"إذا لم تزد على الحياة شيئًا ، كنت زائدًا عليها "
متنسوش الڤوت.
____________________________________
_عُدي وقَّف العربية.
أردفت بغضب وهي تُحاول أن تهدأ ، نظر لها متسائلًا عن سبب جملتها فقالت بضيق:
_بقولك وقَّف العربية يا عُدي وهقولك.
استجاب لمطلبها وقام بإيقاف السيارة على جانب الطريق ثم التفت لها قائلًا بحدة:
_وقَّفت العربية ها عايزة إيه ومن أمتى وأنتِ بتزعقي بالشكل ده يا تولين؟!!
رفعت حاجبها الأيمن ثم امسكت هاتفها ووضعته أمام عينيه وظلَّت تراقب تقاسيم وجهه التي ارتسم عليها الدهشة ، لوَت شفتيها ثم قالت بتهكم:
_تقدر تفهمني إيه ده يا دكتور عُدي يا مُحترم؟
أفاق من دهشته وهو يبتلع لُعابه بتوتر ثم قال:
_جبتي الصور دي منين؟
_لقيت رقم مش متسجل باعتلي الصور دي فهمني إيه ده بقى!!
أردفت جملتها وهي تنتظر أن تستمع إلى مُبرراته فاعتدل في جلسته ثم تحمحم قائلًا:
_بسيطة هفهمك .. اللي في صورة الخطوبة دي راندا خطيبتي القديمة انفصلنا من حوالي خمس شهور عشان مكناش شبه بعض وأنا مكنتش مرتاح في العلاقة دي ، أما اللي في الصور التانية دي مارلينا بنت أمريكية بنت صاحبة ماما وده كان يوم تخرجها من حوالي حوالي سبع سنين ولو تلاحظي كان باين عليا إني أصغر في الصورة لإني كنت في الجامعة لسه متخرجتش ومارلينا أصرّت إني احضر حفلة تخرجها عشان بتعتبرني أخوها الصغير
بحُكم إننا متربيين مع بعض وكده ، ولو على وضعية الصورة فأنا كنت لسه شاب جامعي طايش وكمان في أمريكا يعني دي بالنسبة ليهم حاجة عادية ، ومش معنى كده إني ببرر أو بحلل الموضوع لا بس أنا دلوقتي كبرت وأدركت إن مكانش ينفع اتأثر بالمجتمع الغربي بالذات في الفترة دي وأصلًا ماما وبابا كانوا ببحاولوا إن أنا وعمرو منتأثرش بالثقافة الغربية لمجرد إن ماما ليها عرق أجنبي والحمد لله نجحوا في كده وكل ده ماضي وأنا ندمان عليه.
صمت قليلًا ثم أكمل:
_وأكيد راندا هي اللي بعتالك الرسالة دي.
نظرت له بأعُينٍ نطق بإعتذارٍ عمَّا قالته ثم امسكت هاتفها واخرجت الرقم الذي أرسل لها تلك الرسالة المشؤومة ثم وضعته أمام عينيه قائلة:
_ده رقمها؟
نظر له قليلًا ثم أومأ بهدوء ، فابتسم بغموض ثم أخذت تضغط عدة مرات على شاشة الهاتف لمدة عشر دقائق وهو ينظر لها بعدم فهم حتى اعطته الهاتف فقرأ ما كتبته بصوت مرتفع نسبيًا:
_أهلًا يا عسل
معاكِ دكتورة تولين خطيبة دكتور عُدي ومراته كمان إسبوع بإذن الله ، الصور اللي أنتِ بعتهالي دي يا رورو اطبعيها وبلِّيها واشربي ميِّتها ، عشان مش شوية صور زي دي وواحدة صفرا زيك هتخليني أشك في عُدي ، لإنه ببساطة قالي كل حاجة عن خطوبتكم السابقة وعن مارلينا ، فريَّحي يا عسل وياريت تخلي مناخيرك في وشك وتسيبينا في حالنا بقى وآه هزعل مووت لو مجيتيش كتب الكتاب.
أنت تقرأ
لِقاءٌ فيهِ النَجاة
Ficción General"الحياة تُشبه الصّندوق الأسود ، لا نَعرِف ما تكِنهُ لنا ، كل يومٍ نكتشف ما هو جديد إما نعيش حياتنا في سلامٍ ، أو تنقلب حياتنا رأسًا على عقبٍ "
