راهب : انتهى ريماس حضري غراضج ارجعج .
ريماس : رحت وكفت كباله هزيت راسي لا لا راهب والله ماعرف شلون صارر هيج والله اني شردت بس هو خدرني قسما بالله.
راهب : طالععع اني انتضرج براا .
ريماس : راهبببب تعوفنييي ؟ احلفلك على القرآن هو خدرني .
راهب : أنتِ رحتيله برجليج .
ريماس : راهب ماعندي غيرك لتسوي هيج.
راهب : وحده غبييييه .
ريماس : دفعني وطلع بقيت بمكاني ابجي رحت للغرفه لبست ملابسي واخذت الجنط وطلعت جان واكف برا مادري ويا منو يحجي ... راهب اني رايحه بقى متجاهلني مشيت واني مكسوره الا ان وكفت سياره شرطه مقابيلي ونزلوا منها ثنين نسوان ورجال .
ــ لزموها .
ــ متجوزين من المشاكل أنتِ .
ريماس : شكووو وين ماخذيني شبيكم .
ــ صعدي هسه تعرفين شمسويه .
ــ اخذوا غراضها ممكن نلكه بيهم شي يفيدنا .
ريماس : بسس لحضه وخرييي احجيلي شكوووو .
ــ صعدييي شكد تحجين .
ريماس : دفعتني بالسياره بقيت صافنه على الطريق وصلنا المخفر بس مو نفس المخفر الاعرفه هذا جان اكبر من القبله نزلت وهم لازميني سمعت صوت مريه تصيح وصوتها مو غريب هذاا صوت عمتي ييي عمتي مياده تقربنا من الصوت وشفتها كاعده تضرب على رجلها حيل وتصيح وثنين نسوان وياها وحاتم واكف على جهه .
شافتني وكفت وتضرب على صدرها وتحجي اني حسيت عقلي وكف ..
مياده : لييييش عمه ليييش وصلت وياااج تكتلينن ابنييي ولج اعتبرتج بنتيي ياا ضالمه لان حبج هيج عذبتييي سوده عليه يممممه .
ريماس : مجان مجرد كلام لااا جان ناررر وشبت بيه
حسام مات ؟؟ محسيت الا اندفع بأحد الغرف التفتت بالمكان جانوا هواي نسوان كاعدات لزمت بطني لان اذتني كعدت بنهايه الغرفه لملمت نفسي وعيوني موكفت دموعها ...
ــ بعد وكتت للدموع عيني مشايفه شي أنتِ وبجيتي شمسويه من مصيبه احجي ماكو غريب هنا راح تتعودين علينا .
ــ عوفنها هاي بس اول يوم باجر تلكنها تعودت كلنا سوينا هيج بالبدايه ههههه ...
ــ ييي والله كضيناها دراما وكلشي مفاد وهذا يوم وذاك يوم
ريماس : تجاهلت كل كلامهم دموعي صارت مثل النار تجوي والغرفه ضلمه بيها كلوب واحد والرطوبة واصله للحايط وكله مكشر واكع والمكان ثلج ..
اجوي ثنين شرطيات فتحوا الباب وانطوهم اكل اني رفعت بلوزي على وجهي نفسي لعبت من الريحه ..
بقيت كاعده بمكاني إلا أن صاحوا اسمي ..
