محيط الضلام (قاع السوداد)

المـشاهِـد

المـَشهد_1_

طب مسعود يركض
::شيخ شيخ اجت

وگفنا كلنا وچدي رگع عوچيته بالگاع
وگله:: گلها خدش هينه

في تلك اللحظة كل الذين حاضرين في المجلس
لم يعرفوا من التي جاءت، يعتقدون ان الذي جاءت
شخصً عاديًا ولكن هم لم يعرفون، التي جاءت
هيه جحيمهم الاسود، هم لم يعرفون التي جاءت،
عاصفتهم السوداء،هيه لهيب الليالي، هيَ ال••••

••••••••••••••••••

المـَشهد _2_

وگفت بنصهم وصحتت بصوت جمهوري
:: وروح عزيزي اذا ما گلتو رسول وين
اخيسكم بسجون وحك نحره را...

قاطع كلامي رنين جهازي رفعته شفته
هوه بسرعه رديتت:: هاا مالگيتوو

وصلني صوته وهوه يحچي فرحان
:: اي اي لگينه مكانه راح ادز موقعه
روحي قبلنه بس ديري بالج.

كبل سديته وجريت السويج وقبل
لا اطلع درتلهم وگلت وانه راصه على سنوني
:: لا تضنون راح تعبر مثل كل مره، هل مره
بس رب العباد يرحم بيكم.

طلعت اركض صعدت السياره شغلتها
وصلني موقع رسول سقت سريع وانه
اتابع الخط لحد ماشفتت لافته مكتوب
عليها
[النجف الاشرف تودعكم]

••••••••••••••••••

المـَشهد _3_

كامشها بيدي وهيه تصرخ باعلى صوت
عدها وتضرب على وجهها بقهر
:: عوووفنييي ولكك عوفنييي، ولكممم
انه چتالة اخيي منين اجيب الثار، اخخ يا
نار گلبي

لزمتها حيل من اديها وهزيتها
:: مو ذنبج ولعباس مو ذنبج، انتِ ماعليج

دفعتني بقوه ورگضت لامها التباوعلها
وتبچي بصوت عالي وتلطم، چرت ادين امها
وتضرب روحها بيهن
:: ولج يمهه اكتليني انه كتالة ابنج اكتليني

چرت اديها وهي تهز براسها وتلطم على
رجليها، ماچاي تقتنع هيه مو ذنبها بس حقها

رفعت اديها تباوع بيهن وصيح
:: انه كتلت ابني مو اخوي، ولكم محد
يعرف النار البگلبي، ولكم تحملت العشته
علموده، بس علموده، وتاليها اضيع كلشي
بثواني، اخووي راححح، ولككك يمههه تعالييي
بس خنحضنك ما شبعت منكك، ولكك يمه
حبيبي..

••••••••••••

بعدنه زغار بس جروحنه كبار
وشيبنه وبعد ما كامل الراس
گادونه العواجي بعمر عشرين
على كومتنه كام تعينه الناس
من اول ملكه ويا الدنيه لجمات
مثل ملكه غصن وي شفة الفاس..

••
شلونهم سُلطانات جُلباهار؟؟
حيييل مشتاقه، طبعاً حبيت انشر المشاهد
واگول الكم شي مهم!!

طبعاً راح انزللكم بارت وكت فراغي
لحد متكمل الروايه، لحد تلومني عتقصير
لو شي لان اني سنه اعفاء وللصراحه
جاي يطيح حضي، فا اتمنى تعذروني
اذا شفتوو خربطه او تقصير زغيروني

المهم الي گاعده هسه اتمنى تگوم
تصلي صلاة الفجر وتدعي الي ولكل
العراقيين،

هسه احب اكول الكم

في حفظ الرحمن ♡.