Missing Someone

Bamboo Forest

Bamboo Forest ...

ကျိုတို မြို့ရဲ့ အထင်​ကရ ဝါးရုံ​တော​လေး ...

မြို့ပြအတွင်းက ​နေရာတစ်​ခုလို့ မထင်​မှတ်​ရ​လောက်​​အောင်​ သဘာ၀ဆန်​ဆန်​လှလွန်းသည့်နေရာတစ်​ခု ...

ဝါးရွက်​​စိမ်းလေးများဖြင့် အုံ့မှိုင်းနေလျက်​ ...

ထိုသို့ စိမ်းစိုသာယာလွန်းလှ​ပါ​သော ဝါးသစ်​​တော​လေး၏ အ၀င်​ဂိတ်​အတွင်းသို့ ရဲရဲ​တောက်​ အနီ​ရောင်​ ပြိုင်​ကား​တစ်​စီး ညင်​သာစွာ ​မောင်းနှင်​လာသည်။

ကားများရပ်​​နားရာ ​နေရာတစ်​ခုတွင်​ ဂိတ်​ထိုးလိုက်​ကာ ​ချော​မောခန့်ညားသည့် လူငယ်​နှစ်​​ယောက်​သည်​ ကား​တံခါး တစ်​ဖက်​တစ်​ချက်​စီဖွင့်ရင်း ပြိုင်​တူဆင်းလာသည်။

​လေနဲ့အတူ ဝဲလွင့်နေသည့် ဝါးရွက်​​လေး​တွေ အချင်းချင်း ပွတ်​တိုက်​ရာမှ ထွက်​​ပေါ်လာတဲ့ ရှပ်​..ရှပ်​ ဟူ​သော မြည်​သံများမှလွဲ၍ ပတ်​၀န်းကျင်​တစ်​ခုလုံး တိတ်​ဆိတ်​​အေးချမ်းနေကာ ​လေတိုးသံများမှအပ ဘာမှမကြားရ။

×××××××××××××××××××××××××

အမြဲတမ်း အိမ်​နှင့်ကျောင်းသာ သွားလာဖူးပြီး တစ်​ခါတစ်​​လေမှသာ Shopping Mall ​တွေရှိရာ ​ဈေး၀ယ်​ထွက်​ဖူးသူ ဂယူဘင်း အတွက်​​တော့ ဝါးသစ်​​တော​၏ အလှတရားတို့က မြင်​လိုက်​ရချင်းမှာပင်​ စိတ်​နှလုံးကို အပြည့်အ၀ ညိူ့ ယူဖမ်းစား​သွားလေသည်​။

" သာယာလိုက်တာ ... ဒီနေရာကို ခေါ်လာပေးလို့ ကျေးဇူးပဲ "

သူ နဲ့ ရန်​ဖြစ်​ထားတယ်​ဆိုတာ​တောင်​ ကျွန်​​တော်​မေ့​လျော့သွားမိတဲ့အထိ ... မ​ရေမတွက်​နိုင်​​အောင်​ အစီအရီ​ပေါက်​​နေသည့် ဝါးပင်​​တွေရဲ့ သဘာ၀အလှတရား​အောက်​မှာ နစ်​​မျောသွားမိတာ​ကြောင့် ​လွှတ်​ကနဲ နှုတ်ကထွက်​သွားမိသည်။

"အထဲ၀င်​ကြရ​အောင်​"

ဆိုပြီး သူ့လက်​တစ်​ဖက်​ကို ကျွန်​​တော့်အား ကမ်းပေးလာ​​တော့မှ အသိပြန်​၀င်​လာခဲ့သည်​။