"အကိုလေး "
အကိုလေးလို့ ခေါ်လာတဲ့ ကိုကျော်ထက်ကို နေ့ စိုက်ကြည့်ပေးလိုက်သည်။
"အာ မေ့သွားလို့ပါ Boos "
"Boss က ကုမ္ပဏီ လာတော့ ကျွန်တော် ပျော်သွားလို့ပါ "
"ကိုကျော်ထက် သက်သာသွားတာပေါ့ ဟုတ်လား "
"ဟီး "
Bossက ပြန်လာတော့ သူ သက်သာသည်မဟုတ်လား။
"လက်မှတ်ထိုးတာတို့ တင်ပြစရာ ရှိတာတို့ဆိုရင် လွမ်းသတ်တန့်ရောင်ခြည်ကို လုပ်ခိုင်းလိုက် အခြားသူတွေ လာပို့မယ့် ဖိုင်တွေလည်း သူ့ဘဲလာပို့ခိုင်းလိုက် "
"ဟုတ်ကဲ့ Boss "
ဒီလောက်အလုပ်လုပ်ချင်တာ ခိုင်းပစ်အုံးမယ်။ လွမ်းသတ်တန့်ရောင်ခြည်တို့က ခေါင်းကြောမာသည်လေ။
ဒေါက် ဒေါက်
တံခါးဖွင့်ပြီး ဝင်လာတဲ့သူက
"လက်မှတ်ထိုးရမယ့် ဖိုင်တွေပါ Boss"
အလွမ်း မောင့်ကို ဖိုင် အထပ်လိုက်ပေးလိုက်သည်။ ဒီနေ့မှ ကုမ္ပဏီ ကလူတွေက Bossဆီ ပို့ရမယ့် ဖိုင်တွေ အကုန် အလွမ်းကိုသာ ခိုင်းကြသည်။
နေ့ သာလိကာလေးကို မျက်လုံးလှန်ပြီးသာ တစ်ချက်မော့ကြည့်လိုက်သည်။
"လက်မှတ်ထိုးပြီးမှ လာ "
အလွမ်းပြောလို့တောင် မပြီး
"ထိုင်စောင့်နေ "
ဂုဏ်ဆာနေတာ နေ့အလင်းရောင်တို့
"ဟုတ်ကဲ့ "
ဖိုင်က အထပ်လိုက်ကြီး ဘယ်အချိန်ပြီးမှာလည်။ နေ့အလင်းရောင်တို့ သက်သက် လုပ်နေတာ။
"ခများစိတ်ထဲမှာ ပြောနေတာ ကျုပ်အကုန်ကြားတယ်နော် "
နေ့ ပြောတော့ သာလိကာလေးက နေ့ ကို စွေကြည့်လာသည်။
"ဆိုဖာမှာ သွားထိုင်စောင့်နေ "
နေ့ပြောတော့သာလိကာလေးကဆိိုဖာမှာ သွားထိုင်နေသည်။ နေ့လည်း ဖိုင်အထပ်လိုက်ကို စစ်ကာ လက်မှတ်ထိုးနေလိုက်သည်။ သာလိကာလေးကို တစ်ချက်တစ်ချက် လှမ်းကြည့်ရတာလည်း အလုပ်တစ်ခု ဖြစ်သည်။ ပင်ပန်းမှာဆိုးလို့ အနားခေါ်ထားတာကို လူကို နဂါးမျက်စောင်းနဲ့ ကြည့် ကြည့်နေတာ တစ်ချက်တစ်ချက်ဆို နေ့ နဲ့ အကြည့်ချင်းဆုံတော့ သာလိကာလေးကဘဲ အကြည့်လွှဲသွားတတ်သည်။
