روح تراني طايب النفس مابغاك حكم طغى ماعاد ينفع نظامه

البارت ٣٧

دخلت رنا القاعة تسلم على البنات وساميه وام عساف
تجلس جنب توق : وين حوريه ؟
توق : فوق تنتظر الزفة
ابتسمت تهز راسها توقف تصعد للأعلى
تطرق الباب تسمح لها تدخل
كانت جالسه وتتزين بفستان توب اكمامه نازله ومن جهة الصدر يتزين بالريش
مع طرحتها الطويله ومسكتها بيدها الي ترتجف
سلمت عليها رنا تناظر توترها الشديد
رنا : حوريه بسم الله عليك اهدي شوي
حوريه : مقدر يا رنا مقدر احس خلاص مب لازم عرس
ضحكت رنا عليها تطبطب على كتفها : تهون ماعليك لما يخلص كل هذا بس انتي اهدي
تنفست بعمق تزفر وهزت راسها توقف
بعد مده من جا وقت زفتها
وقفت خلف الباب ينفتح تطلع نجمة الليله بطلتها المبهرة تتقدم لمهووسها الواقف يستناها وفاتح لها ذراعيه يسمح لها تدخل تحت جناحه يحاوطها ببشته
يثبت لها وللكل انه يستاهلها وبتبقى تحت جناحه طول العمر
عساف بهمس : حاس نفسي طالع من حرب طويله بس طلعت فيها مع اكبر انتصار انتي افضل انتصاراتي يا حوريه انتي
زمت ثغرها بأبتسامه يبتعد عنها يمسك كفها يتوجهون للكوشه يسلمون على امه وجدته وساميه الي مو راضيه بس ساكته عشان كلام الناس

تغريد : مقدر بنات يهبلون
لمار : يا ام دميعه امسحيها وش بتسوين بعرسك ؟
تغريد وهي تهوي على وجهها : هذي مافيها كلام تعرفوني ببكي اكيد
توليب بمزاح : الله يعين اخوي خذ وحدة حساسه
تغريد : طيري يا بطه
شهقت توليب تأشر على نفسها : اناا!!
هزت تغريد راسها وكملت توليب وهي ترجع شعرها للخلف بغرور : على الاقل احلى بطه بتخليك عمه
منيرة ؛ من هذي الناحيه صح
ضحكو باقي البنات منهم تنطق هازان : بنات ودي نطلع شاليه قريب شرايكم ؟
رغد : عن نفسي موافقه
توق : حتى انا ولاء وش قلتي ؟
ولاء : ماورانا شي
ميس : تم من الحين
نوال دقت صدرها : ازهلوني انا بحجزة
هازان : انا اقترحت يعني انا بحجز
نوال : ماله دخل انا بحجز
هازان : انا اكبر منك
ناظرتها نوال بطرف تمسك قهوتها ترتشف منها : لوسمحتي كلنا نفس العمر
لميس : لا انتي ولا هي انا بحجز
رنا : خلاص كل وحدة تحط مبلغ ونختار الشاليه كلنا خليتوها مسأله انتي وهي
ضحكو توق وتوليب وميس عليهم
ينزلون طرحهم على اكتافهم من طلع عساف يلحقون حوريه الي تلبس عبايتها
تنهدت تقترب تسلم على امها وتطلع برا الغرفه تشوف البنات واقفين ينتظرونها
ابتسمت تقترب منهم تعانقهم بقوة
تسمع منهم توصيات ، ودعتهم تنزل تحت
طلعت تشوف ابوها واخوانها واقفين يوصون عساف عليها
تقدمت تقبل راس ابوها تعانقه وتعانق اخوانها تودعهم تركب معه يتوجهون للفندق
نزلت نظرها لكفه الي عانق كفها يرفعه لثغره يقبله ، ضحك يناظرها ورجع نظرة للطريق
حوريه : ايش في ؟
عساف : تذكرت يوم ضحكتي علي لما قلت اني بجي واخطبك بس الحين سويتها وضحكت عليك
رفعت حواجبها بأبتسامه تنطق : ماشاء الله هذا الي ضحكك همممم
رجع عساف يضحك تضحك معه من بعدها يعم الصمت حتى وصولهم للفندق
نزل يساعدها تنزل يتوجهون الريسبشن
ياخذ كرت الغرفه يصعدون لها
دخلو وسكر الباب يوقف قدامها يعانقها : بجيب عشاء واجي
هزت راسها يطلع برا الغرفة
اما هي راحت تفتح الشنطه وطلعت لها
قميص سماوي مع روبه وتوجهت للحمام تاخذ شاور سريع لجسمها  من بعدها رطبته تجدد مكياجها بأخر اخف منه
حررت شعرها تتركه على راحته حطت مسك على اماكن النبض تتعطر
وطلعت تشوفه رجع ومعه الاكل ابتسمت
تجلس جنبه يسمون بالله يبدون ياكلون
وقفت من خلصو تشيل الاكل وتغسل يدها تروح لغرفة النوم تشوف بدل ثوبه ولبس شورت عضت شفتها بخجل من شافته عاري الصدر تغير اتجاهها تبي تروح الصاله بس وقفتها يده الي اغلقت الباب
ترفع نظرها له تشوف نظراته وتفهم انه يبي وصلها من نزل لثغرها المعسول يتذوقه رفعت كفوفها لعنقه تشد عليه تغمض عيناها من اندفاعه
ينزل لنحرها يزينه بورودة الحمراء
تنفس بغضب من صوت الهاتف الي رن اكثر من مرة يقاطعه
حوريه : رد يمكن مهم
ابتعد عنها ياخذ هاتفه يشوف المتصل وائل : نعم وش تبي ؟
وائل : عساف اسف بس لازم تجي
عقد عساف حواجبه يناظر حوريه المستغربه : وش تقول انت ووجهك وضح
وائل : توليب انخطفت