💮မူးယစ်ခေါင်းဆောင်ရဲ့တရားဝင်မိန်းမ💮ဒုတွဲ
(အခန်း၁၀)
"သွားမယ် ကိုတေဇ.."
ခွန်းဆက်မဟာကပြောရင်းဖြင့်
အရှေ့မှဦးဆောင်ထွက်သွားသဖြင့်
တေဇ ခွန်းဆက်မဟာနောက်မှ
ကပ်လိုက်လာသည်။
"ဘယ်သွားမှာလဲ ခွန်းဆက်"
"အကိုလေးအခန်း.."
"ဟင် အဲကိုဘာသွားလုပ်မှာလဲ"
"လာပါ လိုက်ခဲ့"
ခွန်းဆက်ကပြန်ဖြေရင်းဖြင့် စံအိမ်တွင်း
ဝင်သွားသည်။
"အကိုလေးအခန်းထဲကလိုအပ်တာ
ယူမလို့.."
ယူရီ့လူများကစောင့်နေကြသည်မို့
ခွန်းဆက်ကပြောလိုက်သည်။
"သြော် မေ့နေတာကိုတေဇ ကျွန်တော့်ကို
တစ်ခုလောက်ကူညီပါ့လား"
ခွန်းဆက်က တေဇဘက်လှည့်ကာ
ပြောလိုက်တော့ တေဇကအူကြောင်ကြောင်
ကြည့်ကာ ခေါင်းညိတ်ပြလေသည်။
"ကျွန်တော့်အခန်းထဲမှာ အကိုလေး
ခရီးသွားတုန်းကကျန်ခဲ့တဲ့ ခရီးဆောင်အိတ်
ရှိတယ် အဲတာလေးသွားယူပေးပါလား
တစ်ခါတည်းပြန်ထားချင်လို့"
ခွန်းဆက်စကားကြောင့် တေဇ
သဘောပေါက်သွားကာ ထွက်လာသည်။
ခွန်းဆက်အခန်းထဲမှ ခရီးဆောင်အိတ်ကို
ယူလိုက်ရင်းဖြင့် မမလေးကိုမချီကာ
ထိုခရီးဆောင်အိတ်ထဲထည့်လိုက်သည်။
မမလေးခန္ဓာကိုယ်ကသေးသေးလေးမို့
ခရီးဆောင်အိတ်ထဲတွင် ကွေးကွေးလေးနဲ့
ကွက်တိလိုဖြစ်နေသည်။
တေဇ ထိုခရီးဆောင်အိတ်ကိုယူလိုက်ရင်း
စံအိမ်ဘက်ပြန်လျှောက်လာလိုက်သည်။
"ခွန်းဆက်ငါယူခဲ့ပြီ..."
"ဟုတ်ကဲ့ကိုတေဇ သေချာလေးသယ်ရအောင်
ဒီထဲမှာ အကိုလေး
တန်ဖိုးထားတဲ့ပစ္စည်းပါတယ် အခြားသူ
မထိရဘူးလို့အကိုလေးက မှာထားတယ်
အကိုလေးသတိရလာရင် ဒီပစ္စည်း
သူ့အခန်းဆီမထားရသေးရင်
ကျွန်တော်သေမှာ"
ခွန်းဆက်ကပြောလိုက်ရင်း တေဇ
လက်ထဲမှခရီးဆောင်အိတ်ကို
အတူမယူလိုက်ကာ အကိုလေးရှိရာ
အခန်းသို့တက်လာလိုက်ကြသည်။
YOU ARE READING
မူးယစ်ခေါင်းဆောင်ရဲ့တရားဝင်မိန်းမ{Season 1+2}စဆုံး
Romance"ဖွဲ့နွှဲ့မမှီဆိုတဲ့မင်းကို ငါပဲထိမယ် ငါပဲကိုင်မယ် ငါပဲရိုက်မယ် ငါပဲနှိပ်စက်မယ် ငါပဲချစ်မယ်" "အောက်တန်းစားလူယုတ်မာ" "အဲ့အောက်တန်းစားက မင်းလင်လေ"
