Missing Someone

First Date (or ) Hurt memories

ပုံမှန်​အားဖြင့် ကျွန်​​တော်​ဆိုတဲ့ ဂယူဘင်းက မနက်​ခင်းလေးနာရီဆိုသည့် အချိန်​မျိုး နိုး​လေ့ရှိသူ​မဟုတ်​။ရစ်ခီ က ​နေထွက်​တာကြည့်ချင်​ရင်​ လိုက်​ပို့​ပေးမယ်​ ဆိုပြီး ပြောထားတာ​ကြောင့်သာ ညက Alarm ​ပေးအိပ်​ထားတာ​ကြောင့် ဝီရိယရှိရှိနိုး​နေခြင်းဖြစ်​သည်​။

အချိန်​ဆွဲ​နေဖို့ အချိန်​မရှိတာ​ကြောင့် ​ရေချိုးသန့်စင်​ပြီးတာနဲ့ ဗီရိုထဲက အသင့်တွေ့ရတဲ့ ဂျင်းဘောင်းဘီတစ်​ထည်​နဲ့ ရှပ်​အဖြူလက်​ရှည်​ကို မြန်​မြန်​​ကောက်​စွပ်​ပြီး အခန်းထဲက ထွက်​လာလိုက်​သည်​​။

ရစ်ခီကို ​ခေါ်ဖို့ သူ့အခန်းဆီ​ရောက်​လာ​တော့ အခန်းက ဖွင့်ထားပြီးသားဖြစ်​​နေပြီး သူ့အခန်းထဲမှာလည်း သူ ရှိမ​နေ။

ဘယ်​ကို ​ပျောက်​သွားတာလဲ ..

ဒါမှမဟုတ်​ ညတည်းက သူ့အခန်းပြန်​မအိပ်​ပဲ ဒက်​ဒီနှင့်အတူ သွားအိပ်​တာလား ..

ဒက်​ဒီကို မလွန်​ဆန်​နိုင်​လို့သာ ဒီတိုင်းနေရ​ပေမဲ့ အခုချိန်​ထိ ရစ်ခီ နှင့် ဒက်​ဒီကို တွဲပြီးမြင်​​နေရဖို့ဆိုတာ ကျွန်​​တော့်အတွက်​​တော့ အကျင့်မဖြစ်​​သေး​ပေ။

ထင်​သည့်အတိုင်း ဒက်​ဒီအခန်းက မီးမှိန်​မှိန်​​လေး လင်းနေသည်​။ တံခါးက ​စေ့ရုံပဲ​စေ့ထားတာ​ကြောင့် ရစ်ခီ အပြင်​ကို ထွက်​လာပြီးမှ အခန်းထဲ ပြန်​၀င်​​နေတယ်ဆိုတာ​တော့ သိလိုက်​သည်​။

သူဘာ​တွေလုပ်​​နေတာလဲ သိချင်​တာ​ကြောင့် ​စေ့ထားတဲ့ တံခါးကို အသာ​လေးတွန်းဟ၍ ကြည့်လိုက်​တဲ့အခါ ဒက်​ဒီအိပ်​ရာ​ဘေးက ညအိပ်​မီးအိမ်​ထွန်းထားသည့် စားပွဲ​ပေါ်မှာ ကံ​ကော်​ပန်းခက်​​တွေကို အလှပန်းအိုး ထိုးပေး​နေတာ​တွေ့လိုက်​ရသည်​။ အခန်းတစ်​ခုလုံး ​ပြောင်​လက်​​နေပြီး ပစ္စည်းအားလုံးကလည်း ရှုပ်​ပွမ​နေပဲ သူ့​နေရာနဲ့သူ ​သေ​သေသပ်​သပ်​ ရှိ​နေတာ​ကြောင့် သူသန့်ရှင်းရေးလုပ်​​ပေး​ထားတယ်​ဆိုတာ သိလိုက်​ရသည်​​။