وصــلـك يــخـيـط الــصـدر والــبـعـد يــفـريـه

١

-
تقدمت تجلس عند ابوها بيدها كوب القهوه والسماعات على اذنها وتتابع بالايباد كان ابوها جلس يهوجس سارح بتفكيره
تقدمت جمانه تحط راسها على كتف ابوها بتعب : بابا متى بـ نقلع ترا تعبت
فيصل ابو جمانه: مدري شوي ونقلع وتنامين بالطياره
هزت راسها تكمل متابعه
وقف يمسك يد بنته بعد اول نداء ركبو الطياره ونامت جمانه بحكم انها ما نامت طلعت من الدوام على المطار كان فيصل يفكر يفكر باشياء كثير عند اهله كان كانه خايف مرعوب من فكرة ان رجع بعد ٢٨ سنه!
قرر يرجع بعد ما خسر كل شي كل شي حرفيا ما بقى له الا بنته جمانه ، كل تفكيره بيتقبلونه هو بنته بعد ذي السنين بيستقبلونه اصلا!، ما يدري مشتت يتامل بنته النايمه على كتفه وخصلات شعرها ممتدة على اكتافه شعرها الي لطالما حبه كان حبه لبنته ما ينوصف قطع تفكره الطويل كابتن الطياره الي كان يطلب منهم ربط الاحزمه للهبوط رفع يده يصحي بنته: جمانه قومي
فتحت جمانه عيونه بكسل : وصلنا؟
هز فيصل راسه بالايجاب ، هبطت الطياره بسلام وطلعو من المطار مع تكسي وصلهم فندق متواضع نزل فيصل يساعد بنته بالشنط نطقت جمانه بتساءل: بابا منجد متوقع ان اهلك يتقبلوني ، سكتت شوي وكملت: بابا خايفه ما يتقبلوني!
تقدم فيصل يحضن بنتي بحب: لو ما تقبلوك انا بخليهم يتقبلونك انتييي جمانه حبيبة قلب ابوهاا
وصلو الغرفه حقتهم نزل فيصل يجيب اكل جمانه دخلت الغرفه تنسدح على السرير بتفكير قاطع تفكيرها رنين جوالها : اخخخ تعبتت
رزان: جوجووو اخبااارك
جمانه بضيقه: ياخي خايفه متوتره كذا احس اني بصير غلط بينهم
رزان بضحك: جمانه حبيبتي انتي تدرين وانا ادري انك مو خايفه يمكن متوتره
جمانه بضحك: رزان مو منجدك عطي الموضوع
اهميه بس والله جد خايفه احس مدريي فيه شي بيصير احس باابا عنده شي مخبيه مدريي
رزان بجديه: جمانهه بلا استهبل وشو الشي الي بيخبيه ابوك انتي وهو زي الاصحاب
جمانه بتفكير: بتشوفين ان احساسي جد وبجي اكلمك واقول لك
انفتح باب الغرفه ودخل فيصل والهواجيس بتذبحه
جمانه وهي تشوف حالة ابوها متغيره حيييل: رزان اكلمك بعدين يروحي باااي
تقدمت تجلس جنب ابوها: باابا شفيك متضايق ؟
فيصل بهدوء : كلمة اخوي ناصر بجيب ياخذنا بعد شوي
جمانه بستغراب: طيب ليه متضايق؟
رفع اكتافه بتعب : مدري مدري ي جمانه تعبااان تعبت وانا افكر
جمانه بحزن من حالته: بابا بسم الله عليك ترا رايح اهلك ولو ما استقبلوني ترا عاديي شي طبيعي لانهم ما توقعو انك تزوجت وجبت بنت بابا لا تتعب نفسك اكثر عادي لو ما استقبلوني ارجع عند خالي نهار
سند راسه على الكنبه : يصير خير كولي وارتاحي لين يجي اخوي ناصر
جمانه وهي تاكل: بابا الحين ذا اصغر واحد؟
هز راسه بـ"ايه": كان عمره صغير يوم رحت وترا رجعت لهم وانتي صغيره عرفته وتعرفت عليه ويكلمني بين فتره وفتره
جمانه بتفكير: طيب ليه تركتهم ؟
سكت فيصل يفكر بسوال بنته لان ما كان عنده اجابه للسوال مايدري وشفيه يكره الديره وطاريه كرهه محد يعلم فيه نظر بنته الي تنتظر الايجابه: مدري
سكتت جمانه بخوف من حالة ابوها وجهه شاحب وكانه خايف من شي رن جوال فيصل ووقف يرد على ناصر:هلا، انت عند الباب، تمام بنطلع الحين
وقف ووقفت جمانه وراه تشيل باقي الاكل بالكيس وترتب اغراضها: بابا المكان بعيد؟
هز فيصل راسه بـ"لا " وكمل مشي وبنته وراه تقدم يوقف برا وجمانه جنبه كانت لابسه عبايه كحليه وطرحه على راسها شعرها متبعثر بشكل مرتب تقدم ناصر بفرح يسلم على فيصل: والله بتنور الديرهه
سكت وهو يشوف جمانه الي كانت مبتسمه وسال بستغراب: هذي زوجتك؟
تلاشت ابتسامتها لانه عرفت سبب خوف ابوها وتوتره مااعلمهم ان عنده بنتت رد فيصل: لا بنتي
ناصر بضحك: تستهبل معيي؟
هز راسه فيصل: لا والله بنتي جمانه بنت فيصل ال فواز
ناصر بصدمه: يعني هاذي اخت سلطان؟
جمانه كانت ساكته انصدمت صدمتين بنفس الوقت
لفت لابوها الي كان متجاهلها تكلم فيصل: ايه ايه اخت سلطان امش بس
تقدم ناصر ياخذ الشنط يركبها السياره ركبت جمانه وهي مصدمه سكتت سكوت عجيبب كان الي سوق ناصر وجنبه فيصل وجمانه ورا لابسه سماعاتها
وسانده راسها على الشباك تتامل الشارع وكلمات الاغنيه الي تحبها تتكرر وهي سرحاانه ، كان ناصر مسرع تقريباً نطق فيصل بعد ما تاكد ان جمانه هي معهم: اسمع لا تقول لاحد انها بنتي زينن!
جمانه كانت سرحانه ومن كثر ما الاغنيه تتكرر وقفت بنفس الوقت الي كان يتكلم فيه فيصل ، نطق ناصر: ابشر بس ......
قاطعته جمانه بعد ما طال صمته بصوت مخنوق: ليه
سكت ناصر وفيصل تنهد : لاني خايف
هزت جمانه راسها بجديه: تمام انا بقول اني بنت صديقك وانت دبر الباقي
فيصل الي كان يعرف طبع بنته ويعرف انها بنفضحه وهو يبي ذا الشي بس مايبي ما يدري مشاعره متضاربه متشتت خايف ومخنوق وتعبان: جمانه خلاص انتي بنتي وحبيتي وتعرفيني زين
سكت جمانه بدموع ولفت للشباك بعد نص ساعه تقريباً وصلو الديره دخلوها من شارع ترابي كانت البيوت عاديه جدا عكس بيوت المدن بيوت على متقاربه لبعضها ، وقف ناصر عند بيت يعتبر قديم شوي بس كبيير جدا كان اكبر بيت بالديره ذي نزل فيصل تارك بنته لـ ناصر نزلت ومعها شنطتها الي فيها اغراضها من ايباد وسماعه اكسسوراتها الي كانو عليها روج مرايه ، نزلت وهي تعبانه من كل شي ودها تنهار تقدمت تدخل بعد ناصر وهي تسمع الترحيب والصراخ والبكاء وقفت تشوفهم مستانسين بابوها بس بعد كم دقيقه انتبهو لها تقدمت امه نوره: فيصل منهي ذي؟
فيصل بتعب: هاذي بنت صديقي سالفتها سالفه اقولها لكم بعدين
تجمعت الدموع بعيونها توقعته يمزح تراجعت بعد ما اخذتها نوره داخل ونطقت: عيب وانا امك ما تسترين وجهك عند الغريب
سكتت جمانه لانها تدري لو نطقت بحرف بتنهار دخلتها عند ٣بنات و٣ حريم كبار شوي نطقت نوره: هاذي جابها فيصل يقول انه بنت صديقه شكل سالفتها سالفه
وقفت وحده من الحريم بفرح: فيصل جااء !!
نوره ببتسامه: اييه جاء زوجك جااء
غمضت جمانه عيونها بقهر وهي تحاول تسيطر على حزنها تقدمت لها وحده من البنات: تعالي عندنا بنروح فوق السطح يعجبك
وقفت جمانه تروح معهم نطقت وحده من البنات: وش اسمك ؟
جمانه بارتباك: ج جمانه
ابتسمت البنت: تشرفنا والله انا اسمي جود
وهاذي بتول وهاذي جنان
هزت راسها جمانه ونطقت: تشرفنا
وصلو السطح وكان فيه شخصين جالسين هناك نطق واحد منها: خالي فيصل جاء؟
جود : اييه موجود تحت
وقف الشخص الي سال: سلطان قوم ابوك
وقفت جمانه تتامل سلطان وتكلم نفسها: الحين هذا اخوي دقيقه جمانه كيف عندك اخو الي قدامي ذا اخويي!
سلطان بضيق: مابي اشوفه ياخي
تقدم الشخص يسحبه نطق سلطان: متعبب اتركنيي ياخي مابيي
متعب: بالاطقاق انقلع
ولف يبي يطلع وقف عند البنات: دقيقه انتو ليه صرتو اربع؟
ضحكت جنان: والله مدري عمي فيصل جاب جمانه يقول بنت صاحبه
لف سلطان على طول شاف جمانه تناظر فيه وسرحانه نطق بغضب: وعمكم ذا وشيببي بعيال خلق ربي
لفت جمانه تلحق البنات
وقف بغضب : ينزل لابوه
جلست جمانه وهي بتبكي بس متحمله كانت جلستهم كيوت ومرتبه حلا وقهوه ويصورون ويضحكون بس هي بعالم ثاني كانت تقلب بالحلا بهدوء
جود بهمس: جمانه فيك شي؟
ناظرت فيها جمانه: مصدعه مانمت زين
هزت جود راسها: تمام قومي اوصلك غرفتك
وقفت ووقفت جمانه معه نزلو الدور الثاني نطقت جود وهي تمشي : كلنا عايشين هنا
رفعت يدها تشير على غرفه غرفه: هذي غرفة سلطان، وهاذي لـ متعب
وكان الدور الثاني عباره عن قسمين قسم فيه كل قسم فيه ٧ غرف تقدمت تفتح غرفه : هاذي بتكون لك صدق قديمه بس عاد تحملي
هزت جمانه راسه ودخلت كانت عباره عن فراش بالارض ودولاب صغير ابتسمت بحزن وهي تتذكر كيف كانت عايشه بسعاده بالمدينه غرفتها اجمل اثاث وبيتهم كبير وواسع فقده لامها هو اللي خلا ابوها يفكر يترك كل شي يذكره بزوجته ويرحل جلست تطلع جواله تتصل على رزان وهي منهاره ردت رزان: هلا جوجو بسم الله وشفيك تبكييين!
جمانه بدموع: ق قلت ق للت قلتك بيصير شيي
رزان بصدمه: وش صار وشفيك!
جمانه وهي منهاره: مم م محد يدري ان جمانه فيه م ماعترف ف فيي فيني
رزان بخوف وصدمه: جوجو اهدي اهديي
كانت جمانه تبكي من كل قلبه منهاره ماقدرت تمسك نفسه ولا قدرت تسكت تنهدت بعد ماتعبت وهي تبكي وجوالها طفى بوجهه رزان انهارت اكثر وانسدحت على الفراش وهي منهاره من كثر مابكت نامت بدون ماتحس
بنص الليل قامت وهي دايخه سحبت شنطتها تطلع منه عصير كانت دايخه وتسمع صوت جهاز السكر يرن والباب يطق وماقدرت تركز بشي بس قدرت تسحب العصير تشربه جلست بهدوء رغم الصداهع والدوخه تنهدت تتذكر كيف ابوه دايم جنبه وقفت بعد ما صحصحت شوي سحبت شنطتها تطلع ابرة الأنسولين واعتمدت على نفسها شوي وقامت تفتح الباب كان ابوه واقف تقدم يحضنه بخوف وهمس : خفت صار لك شي سمعت صوت جهاز السكر
دفته وهي كاره نفسه : مافيني شي وخر
تنهد يدري انه قسى عليها مره: جمانه والله ماعندي الشجاعة اقول لهم
تنهدت بهدوء: مو لازم تقول هم اهم شي راحتك
ولفت تدخل غرفتها وتسكر الباب جلست على الفراش بهدوء سحبت شنطتها تطلع الشاحن تشحن جوالها والايباد تتابع فيه
كانت الساعه ٤ الفجر اذن وهي جالسه تتابع وتحط مناكير طق باب الغرفه وسمعت صوت من وراه: قومي الصلاه
تنهدت وسكتت تكمل مناكير ورجع الباب يطق قامت وهي خلاص قافله معه: ماااصلي ياخي عندي عذرر!
انصدمت ان الي ورا الباب جود نطقت جود بصدمه وضحك: خرشتيني طيب
ابتسمت جمانه: معليش ماكنت ادري انه انتيي
ابتسمت جود: هاذي عمتي رهف لازم تقوم الكل
جلست جمانه بعد مادخلت جود وسكرت الباب : هي نفسها زوجة بـا .. فيصل؟
هزت جود راسه: اي ولده سلطان عسلل اكثر انسان فرفوش بالحياه رغم انه جالدته
تنهدت جمانه تطلع من المسلسل : طيب سولفي لي عن عائلتكم
جلست جود وهي تشوف ايباد جمانه: قبله هذا لك؟
هزت جمانه راسه جود بصدمه وهي تتفحص الايباد: اوف اذكره غالي بـ ٤٠٠٠ ﷼
هزت جمانه راسه ناسيه وضعه : بابا اشتراه لي عشان ادرس فيه
جود: وش تدرسين؟
جمانه : بـالجامعه
ضحكت جود: انا بعد مفروض بالجامعه بس سقطت مرتين بالابتدائي
ضحكت جمانه بصدمه: يساتر
جود وهي تقلب بايباد جمانه وتغير الموضوع:كم يوم وعمتي منى بتجي غالباً فا بتجي هتاف
جمانه وهي تنسدح : منهي هاذي بعد عجزت اعرفكم
ضحكت جود تقوم: بتعرفينا معليك
-
سعود : يمه ليه ما تبين تروحي؟
منى بتفكير :مدري ي سعود مدري
هتاف: يمه روحي عادي ترا مشكله بسيطه خوالي مالهم دخل
منى : اجل امشو
طارق: بروح اخذ اغراضي اجل
وصلو الديره بعد ساعات كانت واقفه قدام بيت اهله بهدوء تقدمت تطق الباب
تقدم سلطان الي كان جالس بهدوء بالمجلس يسمع سوالفهم وكلام ابوه فتح الباب وابتسم يوم شاف عمته منى تقدم يحضنها: عمتيييي منى اهلللين
ابتسمت منى بحب: هلابك السلطي
ابتعد عنها يحضنها بكتفه ويدخل فيها وهو يسالها عن حاله
البيت كله انصدم امس فيصل واليوم منى الي قاطعتهم من شهر بسبب رهف ام سلطان
جمانه كانت بغرفتها جالسه تفكر وش وصلها الى هنا بس وش تسوي هي وافقت على انها تجي مع ابوها وقفت تسحب شنطتها حقت السكر وهي تنزل تحت بخطوات هاديه تدور المطبخ كانت تسمع سوالف وصراخ اطفآل تستغرب ماشافت اي طفل يوم جت؟ دخلت المطبخ حصلت عامله و المره الي دخلتها نطقت بهدوء: وين الثلاجه
لفت نوره تشوفها كانت لابسه بلوفر وردي وبنطلون اسود وشعرها البني متوسط الطول على ضهرها
نوره بدون ماتنطق حرف رفعت يدها تشير للمخزن لفت جمانه تدخله كان كبير وغريب فيه ثلاث ثلاجات كبار ، حست برعب يوم سمعت الباب يتسكر بالقفل
-

نحتاج ارائكم تهمنى🩷
والنجمه ⭐️