« بالمستشفى »
قفل الاتصال من عمه ابو وافي و التفت لفاصل
ونطق : يالله مشينا ما علمهم للحين
فاضل : زين يالله نعجّل قبل يفقدونه و يسأل عنه
و دق على الشباب يسبقونهم هناك يدخلون سوا
طلعوا من المستشفى و توجهوا للقصر مباشره
« قصر ابو وافي »
وصلوا للقصر و معهم شريف و شادي و فراس و توجهوا لمجلس ابو وافي و دخلوا
و نطقوا سوا : السلام عليكم
الجميع : و عليكم السلام
تقدمو و حبو روس الكبار و سلمو على عتيق و امير حب راس ابو فهد و سلم على عتيق و توجهوا يجلسون
جلسوا و بعد ما تقهوو فاضل و امير ناضرهم عتيق
و نطق : وين وافي ما اشوفه معكم وحنى بمجلس ابوه
جميعهم وجهوا انظارهم للأرض الشباب كلهم و ابو وافي و الجد ابو حمد ، عتيق و ابو فهد وجهوا أنظارهم بشكل عشوائي بين الموجودين و عم السكوت بينهم
فز بخوف غشى قلبه و توجه لفاضل و مسكه مع ياقته
و نطق بصراخ : فاضل انطق وافي به شي
ابو وافي بصوت عالي : عتيق
تركه و التفت لأبو وافي و نطق : عمي وافي به شي
ابو وافي رفع نظره لعتيق و عض شفته شوي و فكها
ونطق : يا عتيق وافي من شهر دخل بغيبوبه بيوم المداهمه والحمدلله اموره سليمه بس بغيبوبه الحين
عتيق : شلون بيوم المداهمه وهو ثاني يوم اتصل علي
شادي من وراه : انا اللي اتصلت عليك
التفت له و نطق : شلون انت وهو صوته
شادي : انا اعرف اغير من صوتي لصوته بجهاز عندي
عتيق بقلق : يعني وافي الحين بالمستشفى مغيب
الجميع : ايه يا عتيق وافي بالمستشفى
مسح على وجهه يهدي الغضب اللي اجتاحه
و نطق بصوت عالي : وليه ما علمتونن
ما سمع ردهم و طلع من عندهم انطلق ركض لسيارته
ابو فهد : الحقوه عتيق مجنون اذ عصب
طلعوا العيال كلهم وراه و بقو بالمجلس الجد ابو حمد و ابو وافي و ابو فهد
ابو فهد : ليه ما علمتن انا يابو وافي واجيبه لك هنا
ابو وافي : ما قدرت يابو فهد والله ما قدرت خفت عليكم يصير لكم شي يا خلف بالطريق
« بالخارج عند العيال »
طلعوا وراه و يصارخون : عتيق وقف عتيق اصبر
وقف ولا التفت لهم عطاهم ظهره
و نطق : ابعدوا عني خصوصا انتم الذنب عليكم ليه ما علمتونن اتغاضى عن عمي ابو وافي يمكن خايف انتم وش عندكم ما تعلمونن
والتفت عليهم : منهو اللي اطلق عليه اخلصوا
امير : واحد من العسكر الخونه و ذبحته بوقتها
عتيق : امشوا للمشب بغيتكم لحالكم
توجهوا للمشب و سكروا الباب و جلسوا
و نطق بحده : الان تعلمونن بكل شي واي سؤال اسأله تجاوبونن بوضوح ولا افعل عليكم الساطي و انتم تعرفون شخصية الساطي وشلون تتعامل
جميعهم سكتوا لانه على حق من الاساس ليه ما علموه باللي صار شهر ما يدري عن شي صاير لكم
فاضل : ابشر يا عتيق بعلمك بكل شي
عتيق : ليه وافي ارسل لي اهجموا الان قبل الوقت
فاضل : لأننا اضطرينا والسبب المهرب و اتباعه ..
و بدا يعلمه باللي صار يبوم المداهمه
عتيق : شلون تصاوب وافي
امير : بعد ما خلصنا راح وافي لسيارته و نزع ستره النجاه و رفع سلاحه احد العسكر و اطلق عليه
عتيق : وذبحته بدون ما تعرف منهو اللي ارسله
سعود : من غيره الخاين بيننا ثامر اكيد هو وراه
عتيق : ثامر هو اللي ارسلناه للجنوب ؟
امير : ايه اكيد هو موصي احد خوياه الخونه
عتيق : و المهرب وش صار عليه ؟
فاضل : مسجون ننتضر محكمته
عتيق : سعود احجز لنا كلنا رحله للجنوب بطلعه لو كان تحت الارض و دواه عندي
شادي : لا تخاف متتبعه ولسى ما طلع من الجنوب
عتيق : حلو اجل سهلت علي شي كثير
فاضل : انا بجلس عند وافي ما بروح حددوا مكانه وانا برسلكم له و ارفع طلب مداهمه عليه و تجيبونه حي
ابتسم و نطق : مشوه وجهه شوي ما يضر ؟
فاضل : ابد ما يضر
سعود فتح الكمبيوتر و شاف اقرب رحله الساعه 11
و نطق : عتيق اقرب رحله 11 وش الحل
عتيق : احجزه و الحساب اسحبه من صرافتي
الجميع : لا يا عتيق كل واحد عليه تذكرته
عتيق : مابي اكثره زياده بكيفكم سوو اللي تبون
سعود حجز التذاكر و اكدها من الجوف الى أبها
أنت تقرأ
في مبسمك يضيع كياني وثقلي وأصير كأني طير بين اياديك
Action.. لا استبيح النقل او الاقتباس .. .. التنزيل كل خميس .. الانستا : 1w_x88
