صحت مفجوعه من صوت الصراخ وموؤسات النظافه يطلعون ويدخلون مشت للبلكونه شافت غسان وليث و رائد والجده ساره
ليث:ياجده والله دورنا عليه مالقيناه
غسان:الأرض انشقت وبلعته
رائد:أنا متاكد انه راح بقاله الحي شلون ينحاش
الجده ساره بغضب:كله من إهمالك انت وياه
غسان:يلبى المعصب يناس😉
الجده ساره ابتسمت وانمسحت ابتسامتها وهي تصارخ؛انقلعوا دورو السواق
غسان:افا عطينا وجه ياحلوه
ليث:سنابش أنا أفداش
رائد:اموتتتتت على المعصبه
ضربه الجد على ظهره:اقول انقلع دور السواق انت الي ضيعته
غسان:ليه هو لعبه عشان يضيع ه ه ه ه ه
ليث:اففف ياجد طلعت تغار على جده
كرر غسان ذبته ضنه أنهم ماسمعوا:ليه هو لعبه عشان يضيع ه ه ه ه ه
رائد:ترا سمعنا
ليث:فكنا من ضحكتك ذي
غسان:شعرفك هاذي ضحكه اغنياء
جاء سياف:وانت وش غني و معزز مكرم
الجد نيار:قل ما شاءالله تبي تعطي ولدك عين
سياف:مو اول واحد يكون عنده فلوس كل الناس عندهم ليش أعطيه عين
تأفف غسان من حال أبوه وطلع متوجه لشارع مايبي يقعد لأجل يتجنب المشاكل
عند بطلتنا ذهب:لازالت موجوده على البلكونه كانت تناظر عمها سياف بتمعن تحس فيه شي ، تشوف كيف يتنرفز إذا غسان موجود قاطع افكارها الجوهره الي دخلت وبعدها البنات وكل وحده معها بطانيه ضحكت على اشكالهم وعدلت البطانيه عليهم وطلعت من الغرفه كانت تمشي بهدوء وتناظر خطوات رجولها بس وقفت من سمعت صوت سهام العالي:لو كان عبدالعزيز رجال ماوافق على سفرة ذهب
صرخت ذهب من فوق وهي نازله من الدرج:ولو كان ابوك رجال مخلاك تروحين مع حبيب القلب وانتي متزوجه وعندك عيال لكن أنا رحت عشان مستقبلي وأهلي يدرون أنا وين مو مثلك اهلك حتى مافكروا يدورن عليك ومايدرون عن ارضك و سماك
سهام بصوت غاضب:لاتتكلمين معي بالطريقه هاذي وبعدين انتي تطلعين مع واحد ومحد يدري عنك ولا ياذهب؟
ذهب:هييي انتيي لاتحطيييين عيييوبك فيييني عشااان ترضييين ننقصك لان حتى واناااا بأسوء أحواليي افضضل منك
تقدمت سهام تسحب شعر ذهب صارخت ذهب ولفت يدينها وبدو يتهاوشون دخلوا الرجال والأمهات الي كانوا برا باستثناء جهير الي كانت موجوده من البدايه حاولوا يفرقون بينهم لكن ماقدروا صارخ الجد نيار:انتم كل متجمعتوا لازم هواش
سهام بتمثيل للبكاء:هي بدت جتني تتهمني في شرفي
ضحكت ذهب بسخريه وناظرت جدها:اتوقع كلنا عارفين مين بدأ اول وانا وراي شغل مو رايقه لها ولهواشها
طلعت ذهب وجت غصون من المطبخ وهي تقول:وش صار ابوي منعني اجي يقول بتزيدين النار حطب
ذهب:إذا رجعت اقول لك الحين راسي مصدع من صوتها
غصون:بتروحين لشركه
ذهب:اي بروح تعالي معي أوديك للمستشفى
غصون:تمم بروح البس السكراب واجي
ذهب:أصلا ليه مالبستي من اول
غصون:بقول لك إذا جيت
طلعت من القصر وفتحت السياره و بعد مانتهت غصون تقدمت تطلع من القصر وشافت حسام وهو لابس السكراب ويحاول يشغل سيارته كتمت ضحكتها وركبت السياره وعلى طول ضحكت ناظرتها ذهب:وش فيك
ماردت غصون وهي مكمله ضحك
ذهب:وش فيك تكلمي
غصون:امس حسام خلاني اتأخر على المستشفى بسببه
واليوم نسمت الكفر حقه
ذهب:اول شي متى شفتي حسام عشان يأخرك؟
غصون:امس رحت عند ولاء لأني كنت ابي اعرف من وين المحاصيل حقتها وهو قفل الباب وراح وقعدت ساعه بعدين جابوا سباك
ذهب:طيب ليه راح هو يدري انك فيه
غصون:تحقيق هو بعدين مدري عنه إذا يدري أو لا
ذهب:طيب يانفسيه بشويش
