتهم بدت ترتفع ينطق : تفضلو داخل
تنفست ميس بغضب تدخل ورا الباقي تجلس جنب توليب على الطاوله القريبه من مكتب القاضي
القاضي : جايين اليوم عشان نتوصل لحل بخصوص الطفل تميم ولد الاستاذة ميس والاستاذ مساعد تفضلو
مساعد : يا حضرة القاضي انا خايف على ولدي منها البنت مو طبيعيه فيه شي بعقلها وما اضمن ولدي عندها عشان كذا ابيه يكون مع اخوي وزوجته الين اطلع من السجن
فتح القاضي ملف مساعد يقراه وناظرة بطرف عين ويرجع يقرا التهمه : مساعد انت واخوك دخلتو قسرا على بيت ميس وضربتها ومن قبل هي مشتكيه عليك
وقفت توليب تنطق : صحيح قدمنا بلاغ عليه وطلعنا تقرير طبي ، اتهمها بالخيانه وشكك بالولد والان بكل جرئه يطالب فيه وهو انكر انه منه وكل هذا موجود بالملف الي معك
هز راسه القاضي من قرا الملف يرفع نظرة لمساعد الي قال : حضرة القاضي انا ماني قايل هذا الكلام الا وانا عارف وشايف بعيني وضربتها من قهري
القاضي : المقصد ؟
مساعد : زوجتي خاينتني وتقابل واحد وفوق كذا جايبته بكل وقاحه للمحكمه
انهى كلامه يأشر على فارس الي وقف بغضب يمسكونه رعد واسر
اسر بهمس : فارس اهجد ترا القاضي يناظرنا حاس شوي وننطرد
توليب : لو صحيح هذا الكلام وين الدليل ؟ هذا اتهام باطل
ناظر مساعد المحامي الي مد للقاضي صورة فارس وميس عند السوبر ماركت ومعها تميم
ميس بخوف : توليب تكفين والله انها كانت صدفة مادريت انه موجود
توليب بهمس : طيب اصبري بحلها
القاضي : من الواضح انك دخلتي طفل بعلاقتك ، استاذ فارس تشرح لي؟
وقف فارس يهز راسه : صحيح شفت ميس وابنها لكن صدفه ولا مابينا علاقه حاليا
عقد القاضي حواجبه مثله مثل الباقين يكمل فارس : انا وميس بنتزوج الاسبوع الجاي وكل اتهام توجه لنا خاطئ
~~~~
دخلت تغريد على ابوها تلقي السلام تجلس وعلى وجهها ابتسامتها البشوشه
تغريد : امرني ياعيوني
عبد الحميد : تحسين نفسك كبيرة
تغريد : طبعا بالنسبه لي ايه بس واضح انك للحين تشوفني هذيك البنت الصغيرة الي تلعب
ابتسم عبد الحميد وهي صادقة كل اب يشوف بنته مهمها كبرت هي نفسها في اول مرة حملها بين يده: يابنتي ماهر جا وخطبك شرايك انتي ؟
ميلت تغريد شفايفها بتفكير تنزل راسها تلعب بأصابع يدها تنطق بصوت خافت :
رايي من رايك يبه والرجال محترم
عبد الحميد : وانا اشهد يا بنتي يعني نقول على بركة الله ؟
ابتسمت تهز راسها توقف تطلع من المكتب بخجل
دخلت غرفتها تهوي على نفسها
غطت وجهها بكفوفها تبتسم

دخلت ليلى على هاشم وبيدها الاشعه حقت المريض تمدها له
ليلى  : لاحظت في هذي المنطقه الشريان شكله مو طبيعي
هاشم بهدوء : يعني ؟
عقدت حواجبها تناظرة تميل راسها تنتظرة يكمل اما هو ابتسم : الاجراء المناسب للحاله
ليلى : نسوي له  صورة ايكو عشان نتأكد من الشريان وحركته وان كان فيه انسداد نتخذ الاجرائات المناسبه ، كذا ممتاز ؟
كان مركز معها وطريقة كلامها حركات يدها لما تبدا تشرح : ممتاز على هذا المستوى بتتفوقين على دفعتك
ابتسمت هز راسها تسمعه تعليماته لها
ومن خلص طلعت لغرفة التبديل
فتحت خزانتها تشيل كمامتها ( ليلى ويارا ولمار محجبات والبنات الباقي منقبات )
تستبدلها بوحدة جديدة تروح تكلم شغلها

كانو بالصاله حقت بيت اسر وتوليب يفكرون بالي سواه فارس بالمحكمه والقاضي لما اجل الجلسه الى حين اتمام زواجهم
رغد : وش بنسوي الحين ؟
فارس : ماراح نسوي شي كذا ولا كذا انا قايلك اني بتزوجها
ميس بغضب :ليه شايفني لعبه ؟ مو عشانك جيت كلمتني يعني موافقه
فارس انا عشت اربع سنوات بعذاب وماصدقت اطلع منه والحين تجي بكل بساطه تقول بتتزوجني عشان تثبت عكس كلامهم
فارس : دقيقه وش تقصدين بالكلام هذا
اني انسان اناني مافكرت الا بنفسي
ميس : تبي كلامك يكون هو الصح وانك ماتغلط برافو
صفقت مرتين تناظرة
ولاء : خلا انت وياها مو وقت هذا الكلام ،،،،طيب اسمعو بنقدر نحلها مثلا نقول اجلو او اصلا مابينهم شي
توليب : والصور الي تصورت لهم وحدة لما كانت بالسوبر ماركت والثانيه لما جا عند بيتهم ياخذ تميم وش التفسير لها ومافيه شهود
توق : متى يتركون الطفل يختار مع مين يبي يعيش ممكن لو سألنا تميم بيقول انه يبي امه
رعد : مستحيل كلام الطفل بهذا العمر ماياخذونه بعين الاعتبار اقصى حد عمر ثمان سنوات
اسر : يعني لازم اثباتات ان ميس تستاهل الحضانه حقت تميم
عم عليهم الصمت يفكرون
تنهدت توليب توقف تروح المطبخ كان اسر بيقوم بس اشرت له رغد بالجلوس تقوم هي للمطبخ تشوفها تسوي قهوة لهم
رغد : ارتاحي يعيوني انا بسويها
توليب : مب لازم مو شي كثير
رغد : ياشيخه نفسي يوم من الايام تسمعين الكلام
ضحكت  بخفه تجلس وتشوف رغد الي بدت تطلع الصينيه والفناجيل تحط التمر بصحنه
توليب : ايه قوليلي وش اخبارك معاه
رغد : مع مين ؟
توليب : علينا ! مين غيره صالح
وقفت يدين رغد عن الي تسويه تلتف لها تتكتف : وش فيه غير انه تافه وكذاب
ومستحيل يصير بيننا شي او نتزوج
مابينا نصيب
صدت عنها تكمل الي كانت تسويه
غير عالمه عن الي سمع كلامهم
طلع صالح للصاله ياخذ جواله ويطلع متجاهل رعد الي يناديه
قام لحقه يمسك كتفه قبل مايركب السيارة
نفض صالح يد رعد الي على كتفه يلتفت له
رعد : وشفيك ؟
بلع صالح ريقه يشد على يده ونطق بصوت مبحوح : انا ذنبي الوحيد اني حبيتها بدون شروط رغم كرهها لي وصدها كل ماشافتني لازم تسمعني كلام
ناظره رعد ثواني يحاول يستوعب كلامه : انت مين تقصد
رفع صالح يده لشعره يشد عليه
يكرر رعد سؤال ينطق : رغد يا صالح رغد ، ذنبي اني حبيتها
لانت ملامح رعد بذهول صالح ورغد
اخر اثنين كان يتوقعهم يجتمعون

دخل ادم على مكتب النائب يصافحه يجلس
النائب : جاني سليم السجين الجديد
ادم : ايه !؟
النائب : توق توليب ولاء رغد
ميل ادم راسه بعدم فهم تبرد ملامح وجهه من اكمل : جابر هم الي قتلوه
واخفو كل شي عطاني فيديو مصور لهم
توسعت عيونه بصدمه لما لف له للابتوب يشوف الفيديو
النائب : بينرفع عليهم بلاغ وبيتم التحقيق معهم
ادم : بس اكيد عندهم سبب عشان سواتهم ذي مثل ماهو واضح بالفيديو
جابر حاول يتهجم على توليب
النائب : واخفائهم لها كيف تفسره ؟ مايتفسر والبلاغ انرفع عليهم خلاص